১ বংশধর 10:1 - Chakma Bible

¹ একপল্লা পলেষ্টীয়গুনে ইস্রায়েলীয়গুনো বিরুদ্ধে যুদ্ধো গুরিলাক্‌ আর ইস্রায়েলীয়গুনে তারা মুজুঙোত্তুন্‌ ধেই গেলাক্‌। তারা ভিদিরে ভালোক্কুন্‌ মান্‌জ্যে মুড়োমুড়িত্‌ পলেষ্টীয়গুনো আদত্‌ মুরি গেলাক্‌।

১ বংশধর 10:1 ပူးပေါင်းရင်းမြစ်များ

২ শমূয়েল 1:21

ও গিল্‌বোয়োর্‌ মুড়োমুড়িগুন, তমা উগুরে শিরোপানি বা ঝড় ন-পোড়োক্‌, তমা ভিদিরে বোলি শোজ্য খেদ্‌‌অ ন-থোক্‌; কিত্যে সিয়োদোই দঅ বীরমানুচ্চুনোর ঢালানি অসর্মানিত ওইয়োন, শৌলর ঢালত্‌ আর তেল গুলোনা ন-অর্‌।

২ শমূয়েল 1:6

গাবুজ্যেবো তারে কলঅ, “মুই সে অক্তত্‌ গিল্‌বোয় মুড়োবোত্‌ এলুং আর শৌল সেক্কে তা সেল্‌লো উগুরে ভর্‌ দিইনে থিয়্যেই এলঅ। সে অক্তত্‌ রথ আর ঘোড়াচালেইয়্যেগুনে পেরায়্‌ তা মাঢা উগুরে লুম্মোন্দি।

২ শমূয়েল 21:12

দায়ূদে সেক্কে যাবেশ-গিলিয়দর মানুচ্চুনো ইত্তুন্‌ শৌল আর তা পূঅ যোনাথনর অাড়ুন তুলি আনিলো। পলেষ্টীয়গুনে গিল্‌বোয়ত্‌ শৌলরে মারে ফেলানার পরেন্দি তারার্ দ্বিজনর কিয়্যেগানি বৈৎশানর শঅর-চক্করবোত্ টাঙেই দিলাক্। যাবেশ-গিলিয়দর মানুচ্চুনে সিয়োত্তুন্‌ কিয়্যেগানি চুর্‌ গুরি আন্যন্‌।

১ বংশধর 10:8

তার্‌ কেল্যে পলেষ্টীয়গুনে মরা মানচ্চুনো পযাপিরানি লুদেবাত্তে এইনে দেগিলাক্‌ গিলবোয় মুড়োবো উগুরে শৌল আর তা পুয়োগুনো মরাকিয়্যেগানি পড়ি আঘে।

১ বংশধর 9:44

আৎসেল ছঅজন পুয়ো নাঙানি অলঅ অস্রীকাম, বোখরূ, ইশ্মায়েল, শিয়রিয়, ওবদিয় আর হানান।

১ শমূয়েল 28:1

দায়ূদে সিক্লগত্‌ থেবার্‌ অক্তত্‌ পলেষ্টীয়গুনে ইস্রায়েলীয়গুনোর বিরুদ্ধে যুদ্ধো গুরিবাত্তে সৈন্য থুবেলাক্। সেক্কে আখীশ দায়ূদোরে কলঅ, “তুই হামাক্কায় বুঝি পারর্‌, তরে আর তঅ মানুচ্চুনোরে সৈন্যদলত্‌ মিজেইনে মঅ লগে যাহ্ পুরিবো।”

১ শমূয়েল 28:4

পলেষ্টীয়গুনে এক সমারে এগত্তর্‌ ওইনে শূনেমত্‌ যেইনে তাম্বুল ফেলেলাক্। ইন্দি শৌলেয়ো বেক্‌ ইস্রায়েলীয় সৈন্যগুনোরে এগত্তর্‌ গুরি নেযেইনে গিল্‌বোয় মুড়োবোত্‌ যেইনে তাম্বুল ফেলেলাক্।