Tito 3:13 - Chayahuita (Shahui)

¹³ Sinasë, Aporosë, inapita cantonpachinquën, noya nontëquëꞌ. Sinasësoꞌ coisë catahuanaꞌpi. Yapaꞌpachinaꞌ, catahuaquëꞌ noya paꞌinaꞌ. Maꞌsha pahuantohuachinaꞌ, quëtëquëꞌ ama pahuanchinasohuëꞌ.

Tito 3:13 ပူးပေါင်းရင်းမြစ်များ

Mateo 22:35

Aꞌna maistro iráca nanan noya nitotërinsoꞌ huëꞌsahuaton, Quisoso nontiirin atëhuëcaso marëꞌ.

Lucas 10:25

Ina quëran aꞌna maistro iráca nanan noya nitotërinsoꞌ huanirahuaton, Quisoso tënicaso marëꞌ itapon: —¿Maꞌtaꞌ Maistro onpoꞌi nanpimiataꞌhuaso marëꞌ? itërin.

Lucas 11:45

Aꞌna cotio maistrori natanahuaton, noꞌhuirin. —Ina pochin pënëntaton Maistro, quiyantaꞌ anatantarancoi, itërin.

Lucas 11:52

¡Maꞌhuantacha cotio maistroꞌsanquëmaꞌ nisarama paya! Niahui osërëtërëso pochin co Yosë nanamën noꞌtëquën aꞌchintëramahuëꞌ niꞌton, piyapiꞌsaꞌ co Yosë nohuitopihuëꞌ. Co canpita tërantaꞌ Yosë huëntonënquë yaꞌconamahuëꞌ. Aꞌnapitantaꞌ yayaꞌconpirinahuëꞌ, co nohuantëramahuëꞌ. Ina marëꞌ Yosë anaꞌintarinquëmaꞌ,” itërin Quisosori.

Lucas 14:3

Cotio maistroꞌsaꞌ, parisioroꞌsaꞌ, inapita notëërahuaton, Quisosori itërin: —¿Noya chinoto tahuëri caniaꞌpi anoyatacasoꞌ ti? ¿Maꞌtaꞌ tënamaꞌ canpita? itërin.

Lucas 7:30

Parisioroꞌsaso nipirinhuëꞌ, co nohuantopihuëꞌ Yosë nanamën natëcaisoꞌ. Coansha noꞌtëquën pënëntopirinhuëꞌ, topinan quëran natanpi. Napoaton co aporihuanpihuëꞌ. Cotio maistroꞌsarintaꞌ co yanatëpihuëꞌ.

Hechos 15:3

Aꞌpahuachinara, paꞌpi. Pinisia parti, Samaria parti, inaquëpita paꞌsahuatonaꞌ, shaꞌhuiraꞌpiapi. “Nisha piyapiꞌsantaꞌ iráca yonquipisoꞌ naniantatonaꞌ, Quisoso imasapi huachi,” itëraꞌpiapi. Quisoso imapisopita natanahuatonaꞌ, nóya cancantopi.

Hechos 18:24

Naporoꞌ tahuëriꞌsaꞌ aꞌna cotio quëmapi Ipisoquë paꞌnin, Aporosë itopisoꞌ. Aricantriaquë nasitërin. Noyá nitotërin aꞌchinacasoꞌ. Yosë quiricanën iráca ninshitopisontaꞌ noya nitotërin.

Hechos 19:1

Aporosë Corintoquë yaꞌhuasoꞌ, Paono huancoro ira paꞌtahuaton, Ipisoquë canconin. Inaquë naꞌamiáchin imapisopita quënanconin.

Hechos 21:5

Simana nanihuachina, paantarai. Yapaꞌpatëira, ninano yonsanquë huarëꞌ imarinacoi. Saꞌinarë chachin, huiꞌninpitarë chachin caꞌtaninacoi. Nonshinanquë isonconahuatoi, Yosë nontërai.

Hechos 28:10

Ina marëꞌ nóya niꞌninacoi. Naporahuaton, maꞌsha nicanarinacoi. Huaꞌqui inaquë yaꞌhuërai. Yapaꞌpatëira, pahuantërincoisoꞌ quëtërinacoi.

Romanos 15:24

Nani yonquirahuë Ispaniaꞌpaꞌ aꞌchinaꞌhuaso marëꞌ. Inatohuaꞌ paꞌpato, nirapënquëmaꞌ. Naporo huarëꞌ ninohuitarihuaꞌ. Huaꞌquimiáchin yacapatënquëmaꞌ, piꞌpian tërantaꞌ aꞌchintaranquëmaꞌ. Ina quëran yapaꞌpato, catahuaco noya paꞌi, topirahuëꞌ.

1 Corintios 16:11

Huiꞌnapi nipirinhuëꞌ, ama nocancosohuëꞌ, noya natancoꞌ. Noya nontatomaꞌ, catahuacoꞌ isëquë huënantaꞌin. Ina ninarahuë. Aꞌnapita iyaroꞌsarëꞌ canquimapon, tënahuë.

1 Corintios 16:12

Iya Aporosëntaꞌ shaꞌhuitopirahuëꞌ. “Iyaroꞌsaꞌ paꞌpachinaꞌ, quëmantaꞌ paquëꞌ,” itopirahuëꞌ, co ipora nohuantërinhuëꞌ. Nanitohuachin, nicaponquëmaꞌ paꞌsarin.