Tito 3:11 - Chayahuita (Shahui)

¹¹ Nisha nisha yonquiaton, nitapicancanarin. Co noyahuëꞌ cancantaton, inaora ninaꞌintarin.

Tito 3:11 ပူးပေါင်းရင်းမြစ်များ

Lucas 19:22

‘Quëmasoꞌ co noyanquënhuëꞌ, chiroran. Co piꞌpisha tërantaꞌ natërancohuëꞌ. Quëmaora nanamën quëran napotaranquën. Co sacataponahuëꞌ, canaran, ¿itëranco ti?

Lucas 7:30

Parisioroꞌsaso nipirinhuëꞌ, co nohuantopihuëꞌ Yosë nanamën natëcaisoꞌ. Coansha noꞌtëquën pënëntopirinhuëꞌ, topinan quëran natanpi. Napoaton co aporihuanpihuëꞌ. Cotio maistroꞌsarintaꞌ co yanatëpihuëꞌ.

Juan 3:18

Huiꞌnin natëhuatëhuaꞌ, co Yosë anaꞌintarinpoahuëꞌ. Co natëpisopitahuëꞌ nani Yosëri yonquirin anaꞌintacasoꞌ. Inaíchin huiꞌnin nipirinhuëꞌ, co natëpihuëꞌ. Napoaton anaꞌintarin.

Hechos 13:46

Paonoso nipirinhuëꞌ chiníquën cancantaton, co tëꞌhuarinhuëꞌ. Pirnapintaꞌ chiníquën cancantërin. —Canpitaꞌton Yosë nanamën shaꞌhuitaꞌhuanquëmasoꞌ yaꞌhuëpirinhuëꞌ, aꞌporamaꞌ niꞌton, canpitaora tëhuënëma quëran co nanpimiataramahuëꞌ. Napoaton nisha piyapiꞌsaꞌ aꞌchintarai.

Hechos 15:24

Iꞌhua aꞌnaquën isëquëran paꞌpachinara, nisha aꞌchintërinënquëmaꞌ. ‘Co Moisësë pënëntërinsoꞌ natëhuatamahuëꞌ, co Yosë huëntonënquë yaꞌconaramahuëꞌ,’ itërinënquëmaꞌ. Co quiyari aꞌpapiraihuëꞌ, paꞌpi. Natanahuatomaꞌ, nisha nisha yonquiramaꞌ. Pirnapi Paonorë chachin huëcaton, nani shaꞌhuitirincoi. Ipora huarëꞌ nitotatoi, ninshitarainquëmaꞌ.

Hechos 23:25

Ina quëran quirica ninshitërin huaꞌan quëtacaiso marëꞌ.

Romanos 3:19

Tëhuënchachin co noyahuëꞌ nicatëhuaꞌ, yaꞌipinpoaꞌ oshahuanëhuaꞌ. Yosë pënëntërinsoꞌ nitotopirëhuahuëꞌ, co natërëhuahuëꞌ niꞌton, anaꞌintinpoasoꞌ yaꞌhuërin.

2 Timoteo 2:14

Ina nanan chachin api yaꞌipi piyapiꞌsaꞌ shaꞌhuitaantaquëꞌ yonquiꞌinaꞌ: “Yosë niꞌsarinpoa niꞌton, ama nisha nisha ninontocosohuëꞌ,” itëquëꞌ. Inahuara yonquinëna quëran nisha nisha ninontohuachinara, topinan quëran nonsapi. Insosona inapita natanpachinaꞌ, co huachi noya Yosë imasapihuëꞌ. Nisha cancantatonaꞌ, yaaꞌpoapi.

Tito 1:11

Yapënëntohuachinaꞌ, shaꞌhuitëquëꞌ ama pënënchinasohuëꞌ. Maꞌsha canacaisoáchin yonquiatonaꞌ, aꞌchinapi. Nisha aꞌchintohuachinara, aꞌnaquën Yosë nanamën yaaꞌpopi. Quëmopinënpitarë chachin nisha imasapi.

Tito 1:14

Ama cotioroꞌsaꞌ iráca napopisoꞌ natëinasohuëꞌ. Aꞌnaquën noꞌtën nanan aꞌporahuatonaꞌ, inahuara yonquinëna quëran aꞌchinapi. Ama inapita natëinasohuëꞌ.

Hebreos 10:26

Quisocristo nanamën nani nitotërëhuaꞌ. Nitotarihuarahuëꞌ, naquëranchin naquëranchin co noyahuëꞌ nipatëhuaꞌ, aꞌpopisopita pochin cancantararihuaꞌ. Aꞌpohuatëhuaꞌ, co insontaꞌ nanitarinhuëꞌ oshanënpoaꞌ inquitinpoasoꞌ.