Tito 2:5 - Chayahuita (Shahui)

⁵ Noya yonquicaiso marëꞌ pënëinaꞌ. Ama mantaꞌ soꞌinaꞌ tëhuananpitacaisoꞌ yonquiꞌinasohuëꞌ. Soꞌinaꞌ noya nocomaꞌinaꞌ. Yaꞌipi piyapi noya nonchinaꞌ. Soꞌinaꞌ noya natëinaꞌ ama aꞌnapitari Yosë nanamën nonapicaiso marëhuëꞌ.

Tito 2:5 ပူးပေါင်းရင်းမြစ်များ

Génesis 18:9

Nani coshatohuachinara, niꞌtoroꞌsari Apraan natanpi: —¿Saꞌanpo huachi? itopi. —Maꞌtana nëꞌmëtë pëi acoana yaꞌhuëarin, itërin.

Génesis 3:16

Ina quëran sanapi yaꞌhuërëꞌ itapon: —Co natërancoso marëhuëꞌ, huaꞌhuanpatan paꞌpi iquin quëran huaiaran. Napoaponahuëꞌ, soꞌyan yaꞌcariantaran. Naporahuaton, soꞌyan camaiinquënso yaꞌhuërin, itërin.

2 Samuel 12:14

Napoaponahuëꞌ, co noyahuëꞌ ninanso marëꞌ inimiconënpitari Yosë nocanpi. Inapotopi niꞌton, huiꞌnan nasha huaꞌhuatërinsoꞌ, chiminacaso yaꞌhuërin, itërin.

Proverbios 7:11

Inasoꞌ sanapi nisha nisha cancantërin. Inapoaton co pëinënquë yaꞌhuërinhuëꞌ.

Hechos 9:36

Copëquë aꞌna sanapi Tapita itopisoꞌ yaꞌhuërin. Crico nananquë Torëcasa itopi. Inantaꞌ Quisoso imarin. Noya sanapi niꞌton, saꞌahuaroꞌsaꞌ nosoroaton, nani tahuëri catahuarin. Pahuantohuachinara, maꞌsha topinan nicanarin.

Hechos 9:39

Napoaton Pitro inapitarëꞌ paꞌnin. Canconpachinara, inapa paꞌcotëquë quëpantapi. Inaquë naꞌa quëyoronoꞌsari tahuirapitahuatonaꞌ, naꞌnëtopi. Aꞌmopisopita Tapitacoꞌ iꞌhua pipitërinsoꞌ saꞌahuaroꞌsaꞌ quëtacaso marëꞌ aꞌnotopi.

Romanos 14:16

Maꞌsona tërantaꞌ noya nicacasoꞌ yaꞌhuëpirinhuëꞌ, aꞌnapita co noyahuëꞌ niꞌpachinënquëmaꞌ, ama napocosohuëꞌ. Niꞌcona co noyahuëꞌ nicatënënquëmaꞌ nonapichinënquëmaꞌ.

Romanos 2:24

Co noyahuëꞌ cancantëramaꞌ niꞌton, nisha piyapiꞌsantaꞌ co Yosë noya niꞌsapihuëꞌ. Quiricanënquë chachin naporin:

1 Corintios 11:3

Isontaꞌ iyaroꞌsaꞌ aꞌchinchinquëmaꞌ nitotocoꞌ. Co insontaꞌ inaora nohuanton yaꞌhuërinhuëꞌ. Tëhuënchachin natëcasoꞌ yaꞌhuërin, tënahuë. Sanapiꞌsasoꞌ soꞌinaꞌ natëinaꞌ. Quëmapiꞌsantaꞌ Quisocristo natëinaꞌ. Quisocristosoꞌ Tata Yosë natërin.

1 Corintios 14:34

sanapiꞌsasoꞌ taꞌtatonaꞌ, natainaꞌ. Ama pënënchinasohuëꞌ. “Quëmapiꞌsaꞌ natëinaꞌ,” tënin Yosë pënëntërinquë.

Efesios 5:33

Canpitantaꞌ iyaroꞌsaꞌ, saꞌamaꞌ naꞌcon nosorocoꞌ. Canpitaora ninosororamaso pochachin saꞌamaꞌ nosorocoꞌ. Sanapiꞌsanquëmantaꞌ soꞌyamaꞌ noya niꞌcoꞌ. Noya nicatomaꞌ, natëcoꞌ.

Colosenses 3:18

Canpitasoꞌ imoyaroꞌsaꞌ, soꞌyamaꞌ natëcoꞌ. Sinioro Quisocristo imaramaꞌ niꞌton, natëcasoꞌ yaꞌhuërin.

1 Timoteo 5:10

Noya nininsoráchin acoꞌinaꞌ. Iso pochin nipisopita: Huaꞌhuinpita noya asoꞌsorinsoꞌ. Niꞌtoroꞌsaꞌ huëꞌpachinara, oꞌshitërinsoꞌ. Co mantaꞌ apirarinsohuëꞌ. Piyapinën pochin cancantaton, imapisopita catahuarinsoꞌ. Parisitopisopita nosororinsoꞌ. Noyasáchin nininsoꞌ. Ina pochin nipisopita acoꞌinaꞌ.

1 Timoteo 6:1

Patron marëꞌ sacatopisopita, pënënquëꞌ patronënaꞌ noya nicatonaꞌ natëinaꞌ. Co natëhuachinahuëꞌ, noꞌhuitatonaꞌ, Yosë pinoponaꞌ nimara. “Yosë nanamënsoꞌ napoonin niꞌton, ina imatonaꞌ co yanatërinacohuëꞌ,” taponaꞌ nimara. Co ina Yosë nohuantërinhuëꞌ.

Tito 2:4

Ina quëran sanapiꞌsasoꞌ nanitopi nasha soꞌyahuanoꞌsaꞌ aꞌchintacaisoꞌ. Soꞌinaꞌ, huaꞌhuinpita inapita nosorocaiso marëꞌ pënëinaꞌ.