Tito 2:12 - Chayahuita (Shahui)

¹² Nosoroatonpoaꞌ, pënëninpoaꞌ yaꞌipi co noyahuëꞌ yonquirëhuasopita naniantacaso marëꞌ. Ama maꞌsharáchin nohuantahuasohuëꞌ. Co monshihuanacasoꞌ yaꞌhuërinhuëꞌ. Sano yaꞌhuatëhuaꞌ, nóya yonquiaꞌahuaꞌ. Yosë yonquirinsoráchin imahuaꞌ. Nani tahuëri Yosë chinotatëhuaꞌ, noyasáchin niahuaꞌ. Ina marëꞌ pënëninpoaꞌ.

Tito 2:12 ပူးပေါင်းရင်းမြစ်များ

Salmos 105:45

Pënëntërinsopita, aꞌchininsopita, inapita noya nicatona natëcaiso marëꞌ napotërin. “¡Ma noyacha Sinioroso paya!” tocoꞌ.

Ezequiel 36:27

Ispiritonëhuë chachin ayaꞌcoancantaranquëma niꞌton, pënëntërahuësopita natëaramaꞌ. Nanamëhuënta natëaramaꞌ.

Mateo 12:32

Casoꞌ Yosë quëran quëmapico nipirahuë pinopatamaco, ina marëꞌ oshahuanpiramahuëꞌ, oshanëma marëꞌ sëtohuatamaꞌ, inquitarinquëmaꞌ. Nipirinhuëꞌ, Ispirito Santo pinopatamaꞌ, co oshanëmaꞌ inquitarinquëmahuëꞌ. Co onporontaꞌ inquitarinquëmahuëꞌ,” itërin Quisosori.

Mateo 16:24

Ina quëran yaꞌipi caꞌtanoꞌsanënpita itërin: —Yaimapatamaco, canpitaora nohuantëramasoꞌ naniantatomaꞌ, Yosë nohuantërinsoráchin imacoꞌ. Corosëquë chiníquën parisitërëꞌ. Canpitantaꞌ parisitapomarahuëꞌ, imamiatoco.

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.

Lucas 1:6

Cato chachin noya Yosë imapi. Yaꞌipi pënëntërinsoꞌ noꞌtëquën natëpi.

Lucas 1:75

Ina pochin cancantatëhuaꞌ, inasáchin chinotarihuaꞌ. Chiminaquë huarëꞌ nóya nisarihuaꞌ.

Juan 14:30

Co huachi huaꞌquiꞌ nontaranquëmahuëꞌ. Sopai huaꞌan nohuanton, masarinaco. Inari camairin niꞌton, nani huëꞌsapi macainacoso marëꞌ. Co casoꞌ piꞌpian tërantaꞌ ina camaincosohuëꞌ nipirinhuëꞌ,

Juan 6:25

Inaquë nonshirahuatonaꞌ, Quisoso quënanconpi huachi. —¿Onporotaꞌ Maistro isëquë huënan? itopirinahuëꞌ.

Hechos 24:16

Napoaton nani tahuëriya Yosë noꞌtëquën yanatërahuë. Piyapiꞌsantaꞌ co yanonpintërahuëꞌ.

Hechos 24:25

Yosë shaꞌhuitërinpoaꞌ noya cancantacaso marëꞌ. Ina catahuarinpoaꞌ co noyahuëꞌ yonquirëhuasopita naniantacasoꞌ. Aꞌna tahuëri coisë pochin nicaton, yaꞌipi piyapiꞌsaꞌ natanarin. Co noyahuëꞌ nipisopita anaꞌintarin,” tënin Paono. Napotohuachina, huaꞌan paꞌpi paꞌyanin. —Nani huachi. Iporasoꞌ paquëꞌ. Aꞌna tahuëri yanontaantahuatënquën, amataantaranquën, itërin.

Romanos 12:2

Iporasoꞌ notohuaroꞌ piyapiꞌsaꞌ co Yosë natëpihuëꞌ. Maꞌsharáchin yonquiatonaꞌ, co Yosë yonquipihuëꞌ. Ama inapita nonancosohuëꞌ. Nani tahuëri Yosë nontocoꞌ yonquirinso chachin quëchinquëmaꞌ. Ina yonquihuatamaꞌ, nohuantërinso chachin anitotarinquëmaꞌ. Ina quëran noya noya cancantohuatamaꞌ, noya niꞌsarinquëmaꞌ.

Romanos 6:12

Ama oshanëma huaꞌanëntatë pochin nitatënquëmaꞌ camayápainquëmaso nohuantocosohuëꞌ. Yaꞌipi co noyahuëꞌ yonquiramasopita naniantatomaꞌ, noyasáchin yonquicoꞌ.

Romanos 6:19

Iso pochin aꞌchintaranquëmaꞌ noya noya nitotacamaso marëꞌ. Canpitaora co nitotëramahuëꞌ. Iracasoꞌ yaꞌipi nonëma quëran huarëꞌ oshahuanacasoáchin paꞌyatëramaꞌ. Inapohuatamara, paꞌpi nishinahuënꞌ cancantëramaꞌ. Iporasoꞌ noyasáchin nicoꞌ. Inapohuatamaꞌ, noyápiachin cancantaramaꞌ.

Romanos 8:13

Co noyahuëꞌ ninëhuasopita co aꞌpoasëhuahuëꞌ, chiminpatëhuaꞌ parisitomiatacasoꞌ yaꞌhuërin. Nipirinhuëꞌ, co noyahuëꞌ ninëhuasopita tëpatë pochin nitohuatëhuaꞌ, nanpimiatarihuaꞌ. Ispirito Santo catahuarinpoaꞌ co noyahuëꞌ ninëhuasopita tëpatë pochin nitacaso marëꞌ.

2 Corintios 1:12

Yosë niꞌsárincoi niꞌton, noꞌtëquën shaꞌhuitarainquëmaꞌ. Co piꞌpian tërantaꞌ nonpintërainquëmahuëꞌ. Noyápiachin cancantatoi, yaꞌipi parti aꞌchinai. Co quiyaora yonquinëhuëi quëran aꞌchintërainquëmahuëꞌ. Yosë inaora nohuanton, catahuarincoi niꞌton, noya ninai. Ina marëꞌ noya cancantërai.

2 Corintios 7:1

Iyaroꞌsa naꞌcon nosororanquëmaꞌ. Ina pochin Yosë yonquirinpoa niꞌton, yaꞌipi co noyahuëꞌ yonquirëhuasopita naniantahuaꞌ. Yaꞌipi co noyahuëꞌ ninëhuasopitantaꞌ aꞌpoaꞌahuaꞌ. Yosë tëꞌhuatatëhuaꞌ, noyasáchin niahuaꞌ.

Gálatas 1:4

Oshanënpoaꞌ inquitinpoaso marëꞌ Quisocristo chiminin. Inaora nohuanton, yaꞌhuërëtërinpoaꞌ. Notohuaroꞌ piyapiꞌsaꞌ co noyahuëꞌ yonquipi. Ama inapita pochin cancantacaso marëhuëꞌ chiminaton, anoyacancantërinpoaꞌ. Tata Yosë nohuanton, nichaꞌërinpoaꞌ.

Gálatas 5:24

Quisocristo corosëquë chiminaton, oshanënpoaꞌ inquitërinpoaꞌ. Napoaton canpoantaꞌ ina imapatëhuaꞌ, co noyahuëꞌ yonquirëhuasopita corosëquë patanantatë pochin nitatëhuaꞌ, naniantacasoꞌ yaꞌhuërin. Co huachi nohuantarihuahuëꞌ sopai pochin cancantacasoꞌ.

Efesios 1:4

Coꞌhuara isoroꞌpaꞌ yaꞌhuëyátërasohuëꞌ, yonquiatonpoaꞌ, huayoninpoaꞌ nóya cancantacaso marëꞌ. Quisocristo imapatëhuaꞌ, oshanënpoaꞌ inquitatonpoaꞌ, Yosë nóya niꞌninpoaꞌ.

Efesios 2:2

Coꞌhuara Quisocristo imashatërapomahuëꞌ, sopai huaꞌan natëtomaꞌ, co noyahuëꞌ ninamaꞌ. Inasoꞌ ihuan yaꞌhuërinquë yaꞌhuaton, yaꞌipi sopairoꞌsaꞌ huaꞌanëntarin. Co quënanpirëhuahuëꞌ, isoroꞌpaquë sacatárin minsëinpoaso marëꞌ. Yonquinëmaquë camairinquëmaꞌ niꞌton, co Yosë natëramahuëꞌ.

Colosenses 1:22

Iporaso nipirinhuëꞌ nanan anoyatërinquëmaꞌ. Quisocristo isoroꞌpaquë oꞌmaton, piyapi chachin nasitimarin. Corosëquë chiminin nanan anoyatinpoaso marëꞌ. Nanan anoyatatonpoaꞌ, anoyacancantërinpoaꞌ. Noyápiachin cancan quëtërinpoaꞌ. Oꞌmantahuachin, co anaꞌintarinpoahuëꞌ. Noya cancantacaso marëꞌ nanan anoyatërinpoaꞌ.

1 Tesalonicenses 4:7

Co Yosë nohuantërinhuëꞌ oshahuanacasoꞌ. Acorinpoaꞌ noyasáchin nicacaso marëꞌ.

1 Tesalonicenses 4:9

Imaramasopita capini noya ninosorocoꞌ. Nani nitotëramaꞌ niꞌton, co aquëtëꞌ shaꞌhuitaꞌhuanquëmasoꞌ yaꞌhuërinhuëꞌ. Yosë chachin cancanëmaquë anitotërinquëmaꞌ ninosorocamasoꞌ.

1 Timoteo 4:12

Co mashonquënhuëꞌ niponahuëꞌ, noya pënëntëquëꞌ mashoroꞌsantaꞌ natëinënquën. Yaꞌipi piyapiꞌsaꞌ noya nontëquëꞌ. Nosoroaton, catahuaquëꞌ. Cancanën quëran huarëꞌ Yosë natëquëꞌ. Sano yonquiaton, noyápiachin cancantëquëꞌ. Noyasáchin niquëꞌ imapisopita nonainënquënso marëꞌ.

1 Timoteo 6:17

Aꞌnaquën naꞌcon coriqui yaꞌhuëtërin. Inapitantaꞌ api pënënquëꞌ: “Ama aꞌnapita nocancosohuëꞌ. Ama coriquinëmáchin paꞌyatocosohuëꞌ. Inasoꞌ co yaꞌhuëmiataponhuëꞌ. Yosë naꞌcon naꞌcon paꞌyatocoꞌ. Inasoꞌ co apiratërinpoahuëꞌ. Nani maꞌsha quëtërinpoaꞌ nóya cancantatëhua, yaꞌhuëcaso marëꞌ.

1 Timoteo 6:9

Aꞌnaquënso nipirinhuëꞌ coriqui canacasoáchin yonquipi. Inasáchin cancantatonaꞌ, sopai natëpi. Nani maꞌsha nohuantatonaꞌ huënsonquë maꞌsha manëso pochin nisapi. Inasáchin yonquiatonaꞌ, aquë aquëtëꞌ nohuantaponaꞌ. Ina marëꞌ Yosëri chiníquën anaꞌintarin.

2 Timoteo 3:12

Yaꞌipi cancanënpoa quëran Quisocristo imapatëhuaꞌ, aparisitarinënpoaꞌ.

2 Timoteo 4:10

Timasësoꞌ isoroꞌparáchin yonquiaton, patërinco. Tisaronicaquë paꞌnin. Crisinti Carasiaquë paꞌnin. Titontaꞌ Tarëmasiaquë paꞌnin.

Tito 3:3

Iráca canpoantaꞌ co noyahuëꞌ cancantërëhuaꞌ. Coꞌhuara Yosë nanamën nitochatërarihuahuëꞌ, co yonquirëhuahuëꞌ. Co yanatërëhuahuëꞌ. Sopai nonpintërinpoaꞌ niꞌton, nisha nisha nicacasoꞌ nohuantërëhuaꞌ. Maꞌpitasona paꞌyatacasoáchin yonquirëhuaꞌ. Aꞌna piyapi maꞌshanënpita noyapatërëhuaꞌ. Ninoꞌhuitëhuaꞌ, co niquëꞌyarëhuahuëꞌ. Noꞌhuípiroꞌ ninëhuaꞌ. Inapoatëhuaꞌ, topinan quëran yaꞌhuërëhuaꞌ.

Hebreos 8:11

Iráca aꞌnaya aꞌnaya yanohuitohuachinacora, aꞌnapitari aꞌchintopi. ‘Yosë nohuitocoꞌ,’ itopirinahuëꞌ, co yaꞌipi nanamëhuë nitochátërapihuëꞌ. Aꞌna tahuëriso nipirinhuëꞌ nitotapi. Nasha cancan yaꞌhuëtohuachinaꞌ, cancanëna quëran chachin nohuitarinaco. Insopita tërantaꞌ nasha quëran anoyatërahuëso imapachinaꞌ, nohuitarinaco. Huaꞌanoꞌsahuë nipon, topinan piyapiꞌsahuë nipon nohuantohuachinaꞌ, nohuitarinaco.

Santiago 1:27

Tëhuënchachin Yosë chinotohuatëhuaꞌ, piyapiꞌsaꞌ nosoroarëhuaꞌ. Saꞌahuaroꞌsaꞌ, quëyoronoꞌsaꞌ, inapita catahuarëhuaꞌ. Maꞌsha pahuantohuachinaꞌ, quëtacasoꞌ yaꞌhuërin. Aꞌnaquën piyapiꞌsaꞌ co noyahuëꞌ cancantatonaꞌ, co Yosë imapihuëꞌ. Ama inapita nonanhuansohuëꞌ. Noyápiachin cancantohuatëhuaꞌ, noya imasarëhuaꞌ. Inapohuatëhuaꞌ, Yosë noya niꞌsarinpoaꞌ.

2 Pedro 2:9

Inapochachin ipora Quisocristo imapatëhuaꞌ, Yosë nanitërin catahuainpoasoꞌ. Sopai yaminsëpirinpoahuëntaꞌ, Yosë catahuarinpoaꞌ chaꞌëcaso marëꞌ. Oshahuanoꞌsaso nipirinhuëꞌ anaꞌintarin. Nani yonquirin chiníquën anaꞌintacasoꞌ. Ayaroꞌ tahuëri nanihuachin, noꞌtëquën anaꞌintaton, parisitopiquë aꞌpararin.

2 Pedro 3:11

Co mantaꞌ yaꞌhuëmiatarinhuëꞌ. Yaꞌipi taꞌhuantarin niꞌton, ¡Yosë pochin cancantatëhuaꞌ, noyasáchin niahuaꞌ!

1 Juan 2:27

Canpitaso nipirinhuëꞌ Ispirito Santo yaꞌhuëtërinquëmaꞌ. Quisocristo imaramaꞌ niꞌton, ina nohuanton, yaꞌcoancantërinquëmaꞌ. Nani tahuëri aꞌchintarinquëmaꞌ. Cancanëmaquë Yosë nanamën aꞌchintarinquëmaꞌ. Co onporontaꞌ nonpintërinquëmahuëꞌ. Noꞌtëquën aꞌchintërinquëmaꞌ niꞌton, co aꞌnapita aꞌchintinquëmasoꞌ yaꞌhuërinhuëꞌ. Ina natëhuatamaꞌ, noꞌtëquën yonquiaramaꞌ. Shaꞌhuitërinquëmaso pochachin Quisocristo imamiatocoꞌ.

1 Juan 2:6

“Yosë imarahuë,” topatëhuaꞌ, Quisocristo pochachin cancantacasoꞌ yaꞌhuërin.

1 Juan 5:19

Imarëhuasopitasoꞌ Yosë huiꞌninpitanpoaꞌ ninëhuaꞌ. Aꞌnapitaso nipirinhuëꞌ co imapihuëꞌ niꞌton, sopairi huaꞌanëntërin. Camaihuachina, ina natëpi. Ina nitotërëhuaꞌ.

Judas 1:18

“Ayaroꞌ tahuëri naniriahuachin, co noyahuëꞌ quëmapiꞌsaꞌ yaꞌhuërapi. Yosë nanamën tëhuaapi. Co noyahuëꞌ cancantatonaꞌ, aꞌnaratipita nisapi,” itërinpoaꞌ.

Apocalipsis 14:12

Ina yonquiatomaꞌ, chiníquën cancantocoꞌ. Yosë nanamën natëtomaꞌ, Quisocristo imamiatocoꞌ. Aparisitopirinënquëmahuëꞌ, ama aꞌpocosohuëꞌ.