Tito 1:8 - Chayahuita (Shahui)

⁸ Niꞌtoroꞌsaꞌ huëꞌpachinaꞌ, noya nonchinaꞌ, oꞌshichinaꞌ. Pahuantërinsopita nosoroꞌinaꞌ. Noyasáchin niꞌtonaꞌ, aꞌnapita catahuainaꞌ. Sano yonquiꞌinaꞌ. Yosë natëtonaꞌ, ina pochin cancanchinaꞌ. Piꞌpisha tërantaꞌ co noyahuëꞌ yonquihuachinaꞌ, aꞌnaroáchin nanianchinaꞌ. Ina pochin cancantohuachinaꞌ, noya ansiano yaꞌconacasoꞌ, tënahuë.

Tito 1:8 ပူးပေါင်းရင်းမြစ်များ

1 Reyes 5:1

Tiro copirno Iran itopisosoꞌ, Saromon paꞌpincorëꞌ noya nipayapi. Saromoni huachi paꞌpin yaꞌhuërëtaton, israiroꞌsa huaꞌanëntarinso natantërin. Ina natantaton, catahuacaso marëꞌ huaꞌanoꞌsa acorinsopita aꞌpatërin. Noya cancantërinso shaꞌhuitacaiso marëꞌ naporin.

1 Reyes 5:7

Iran piyapinënpitasoꞌ, paꞌsahuatona ina inachachin huaꞌanëna shaꞌhuitontapi. Natanaton, inaso capa cancantërin. Capa cancantaton tapon: “¡Ma noyacha Sinioroso paya! Ina nohuanton Tapico huiꞌnin, yonquínahuan ninin. Ina pochin niꞌton, israiroꞌsa nóya huaꞌanëntapon,” tënin.

Salmos 16:3

Aꞌnaquën yaꞌhuëhuanoꞌsasoꞌ, mamanshiráchin moshapi. “Inapitasoꞌ chiníquën nanantopi,” taꞌtonaꞌ, imapi.

Amós 5:15

Co noyahuëꞌ ninamasopita noꞌhuicoꞌ. Noya nicacamasoso nipirinhuëꞌ, paꞌyatocoꞌ. Nanan anoyatahuatamaꞌ, noꞌtëquënáchin shaꞌhuicamasoꞌ cancantocoꞌ. Tapona naporamaso marëꞌ carayanquëma chaꞌëramasoꞌ, Yosë nosoroápirinquëmahuëꞌ. Inasoꞌ Sinioro. Yaꞌipi nanitaparin.

Lucas 2:25

Quirosarinquë chachin aꞌna quëmapi yaꞌhuërin, Simion itopisoꞌ. Nóya quëmapi inasoꞌ. Nani tahuëri Yosë chinotërin. “Aꞌna tahuëri Yosë nichaꞌësarinpoaꞌ,” taꞌton, Cristo aꞌpaimacasoꞌ ninarárin. Ispirito Santori noyá yaꞌcoancantërin.

Hechos 24:25

Yosë shaꞌhuitërinpoaꞌ noya cancantacaso marëꞌ. Ina catahuarinpoaꞌ co noyahuëꞌ yonquirëhuasopita naniantacasoꞌ. Aꞌna tahuëri coisë pochin nicaton, yaꞌipi piyapiꞌsaꞌ natanarin. Co noyahuëꞌ nipisopita anaꞌintarin,” tënin Paono. Napotohuachina, huaꞌan paꞌpi paꞌyanin. —Nani huachi. Iporasoꞌ paquëꞌ. Aꞌna tahuëri yanontaantahuatënquën, amataantaranquën, itërin.

1 Tesalonicenses 2:10

Noꞌtëquën Yosë natëtoi, noyasáchin ninai. Co mantaꞌ onpotërainquëmahuëꞌ. Yaꞌipi imaramasopita niꞌnamacoi. Yosëntaꞌ niꞌnincoi.

1 Timoteo 3:2

Napoaton yayaꞌconpachinaꞌ, nóya nipisopitaráchin yaꞌcoinaꞌ. Ama piyapiꞌsari pinocaiso marëhuëꞌ noyasáchin niinaꞌ. Aꞌna saꞌináchin yaꞌhuëchinaꞌ. Co monshihuanacaisoꞌ yaꞌhuërinhuëꞌ. Sano yonquiꞌinaꞌ. Ama nisha nisha yonquiꞌinasohuëꞌ. Yaꞌipi cancanëna quëran imainaꞌ. Niꞌtoroꞌsaꞌ huëꞌpachinaꞌ, noya nonchinaꞌ, oꞌshichinaꞌ. Aꞌchinacaisoꞌ noya nitochinaꞌ.

1 Timoteo 4:12

Co mashonquënhuëꞌ niponahuëꞌ, noya pënëntëquëꞌ mashoroꞌsantaꞌ natëinënquën. Yaꞌipi piyapiꞌsaꞌ noya nontëquëꞌ. Nosoroaton, catahuaquëꞌ. Cancanën quëran huarëꞌ Yosë natëquëꞌ. Sano yonquiaton, noyápiachin cancantëquëꞌ. Noyasáchin niquëꞌ imapisopita nonainënquënso marëꞌ.

1 Timoteo 6:11

Quëmaso nipirinhuëꞌ api Yosë imaran niꞌton, ama coriquiráchin yonquiquësohuëꞌ. Noya nicacasoáchin yonquiquëꞌ. Cancanën quëran huarëꞌ Yosë chinotëquëꞌ. “Inasoꞌ nosoroatonco, catahuarinco,” taꞌton, noya natëquëꞌ. Naporahuaton, yaꞌipi piyapi nosoroquëꞌ. Maꞌsha onpoaponahuëꞌ, chiníquën cancantëquëꞌ. Sano piyapi niquëꞌ.

2 Timoteo 2:22

Aꞌnaquën huiꞌnapiꞌsasoꞌ nisha nisha yonquiatonaꞌ, paꞌsápi. Ama ina pochin yonquiquësohuëꞌ. Noyasáchin nicacasoꞌ yonquiquëꞌ. Yaꞌipi cancanën quëran Quisocristo natëquëꞌ. Yaꞌipi piyapi nosoroquëꞌ. Yaꞌipi imarëhuaso capininpoaꞌ noya niniꞌtëhuaꞌ, yaꞌhuaꞌahuaꞌ. Noyápiachin cancantatëhuaꞌ, Sinioro nontërëhuaꞌ catahuainpoaso marëꞌ.

2 Timoteo 3:3

Co piꞌpisha tërantaꞌ ninosoroapihuëꞌ. Co niquëꞌyaapihuëꞌ. Ninonpinapitonaꞌ nishaꞌhuirapiapi. Nimonshitapi. Niꞌni pochin cancantatonaꞌ niahuëapi. Noya nininsopita co piꞌpisha tërantaꞌ nohuantapihuëꞌ.

Tito 2:7

Quëmantaꞌ api, noyasáchin niquëꞌ aꞌnapita nonanainquënso marëꞌ. Noya cancantaton, Yosë nanamën noꞌtëquën aꞌchinquëꞌ. Yaꞌipi yonquinën quëran huarëꞌ aꞌchinquëꞌ.

1 Juan 3:14

Iráca canpoantaꞌ ina pochin co noyahuëꞌ cancantërëhuaꞌ. Co Yosë nohuitatëhuahuëꞌ, chimipi pochin nipirëhuahuëꞌ, Yosë anoyacancantërinpoaꞌ ina nohuitatëhuaꞌ nanpimiatacaso marëꞌ. Napoaton iporasoꞌ ninosororëhuaꞌ. Ina quëran Yosë huëntonënquë yaꞌconëhuasoꞌ nitotërëhuaꞌ. Co ninosorohuatamahuëꞌ, co Yosë anoyacancantërinquëmahuëꞌ. Chimipi pochin cancantaramaꞌ.

1 Juan 5:1

Yaꞌipi Quisocristo imarëhuasopita aꞌna huënton pochin ninëhuaꞌ. “Quisocristo Yosë huiꞌnin chachin,” tënëhuaꞌ niꞌton, huëntonënquë yaꞌconëhuaꞌ. Huiꞌninpita pochin niꞌninpoaꞌ. Niꞌcoꞌ. “Quëmapi tëhuënchachin nosorohuatëra, huiꞌninpitantaꞌ nosororëꞌ,” topi.

1 Samuel 18:1

Naporo tahuëri chachin Saonori Tapi shaꞌhuitërin: “Ipora quëran huarëꞌ ca marëꞌ sacatomiatëquëꞌ. Ama huachi pëinënquë paantaquësohuëꞌ,” itërin. Nani napotohuachina, Conatani Tapi apayamiatërin. Inaora ninosororinso pochachin nosororin. Napoaton Yoscoarëꞌ niitatona nipayamiatacaiso marëꞌ anoyatopi. Ninapotatona anoyatopiso nitotacaiso marëꞌ Conatansoꞌ, aipi aꞌmorinso paꞌcoirin. Aꞌmorinsonta paꞌcoirahuaton inapita Tapi quëtërin. Sahuëninën, pëꞌchinanën, sintoronën, inapitanta quëtërin.