Tito 1:5 - Chayahuita (Shahui)

⁵ Crita parti yaꞌhuarihuaꞌ, aꞌnaya aꞌnaya ninanoquë aꞌchintopirëhuahuëꞌ, pahuanarin yaꞌipi aꞌchinacasoꞌ niꞌton, inaquë huëshiranquën: “Imapisopita yaꞌipi aꞌchintacaso yaꞌhuërinso aꞌchintëquëꞌ. Naporahuaton, yaꞌipi ninanoroꞌsaquë ansianoꞌsaꞌ acoraꞌpiaquëꞌ,” itëranquën.

Tito 1:5 ပူးပေါင်းရင်းမြစ်များ

Eclesiastés 12:9

(-)

Isaías 44:7

Aꞌna ca pochin yaꞌhuëhuachin, huëꞌsahuatona shaꞌhuichinaco. Casáchin caniaritërin quëran huarëꞌ aꞌna tahuëri maꞌsona onpocasoꞌ shaꞌhuirahuë.

Hechos 11:30

Nani coriqui yontonpachinara, Pirnapi, Saono, inapita quëtopi quëpacaiso marëꞌ. Quirosarinquë quëparahuatonaꞌ, ansianoꞌsaꞌ quëtonpi pahuantërinsopita quëtacaiso marëꞌ.

Hechos 14:23

Yapaꞌpachinara, aꞌnaya aꞌnaya Quisoso imapisopitaquë ansianoꞌsaꞌ acoraꞌpiapi. Noya nipisopitaráchin acoraꞌpiapi. Co coshatatonaraihuëꞌ, inapita marëꞌ Yosë nontopi: “Yaꞌipi isopita, Sinioro, noya natërinënquën. Noya aꞌpaiquëꞌ,” itopi. Cara ninanoquë chachin napopi.

Hechos 2:11

Aꞌnaquën cotioroꞌsaꞌ, aꞌnaquën nisha piyapiꞌsaꞌ niponaraihuëꞌ, Yosë chinotopi. Critaroꞌsaꞌ, arapiaroꞌsaꞌ, inapitantaꞌ huëcatonaꞌ, natanapi. “Nisha nishanpoaꞌ nicarihuarahuëꞌ, canpoaꞌ nanamënpoaquë chachin nontarinënpoaꞌ. Yosë paꞌyápiro nininsoꞌ shaꞌhuitarinënpoaꞌ, natanëhuaꞌ.

Hechos 27:12

“Iso nonshinanquë co noyahuëꞌ oꞌnapi naꞌhuëanatacasoꞌ. Pinisiquë tërantaꞌ canconamarëhuaꞌ. Inaquë oꞌnapi naꞌhuëanatahuaꞌ,” topi. Napoaton manorapi. Pinisisoꞌ Crita parti yaꞌhuërin. Nonshinanën quëran piꞌi pipirinso parti notëërin.

Hechos 27:13

Ihuan ahuënan quëran huisohuantahuachina, “Iporasoꞌ noya pacacasoꞌ,” topachinara, pipirai. Crita yonsaiꞌ paꞌtërai. Noya paꞌsapiraihuëꞌ,

Hechos 27:21

Nani huaꞌquiꞌ co coshatëraihuëꞌ. Chiníquën ihuan manincoi niꞌton, co nanitëraihuëꞌ. Co huachi chiniraihuëꞌ. Paonosoꞌ huancánachin huanirahuaton, itapon: —Natanco iyaroꞌsaꞌ noꞌtëquën shaꞌhuichinquëmaꞌ. Niꞌcoꞌ. Critaquë quëparitacaso marëꞌ shaꞌhuitopiranquëmahuëꞌ, co natëramacohuëꞌ niꞌton, huëꞌnëhuaꞌ. Co huëꞌnëhuahuëꞌ naporini, co maꞌsha onpoꞌitërihuahuëꞌ. Co maꞌsha ayaꞌitonhuëꞌ.

Hechos 27:7

Pipirahuatoi, sacaiꞌ paꞌnai. Oshaquëran paatoi, naꞌa tahuëri quëran Quinitoquë canconai. Ihuan nacapiatoi, panca soꞌton Crita itopisoꞌ tahuitonai. Sarmona yaꞌcariya paꞌnai.

1 Corintios 11:34

Aꞌnaquën tanahuachinaꞌ, inahuara pëinënaquë coshachinaꞌ. Ina quëran noya niyontonpatamaꞌ, co Yosë anaꞌintarinquëmahuëꞌ. Aꞌna tahuëri paꞌsarahuë nicaponquëmaꞌ. Naporoꞌ naꞌcon naꞌcon aꞌchinchinquëmaꞌ.

1 Corintios 14:40

Nipirinhuëꞌ, ama noncarocosohuëꞌ. Aꞌnaya aꞌnayanquëmaꞌ noncoꞌ. Noyápiachin cancantatomaꞌ, Yosë yonquicoꞌ.

1 Corintios 4:17

Ina marëꞌ Timotio aꞌpatëranquëmaꞌ. Inasoꞌ noya niꞌnahuë. Aꞌchintohuatëra, Quisocristo imarin niꞌton, huiꞌnahuë pochin niꞌnahuë. Nóya Sinioro imarin. Yaꞌipi naporahuësoꞌ ayonquiarinquëmaꞌ noya noya imacamaso marëꞌ. Insëquësona paꞌpatëra, Quisocristo nanamënsáchin aꞌchinahuë. Imapisopita niyontonpachinara, aꞌchintërahuë.

Colosenses 2:5

Co canpitataquë yaꞌhuaporahuëꞌ, nosoroatënquëmaꞌ, nani tahuëri yonquiranquëmaꞌ. Noya niniꞌtomaꞌ, yaꞌhuaramaꞌ. Co nisha nisha yonquiramahuëꞌ. Yaꞌipi cancanëma quëran Quisocristo natëramaꞌ. Ina marëꞌ nóya cancantërahuë.

1 Timoteo 1:3

Iꞌhua Masitoniaquë yapaꞌpatëra, shaꞌhuitëranquën. “Ipisoquë yaꞌhuëtaquëꞌ pënëntamaso marëꞌ,” itëranquën. Iporantaꞌ inachachin shaꞌhuitaranquën. Inaquëranchin yaꞌhuaton, pënëntáquëꞌ. Aꞌnaquën nisha nisha nanan aꞌchinapi. Inapita shaꞌhuitëquëꞌ ama ina pochin aꞌchiꞌinasohuëꞌ.

2 Timoteo 2:2

Piyapiꞌsaꞌ niyontonpachinara, Yosë nanamën aꞌchintërahuë. Quëmantaꞌ natanan. Inapochachin quëmantaꞌ caraíchin quëmapiꞌsaꞌ huayonahuaton, ina nanan chachin aꞌchintantaquëꞌ. Noya natërinsopita aꞌchintëquëꞌ. Inahuanta aꞌnapita aꞌchintacaiso marëꞌ inapotëquëꞌ.

Tito 1:12

Tëhuënchachin Crita parti naꞌa nonpinaꞌpiroꞌsaꞌ yaꞌhuëpi. Aꞌna Crita quëmapi chachin iráca tapon: “Critaroꞌsaꞌ yanonpinpi. Niꞌni pochin cancantopi. Chirotëroꞌsaꞌ nicatonaꞌ, cosharoachin cancantopi,” tënin pënëntonaꞌpi.