Tito 1:14 - Chayahuita (Shahui)

¹⁴ Ama cotioroꞌsaꞌ iráca napopisoꞌ natëinasohuëꞌ. Aꞌnaquën noꞌtën nanan aꞌporahuatonaꞌ, inahuara yonquinëna quëran aꞌchinapi. Ama inapita natëinasohuëꞌ.

Tito 1:14 ပူးပေါင်းရင်းမြစ်များ

Mateo 15:9

‘Yosë pënëntërinsoꞌ aꞌchinarai,’ topirinahuëꞌ, inahuara yonquinëna quëran aꞌchinpi. Napoaton topinan quëran chinotërinaco,” tënin Yosë. Iráca Isaiasë ninshitaton naporin, itërin Quisosori.

Marcos 7:7

‘Yosë pënëntërinsoꞌ aꞌchinarai,’ topirinahuëꞌ, inahuara yonquipisoꞌ niaꞌchintapi. Napoaton topinan quëran chinotërinaco,” tënin Yosë. Iráca Isaiasë ninshitaton, naporin.

Gálatas 4:9

Iporasoꞌ Yosë nohuitëramaꞌ. Inantaꞌ huiꞌninpita pochin nicatënquëmaꞌ, noya nohuitërinquëmaꞌ. Nani nichaꞌëpirinquëmahuëꞌ, ¿maꞌmarëcha naquëranchin iráca pënëntërinsoꞌ, aꞌnapita piyapiꞌsaꞌ natëtopisoꞌ, inapita natëtomaꞌ, tëꞌhuachinachin cancantantaramaꞌ? tënahuë. Inapita natëapomarahuëꞌ, co ina marëꞌ noyápiachin cancantëramahuëꞌ.

Colosenses 2:22

Co ina pochin Yosë pënëninpoahuëꞌ. Cosharoꞌ, maꞌsha, inapitasoꞌ co yaꞌhuëmiatërinhuëꞌ. Aꞌna tahuëri taꞌhuantarin niꞌton, co inapitasoꞌ aquëtëꞌ Yosë yonquirinhuëꞌ. Piyapiꞌsaꞌ inahuara yonquinëna quëran ina pochin nipënënpi.

2 Timoteo 4:4

Yosë noꞌtëquën noninsoꞌ aꞌporahuatonaꞌ, piyapi yonquirinsoꞌ natëapi.

Tito 3:11

Nisha nisha yonquiaton, nitapicancanarin. Co noyahuëꞌ cancantaton, inaora ninaꞌintarin.

Hebreos 12:25

Napoaton Quisocristo nanamën noya natancoꞌ. Ama piꞌpian tërantaꞌ aꞌpocosohuëꞌ. Pënëntërinso nanan shaꞌhuitohuachinara, aꞌnaquën co yanatëtopihuëꞌ niꞌton, aꞌnaroáchin anaꞌintërin. Quisocristo nanamënsoꞌ noya noya niꞌton, ina naniantohuatëhuaꞌ, aquë aquëtëꞌ anaꞌintinpoasoꞌ yaꞌhuërin. Inasoꞌ inápa quëran pënëninpoaꞌ.

2 Pedro 2:22

Maꞌpitacha nipi paya. Imaponaraihuëꞌ aꞌpohuachinara, iráca ninshitatona napopiso chachin nipi: “Niꞌnira imohuachina, co yonquirinhuëꞌ. Imorinso chachin caantarin. Coshintaꞌ iꞌquë paꞌmopirinahuëꞌ, naquëranchin shipiroquë quëhuëantaton, nëꞌhuëtantarin,” topi. Inapochachin inahuanta niconpi.