Tito 1:1 - Chayahuita (Shahui)

¹ Ca Paonoco ninshitaranquën, niꞌquëꞌ. ¿Noya yaꞌhuaran? Noya cantaꞌ yaꞌhuarahuë. Tata Yosë huaꞌanëntërinco niꞌton, inasáchin natërahuë. Quisocristo acorinco nanamën aꞌchinaꞌhuaso marëꞌ. Yosë huayoninpoaꞌ niꞌton, huëntonënquë yaꞌconëhuaꞌ. Nóya natëcaiso marëꞌ aꞌchinarahuë. Noꞌtën nanan aꞌchinaꞌhuaso marëꞌ acorinco. Ina natëhuatëhuaꞌ, noꞌtëquën imasarëhuaꞌ.

Tito 1:1 ပူးပေါင်းရင်းမြစ်များ

Lucas 18:7

¡Yosëso nipirinhuëꞌ nóya niꞌton, huayoninsopita naꞌcon catahuarin! Aꞌnapitari aparisitohuachinaꞌ, Yosëri noꞌtëquën anaꞌintarin. Tahuërirë chachin, tashirë chachin ina nontopi niꞌton, catahuaarin. Co naniantarinhuëꞌ.

Hechos 13:48

Nisha piyapiꞌsaꞌ natanahuatonaꞌ, paꞌyatopi. “Ma noyacha Yosë shaꞌhuitërinpoa paya,” topi. Aꞌnaquën Yosëri huayonin niꞌton, natëtonaꞌ, Quisoso imasapi ina nohuitatonaꞌ, nanpimiatacaiso marëꞌ.

Romanos 1:1

Ca Paonoco ninshitaranquëmaꞌ, niꞌcoꞌ. ¿Noyanquëmaꞌ canpitantaꞌ? Noya cantaꞌ yaꞌhuarahuë. Quisocristoíchin natërahuë. Ina acorinco paato nanamën aꞌchinaꞌhuaso marëꞌ. Yosë nohuanton, noya nanan aꞌchinárahuë.

2 Corintios 1:1

Ca Paonoco ninshitantaranquëmaꞌ. ¿Noya canpitantaꞌ yaꞌhuaramaꞌ? Noya cantaꞌ yaꞌhuarahuë. Yosë nohuanton, Quisocristo acorinco nanamën aꞌchinaꞌhuaso marëꞌ. Iya Timotioroꞌco nanan aꞌpataranquëmaꞌ. Corintoquë yaꞌhuëramasopita ninshitaranquëmaꞌ. Yosë nohuanton, canpitantaꞌ huëntonënquë yaꞌconamaꞌ. Acaya parti nisha nisha ninanoroꞌsaquë imaramasopita yonquiatënquëmaꞌ, ninshitaranquëmaꞌ.

Efesios 2:8

Nosoroatonpoaꞌ, inaora nohuanton nichaꞌërinpoaꞌ. “Quisocristoíchin anoyacancantërinpoaꞌ,” topatëhuaꞌ, oshanënpoaꞌ inquitatonpoaꞌ, nichaꞌërinpoaꞌ. Co canpoara nanitërëhuahuëꞌ Yosë imacasoꞌ. Ina catahuarinpoaꞌ cancanënpoa quëran natëcasoꞌ.

Filipenses 1:1

Ca Paonoco ninshitaranquëmaꞌ, niꞌcoꞌ. ¿Noyanquëmaꞌ canpitantaꞌ? Noya cantaꞌ yaꞌhuarahuë. Iya Timotioroꞌco nanan aꞌpatarainquëmaꞌ. Quisocristo huaꞌanëntërincoi. Inasáchin natërai. Yaꞌipi Quisocristo imaramasopita Piriposëquë yaꞌhuëramasoꞌ, ninshitaranquëmaꞌ. Ansianoꞌsanquëmaꞌ naꞌcon yonquiranquëmaꞌ. Tiaconoꞌsanquëmantaꞌ yonquiranquëmaꞌ.

Colosenses 2:2

Yaꞌipinquëmaꞌ yonquiatënquëmaꞌ, Yosë nontárahuë. “Catahuaquëꞌ Sinioro chiníquën cancanchinaꞌ. Noya ninosoroꞌinaꞌ. Ina quëran aꞌna huëntoínchin pochin nisapi. Ma noyacha quëmasoꞌ yonquirancoi paya. Catahuaquëꞌ quëma nanamën noya yonquiꞌinaꞌ. Quisocristo chachin nohuichinaꞌ. Iracasoꞌ co piyapiꞌsari nohuitopirinahuëꞌ. Iporaso nipirinhuëꞌ anohuitërancoi. Ina nohuitatoi, tëhuënchachin noya cancantarai,” itërahuë, Yosë nontato.

1 Timoteo 2:4

Yaꞌipi piyapiꞌsaꞌ nichaꞌëcasoꞌ nohuantërin. Nanamën noꞌtëquën nitochinaꞌ.

1 Timoteo 3:16

Iráca co Yosë nohuitopirëhuahuëꞌ, iporasoꞌ Quisocristo anohuitërinpoaꞌ: “Ma noyacha inaso paya,” tënëhuaꞌ. Yosë huiꞌnin isoroꞌpaquë oꞌmaton, piyapi chachin nasitimarin. Ispirito Santo chachin anitotërinpoaꞌ Yosë huiꞌnin nininsoꞌ. Nanpiantahuachina, anquëniroꞌsarintaꞌ quënanpi. Imapisopitari yaꞌipi parti paatonaꞌ, nanamën shaꞌhuiraꞌpiapi. Naꞌa piyapiꞌsaꞌ natëpi. Iporasoꞌ Yosëꞌpaꞌ noya yaꞌhuërin. Inatohuaꞌ Yosëri quëpantarin.

1 Timoteo 6:3

Quisocristo noꞌtëquën aꞌchintërinpoaꞌ. Natëhuatëhuaꞌ, noya noya cancantarihuaꞌ. Aꞌnaquënso nipirinhuëꞌ Sinioro nanamën co natëtonahuëꞌ, nisha aꞌchinpi. Nonpin nananoꞌsaꞌ aꞌchinapi.

2 Timoteo 2:10

“Yosë nohuanton, huayoninsopita oshaquëran imasapi,” taꞌto, yaꞌipiya ahuantërahuë. Quisocristo imapachinaꞌ, nichaꞌësarin. Oshanënaꞌ inquitahuaton, anoyacancantarin niꞌton, aꞌna tahuëri Yosëꞌpaꞌ nanpiantarapi. Inatohuaꞌ noya noya yaꞌhuëcontapi. Co onporontaꞌ pipiapihuëꞌ.

2 Timoteo 2:23

Aꞌnaquën co Yosë yonquiatonahuëꞌ, nisha nisha ninontapi. Topinan quëran ninontatonaꞌ, ninoꞌhuiapi. Quëmaso nipirinhuëꞌ ama inapitarëꞌquën chiníquën ninontocosohuëꞌ.

2 Timoteo 2:25

Nisha nanan imapachina, oshaquëran pënëanhuanꞌ. Ama noꞌhuitatëhuahuëꞌ, aꞌchintahuaꞌ. Yosëri catahuahuachin, oshaquëran co noyahuëꞌ yonquipisopita naniantatonaꞌ, noꞌtëquën yonquiaponaꞌ nimara.

Santiago 1:1

Ca Santiacoco ninshitaranquëmaꞌ, niꞌcoꞌ. ¿Noya canpitantaꞌ yaꞌhuaramaꞌ? Cantaꞌ isëquë noya yaꞌhuarahuë. Tata Yosë huaꞌanëntërinco niꞌton, Sinioro Quisocristoíchin natërahuë. Yaꞌipi cotioroꞌsanquëmaꞌ Quisocristo imaramasoꞌ ninshitaranquëmaꞌ. Canpitasoꞌ yanquëërahuatomaꞌ, nisha nisha parti yaꞌhuaramaꞌ. Yaꞌipi Yosë piyapinënpitanquëmaꞌ ninamasoꞌ ninshitaranquëmaꞌ.

2 Pedro 1:3

Quisocristosoꞌ chiníquën nanantaton, yaꞌipiya nanitaparin. Ina imapatëhuaꞌ, catahuarinpoaꞌ Yosë pochin cancantacaso marëꞌ. Ina Yosë anohuitërinpoaꞌ. Huëntonënquë nani ayaꞌconinpoaꞌ. Inasoꞌ nóya niꞌton, nohuantërin canpoantaꞌ inapochachin cancantacasoꞌ. Ina nohuitohuatëhuaꞌ, catahuarinpoaꞌ onporahuatësona noya noya chinotacasoꞌ.

2 Pedro 3:11

Co mantaꞌ yaꞌhuëmiatarinhuëꞌ. Yaꞌipi taꞌhuantarin niꞌton, ¡Yosë pochin cancantatëhuaꞌ, noyasáchin niahuaꞌ!

1 Juan 2:23

Yosë huiꞌnin aꞌpohuachinaꞌ, co Tata Yosëntaꞌ nohuitapihuëꞌ. “Quisocristosoꞌ Yosë huiꞌnin chachin,” topachinaꞌ, Tata Yosëntaꞌ imasapi.

Apocalipsis 1:1

Tata Yosë nohuantërin yaꞌipinpoaꞌ iso nanan nitotacasoꞌ. Napoaton aꞌna tahuëri maꞌsha onpocasoꞌ nininsoꞌ Quisocristo shaꞌhuitërin anitotinpoaso marëꞌ. Inasoꞌ anquëni aꞌpaimarin ca Coanshaco shaꞌhuitiincoso marëꞌ. Quisocristoíchin casoꞌ natërahuë. Anquëni oꞌmarahuaton, nani maꞌsha aꞌnotërinco.