Santiago 5:7 - Chayahuita (Shahui)

⁷ Napoaton iyaroꞌsaꞌ aparisitohuachinënquëmaꞌ, noya ahuantocoꞌ. Aꞌna tahuëri Sinioro oꞌmantararin. Naporoꞌ yaꞌipiya noꞌtëquën anaꞌintarin. Niꞌcoꞌ. Shaꞌtohuatëra, co aꞌnaroáchin manëhuëꞌ. Oꞌnanpachina, oshaquëran papotarin. Oꞌnaantahuachina, cayarin. “Oshaquëran cayahuachin, mapatëhuaꞌ caꞌsarëhuaꞌ,” taꞌton huaꞌanëni ninararin.

Santiago 5:7 ပူးပေါင်းရင်းမြစ်များ

Joel 2:23

Quirosarinquë yaꞌhuëramasopitantaꞌ, capa cancantocoꞌ. Yaꞌipi Cota huëntonquë yaꞌhuëramasopita, noya cancantocoꞌ. Sinioroso Yosënënpoa niꞌton, ina yonquiatoma noya cancantocoꞌ. Ina nohuanton nohuantasëhua chachin oꞌnaantarin. Iráca, tahuërinënquë chachin oꞌnaninso pochin niaantarin.

Zacarías 10:1

Mateo 16:27

Yosë quëran quëmapico niꞌto, aꞌna tahuëri oꞌmantararahuë. Tatahuë huënaratërinso pochin cantaꞌ huënaratarahuë. Anquëniroꞌsapitarëꞌco oꞌmantararahuë. Naporoꞌ coisë pochin noꞌtëquën shaꞌhuitarahuë huachi. Noya nipachinaꞌ, noya acoarahuë. Co noyahuëꞌ nipachinaꞌ, anaꞌintarahuë huachi.

Mateo 16:28

Tëhuënchachin isoroꞌpaꞌ huaꞌanëntapo. Aꞌnaquëmaꞌ coꞌhuara chimiyantërasënquëmahuëꞌ, huaꞌanëntarahuësoꞌ niꞌsaramaꞌ, itërin.

Mateo 24:27

Yosë quëran quëmapico niꞌto, aꞌna tahuëri oꞌmantararahuë. Oꞌmantahuato, yaꞌipi piyapiꞌsaꞌ niꞌsarinaco. Oꞌcoriꞌ huënshaꞌ topachina, yaꞌipi parti aꞌpintërin. Inapochachin aꞌna tahuëri huënaráchin huënaráchin oꞌmantararahuë, niꞌsaramaco.

Mateo 24:44

Inapochachin canpitantaꞌ ninatomaco, yaꞌhuëcoꞌ. Huaꞌquihuato: ‘Co yaoꞌmarinhuëꞌ,’ ama tocosohuëꞌ. Co nitotasënquëmahuëꞌ, aꞌnanaya oꞌmantararahuë,” itërin.

Lucas 18:8

Tahuëri nanihuachin, aꞌnaroáchin anaꞌintarin. Napoaponahuëꞌ oꞌmantahuato, ¿naꞌa yaꞌpitaꞌmaꞌ natëarinaco quënaimapo to?” itërin Quisosori.

Lucas 21:27

Ina quëran niꞌsarinaco. Yosë quëran quëmapico niꞌto, chitoroꞌ huancana oꞌmantararahuë. Chiníquën nanantato, oꞌmantararahuë. Huënaráchin huënaráchin yaꞌnoarahuë.

Lucas 8:15

Aꞌnaquën piyapiꞌsaso nipirinhuëꞌ noyaroꞌpa pochin nipi. Yosë nanamën noya natanpi. Natanahuatonaꞌ, noya cancantatonaꞌ, natëtopi. Noꞌtëquën yonquiatonaꞌ, natëmiatopi. Maꞌsha onpoaponaraihuëꞌ, co aꞌpopihuëꞌ. Yaꞌipi cancanëna quëran imatonaꞌ noya noya nisapi,” tënin.

Juan 21:22

—¿Onpoatontaꞌ iyasha, ina yonquiran? Nohuantohuato, oꞌmacaꞌhuaso tahuëri huarëꞌ nanpihuachin, co ina quëmasoꞌ yonquicamasoꞌ yaꞌhuërinhuëꞌ. Quëma imaco, itërin.

Juan 21:23

Naporo quëran huarëꞌ imapisopita ninontopi. “Inasoꞌ co onporontaꞌ chiminarinhuëꞌ,” nitopi. Quisososo nipirinhuëꞌ co naporinhuëꞌ. “Nohuantohuato, oꞌmacaꞌhuaso tahuëri huarëꞌ nanpihuachin,” topachina, “co chiminaponhuëꞌ,” co tapon naporinhuëꞌ.

Romanos 15:4

Iráca Yosë quiricanënquë naꞌcon ninshitopi. Canpoantaꞌ yonquicaso marëꞌ napopi. “Iráca imapisopitantaꞌ maꞌsha onpoaponaraihuëꞌ, Yosë yonquiatonaꞌ, ahuantopi. Yosëri noya catahuahuachina, imamiatopi. Inapochachin Yosë noya catahuarinpoaꞌ canpoantaꞌ,” taꞌcaso marëꞌ ninshitopi.

Romanos 2:7

Noyasáchin nipatëhuaꞌ, noya niꞌsarinpoaꞌ. Yosë yonquiatëhuaꞌ, noya acoinpoaso marëꞌ naꞌcon nohuantohuatëhuaꞌ, ananpitaantarinpoaꞌ. Inarëꞌquënpoaꞌ yaꞌhuëmiatarihuaꞌ.

1 Corintios 1:7

Canpitaora co nanitëramahuëꞌ Yosë pochin cancantacamasoꞌ. Nipirinhuëꞌ, Yosë ananitarinquëmaꞌ. Co mantaꞌ pahuantarinquëmahuëꞌ noya nicacamaso marëꞌ. Catahuarinquëmaꞌ niꞌton, noya cancantatomaꞌ, Sinioro Quisocristo oꞌmantacasoꞌ tahuëri ninaramaꞌ.

Gálatas 5:5

Nipirinhuëꞌ, ina imapatëhuaꞌ, Ispirito Santo catahuarinpoaꞌ. “Quisocristoíchin anoyacancantërinpoaꞌ,” topatëhuaꞌ, Yosë noya niꞌsarinpoaꞌ, tënëhuaꞌ. Oshanënpoaꞌ inquitatonpoaꞌ, tëhuënchachin noyápiachin cancan quëtarinpoaꞌ. Ina ninarëhuaꞌ.

Gálatas 6:9

Ama Yosë naniantatëhuahuëꞌ, noya niahuaꞌ. Noya nicacasoꞌ ama amiahuasohuëꞌ. Chiníquën cancantohuatëhuaꞌ, Yosë noya niꞌsarinpoaꞌ. Ina marëꞌ tahuëri nanihuachin, acanaarinpoaꞌ.

Colosenses 1:11

Quëmasoꞌ, Sinioro, chini chiníquën nanantëran niꞌton, catahuaquëꞌ chiníquën cancanchinaꞌ. Maꞌsha onpohuachinaꞌ, catahuaquëꞌ noya cancantatonaꞌ, ahuanchinaꞌ. Aꞌnapitari aparisitohuachinaꞌ, catahuaquëꞌ ama noꞌhuiinasohuëꞌ,” itërai, Yosë nontatoi.

1 Tesalonicenses 2:19

Naꞌcon yonquiatëinquëmaꞌ, nóya cancantërai. ¿Maꞌmarë chachintaꞌ ina pochin cancantërai? Imaramaꞌ niꞌton, Yosë yaꞌhuërinꞌpaꞌ canpitantaꞌ paꞌsaramaꞌ, tënai. Aꞌna tahuëri Sinioro Quisocristo oꞌmantararin. Naporoꞌ: “Quiyari aꞌchintërai niꞌton, imapi,” taꞌtoi, noya cancantarai.

1 Tesalonicenses 3:13

Noya ninosorohuatamaꞌ, Quisocristo achinicancanarinquëmaꞌ noyasáchin nicacamaso marëꞌ. Catahuahuachinquëmaꞌ, noyápiachin cancantaramaꞌ. Ina quëran Quisocristo oꞌmantahuachin, Yosë noya niꞌsarinquëmaꞌ. Aꞌna tahuëri yaꞌipi piyapinënpitarë chachin oꞌmantararin.

Hebreos 6:15

Itohuachina, Apraani Yosë natërin. Huaꞌquiꞌ co huiꞌnin yaꞌhuëtopirinhuëꞌ, noya cancantaton, ninarárin. “Co Yosë nonpintërincohuëꞌ,” taꞌton, natërin. Napoaton napoin quëran huiꞌnin nasitërin.

Santiago 4:11

Ama iyaroꞌsaꞌ nipinocosohuëꞌ. Ama coisë pochin cancantatomaꞌ, aꞌnapita noꞌhuicosohuëꞌ. Piꞌpisha tërantaꞌ nanan yaꞌhuëhuachin, ama apancatahuatomaꞌ, nishaꞌhuirapicosohuëꞌ. Quisocristo imaramaꞌ niꞌton, iyaparin pochachin ninosorocasoꞌ yaꞌhuërin. Pinopatamaꞌ, co nosoroaramahuëꞌ. Yosë pënënpirinpoahuëꞌ. “Yaꞌipi piyapiꞌsaꞌ nosorocoꞌ,” itopirinpoahuëꞌ, “Co nosorocasoꞌ yaꞌhuërinhuëꞌ,” taꞌtomaꞌ, pinoramaꞌ. Canpitaora yonquinëma quëran pinotatomaꞌ, co Yosë natëramahuëꞌ.

Santiago 5:10

Niꞌcoꞌ iyaroꞌsaꞌ. Iráca pënëntonaꞌpiroꞌsaꞌ Sinioro nanamën aꞌchinpirinahuëꞌ. Pënëntohuachinara, aꞌnaquëni noꞌhuitonaꞌ, aparisitopi. Parisitaponaraihuëꞌ, ahuantopi. Co noꞌhuipihuëꞌ.

Santiago 5:3

Coriquinëmantaꞌ topinan quëran canaramaꞌ. Huaꞌna chiꞌchirotërinso pochin napoonin nisarin. Co canamiataramahuëꞌ. Canpitaora marëáchin coriqui yontonamaꞌ niꞌton, Yosë chiníquën anaꞌintarinquëmaꞌ. Pënquë parisitaramaꞌ. Naꞌa coriqui canapomarahuëꞌ, nani ayaroꞌ tahuëri yaꞌcaritëriarin.

2 Pedro 3:4

“¡Maꞌpítacha nonama paya! ‘Oꞌmantararahuë,’ ¿itërinquëmaꞌ ti? Intohuasoꞌ Quisocristosoꞌ nimara, capa. Co oꞌmaarinhuëꞌ, tënai. Tatanënpoarinta ninarápirinahuëꞌ, nani chiminpi. Isoroꞌpaꞌ ninin quëra huarëꞌ inachachin inachachin nisárin. Co onporontaꞌ nisha tahuëri nisarinhuëꞌ,” tosapi.