Santiago 5:2 - Chayahuita (Shahui)

² Yaꞌipi maꞌsha canaramasoꞌ chanatarin. Aꞌmoramasopitantaꞌ, noꞌsoni pëꞌyararin.

Santiago 5:2 ပူးပေါင်းရင်းမြစ်များ

Isaías 50:9

Sinioro chachin catahuarinco niꞌton, ¡co insonta anaꞌintiincoso shaꞌhuiponhuëꞌ! Aꞌmorësoꞌ, aꞌshini pëꞌyarinso pochin, inimicotërinacosopitasoꞌ, taꞌhuantaponaꞌ,” tënin.

Oseas 5:12

Napopiso marëꞌ carinta anaꞌintato, nara noꞌsoni pëꞌyarinso pochin israiroꞌsa huaꞌanëntopisoꞌ, ataꞌhuantarahuë. Aꞌshini nëꞌmëtë pëꞌyarinso pochin Cota huënton israiroꞌsanta huaꞌanëntopisoꞌ, inapotarahuë.

Lucas 12:33

Ama naꞌcon maꞌsha yontoncosohuëꞌ. Maꞌsha yaꞌhuëtohuachinquëmaꞌ, paꞌanahuatomaꞌ, saꞌahuaroꞌsaꞌ quëtocoꞌ. Inapotohuatamaꞌ, Yosë acanaarinquëmaꞌ. Isoroꞌpaquë maꞌsha aꞌnaroáchin mocarin. Ihuarinënpoaꞌ. Maꞌshari aꞌquirin. Inapaquëso nipirinhuëꞌ Yosë acanahuachinpoaꞌ, yaꞌhuëtomiatarinpoaꞌ.

Santiago 2:2

Yosë chinotacaso marëꞌ niyontonpatamara, maꞌhuansoꞌ huëꞌpachina, paꞌyatëramaꞌ. Noyápiachin aꞌmorin. Naꞌa poꞌmoitëra oro quëran nininsoꞌ poꞌmorin. Ina nicatomaꞌ: “Huëquëꞌ iyasha,” itatomaꞌ, noyaquë chachin ahuënsëramaꞌ. Aꞌnaquënso nipirinhuëꞌ, co onpopinchin noyahuëꞌ aꞌmosahuaton huëꞌpachina, co onpopinchin noya niꞌnamahuëꞌ: “Inaquë huaniquëꞌ. Nohuantohuatan, noꞌpaquë tërantaꞌ huënsëquëꞌ,” itëramaꞌ.

1 Pedro 1:4

Yosëꞌpaꞌ nani tapatërinpoaꞌ noya noya yaꞌhuëcontacaso marëꞌ. Inatohuaꞌ co mantaꞌ taꞌhuantarihuahuëꞌ. Co mantaꞌ nitapiarinhuëꞌ. Inaquësoꞌ co yanco pochin ahuirinhuëꞌ. Noya noya nisarin. Canpoa marëꞌ Yosëri acorin. Inari chachin niꞌsarin.