Santiago 5:15 - Chayahuita (Shahui)

¹⁵ Yaꞌipi cancanëma quëran huarëꞌ natëcasoꞌ yaꞌhuërin. “Yaꞌipi Sinioro nanitaparan,” topachinaꞌ, anoyatarin. Oshahuanpachinaꞌ, inantaꞌ inquitarin.

Santiago 5:15 ပူးပေါင်းရင်းမြစ်များ

Isaías 33:24

Quirosarinquë yaꞌhuëpisopitasoꞌ, Siniorori oshanëna inquitarin niꞌton, co huachi aꞌnaya tërantaꞌ, “caniorahuë casoꞌ,” tëcaponahuëꞌ.

Mateo 17:20

—Co yaꞌipi cancanëma quëran huarëꞌ natëramacohuëꞌ niꞌton, co nanitëramahuëꞌ. Natëramaco naporini, catahuaitënquëmahuëꞌ. Yosësoꞌ yaꞌipiya nanitaparin. Piꞌpian tërantaꞌ ina natëtomaꞌ, nontohuatamaꞌ, catahuarinquëmaꞌ. Nani maꞌsha nanitaparamaꞌ. “Yosë nohuanton, iso motopi yaꞌhuincaꞌin,” tënamaꞌ naporini, ina nohuanton, yaꞌhuincaitonhuëꞌ. Inapochachin yaꞌipi cancanëma quëran natëramaco naporini, sacaiꞌ nininsoꞌ catahuaitënquëmahuëꞌ. [

Juan 5:14

Ina quëran chinotopiso pëiquë paꞌsahuaton, apia anoyatërinsoꞌ quënancoantarin. —Niꞌquëꞌ iyasha. Nani quëmasoꞌ noyatëran. Ama huachi oshahuaantaquësohuëꞌ, naꞌcon naꞌcon maꞌsha onpotan, itërin.

Juan 6:39

Aꞌnaquën Yosë nohuanton, imasarinaco. Inapitasoꞌ noya aꞌpaiarahuë, co aꞌpoarinacohuëꞌ. Ayaroꞌ tahuëri ananpitaantararahuë. Ina Yosë nohuantërin.

1 Corintios 1:21

Ina nohuanton, piyapi inahuara yonquinëna quëran co nanitopihuëꞌ Yosë nohuitacaisoꞌ. Quisocristo chimininsoꞌ aꞌchinárai. Aꞌnaquënsoꞌ ina natanpachinara, tëhuapi. Canpoaso nipirinhuëꞌ natëhuatëhuaꞌ, anoyacancantërinpoaꞌ. Ina Yosë nohuantërin.

2 Corintios 4:14

Tëpapirinacoihuëntaꞌ, Quisocristo imarai niꞌtoi, Yosë ananpitaantarincoi, tënai. Iráca Quisocristo ananpitaantarinsoꞌ pochin quiyantaꞌ ananpitaantarincoi. Yosëꞌpaꞌ quëpantarincoi. Canpitaroꞌcoi chachin yaꞌhuëcontarihua huachi.

Santiago 1:6

“Yosë noya catahuarinco. Natëmiatarahuë,” taꞌtëhuaꞌ, Yosë nontahuaꞌ. Ama nisha nisha yonquiaꞌahuasohuëꞌ. “Co catahuarincohuëꞌ nimara,” ama tahuasohuëꞌ. Niꞌcoꞌ. Coꞌsacaiꞌ co sanoirinhuëꞌ. Pancaiquë ihuaitohuachina, niquëran niquëran niohuërërin. Aꞌnaquën piyapiꞌsaꞌ ina pochin yonquionpi. Nisha nisha yonquipi.

Santiago 5:13

Aꞌnaquëmaꞌ maꞌsha onpohuatamaꞌ, Yosë nontocoꞌ catahuainquëmaꞌ. Noya cancantohuatamaꞌ, Yosë cantanën cantatomaꞌ: “Yosparinquën Sinioro,” itocoꞌ.

Santiago 5:16

Napoaton maꞌsona tërantaꞌ co noyahuëꞌ nipatëhuaꞌ, imarëhuasopita capini nishaꞌhuitahuaꞌ. “Ina marëꞌ casoꞌ oshahuanahuë,” nitahuaꞌ. Itohuaran capini Yosë nontahuaꞌ anoyachinpoaꞌ. Yaꞌipi co noyahuëꞌ yonquirëhuasopita naniantohuatëhuaꞌ, chiníquën ina nontohuatëhuaꞌ, naꞌcon catahuarinpoaꞌ.

Santiago 5:20

Natëhuachinquëmaꞌ, chiminpachina co parisitomiatapihuëꞌ. Yaꞌipi oshanënaꞌ Yosëri inquitarin. Pënënamaꞌ niꞌton, noyápiachin cancantantapi huachi. Ina yonquiatomaꞌ, nipënëncoꞌ. Nani huachi. Santiaco