Santiago 5:10 - Chayahuita (Shahui)

¹⁰ Niꞌcoꞌ iyaroꞌsaꞌ. Iráca pënëntonaꞌpiroꞌsaꞌ Sinioro nanamën aꞌchinpirinahuëꞌ. Pënëntohuachinara, aꞌnaquëni noꞌhuitonaꞌ, aparisitopi. Parisitaponaraihuëꞌ, ahuantopi. Co noꞌhuipihuëꞌ.

Santiago 5:10 ပူးပေါင်းရင်းမြစ်များ

Jeremías 2:30

Topinan quëran huiꞌnamapita anaꞌintërahuë. Cancan yonquicaiso marëꞌ napotopirahuëꞌ, co yanitotopihuëꞌ. Paꞌpiniroꞌsa tëꞌhuatoro yaꞌnopiso pochin nicatomaꞌ, pënëntonaꞌpiroꞌsa tëparamaꞌ.

Jeremías 23:22

Tëhuënchachin piyapinëhuëpita nipi naporini, imarinacosopita nanamëhuë anitochitonahuëꞌ. Piyapinëhuëpitanta ina nitotatonaꞌ: ‘Tëhuënchachin co noyahuëꞌ ninëhuaꞌ. Huëco paꞌahua ina aꞌporahuatëhuaꞌ, Sinioro natëahuaꞌ,’ niichitonahuëꞌ.

Jeremías 26:16

Napohuatora, huaꞌanoꞌsaꞌ, yaꞌhuëhuanoꞌsaꞌ, inapitari corto huaꞌanoꞌsaꞌ, pënëntonaꞌpiroꞌsaꞌ, inapita nontatona itaponaꞌ: “Iso quëmapi co manta onpotacaso yaꞌhuërinhuëꞌ. Siniorosoꞌ Yosë niꞌton, pënënainpoaso marëꞌ aꞌparin,” itopi.

Lucas 13:34

Ina quëran itantarin: “¡Yaꞌipi Quirosarinquë yaꞌhuëramasopita yonquiatënquëmaꞌ, chiníquën sëtërahuë! Naꞌa pënëntonaꞌpiroꞌsaꞌ Yosë aꞌpatërinquëmaꞌ pënëinënquëmaso marëꞌ. Aꞌpapirinhuëꞌ, tëparamaꞌ. Aꞌnaquën naꞌpiquë tëꞌyaratomaꞌ, tëparamaꞌ. Yaꞌipinquëmaꞌ nosoroatënquëmaꞌ, naꞌaroꞌ yacatahuapiranquëmahuëꞌ, co ca tërantaꞌ nohuantëramacohuëꞌ. Atari huaꞌhuin toꞌcohuëtërinso pochin yapaꞌpoyapiranquëmahuëꞌ, co nohuantëramacohuëꞌ.

Lucas 6:23

Iráca Yosë piyapinënpita pënëntohuachinara, shimashonëmapitari inapochachin noꞌhuipi. Napoaton aꞌnapita noꞌhuihuachinënquëmaꞌ, noya cancantocoꞌ. Parisitëramaso marëꞌ Yosëꞌpaꞌ naꞌcon canaaramaꞌ. Ina yonquiatomaꞌ, capa cancantocoꞌ.

Hechos 3:21

Iráca quëran huarëꞌ Yosë nohuanton, noya pënëntonaꞌpiroꞌsaꞌ ninopi. ‘Aꞌna tahuëri Yosëri yaꞌipiya anoyatarin,’ topi. Anoyataquë huarëꞌ inápaquë Quisoso yaꞌhuantarin.

Hechos 7:52

Iráca quëran huarëꞌ naꞌa pënëntonaꞌpiroꞌsaꞌ pënëntopirinahuëꞌ, ¿insotaꞌ shimashonëmapitari noya niꞌpi? Yaꞌipiya aparisitopi. “Aꞌna tahuëri noya noya nininsoꞌ oꞌmararin,” topachinara, noꞌtëquën ninopirinahuëꞌ, tëpapi. Ina quëran Cristo chachin oꞌmahuachina, shaꞌhuirapitomaꞌ, atëpatëramaꞌ.

Hebreos 13:7

Yaꞌnan aꞌchintërinënquëmasopita yonquicoꞌ. Yosë quiricanën noya aꞌchintërinënquëmaꞌ. Chiminaquë huarëꞌ noya nicatonaꞌ, aꞌnapita catahuapi. Napoaton inapita nonanatomaꞌ, noya natëcoꞌ.

Santiago 4:11

Ama iyaroꞌsaꞌ nipinocosohuëꞌ. Ama coisë pochin cancantatomaꞌ, aꞌnapita noꞌhuicosohuëꞌ. Piꞌpisha tërantaꞌ nanan yaꞌhuëhuachin, ama apancatahuatomaꞌ, nishaꞌhuirapicosohuëꞌ. Quisocristo imaramaꞌ niꞌton, iyaparin pochachin ninosorocasoꞌ yaꞌhuërin. Pinopatamaꞌ, co nosoroaramahuëꞌ. Yosë pënënpirinpoahuëꞌ. “Yaꞌipi piyapiꞌsaꞌ nosorocoꞌ,” itopirinpoahuëꞌ, “Co nosorocasoꞌ yaꞌhuërinhuëꞌ,” taꞌtomaꞌ, pinoramaꞌ. Canpitaora yonquinëma quëran pinotatomaꞌ, co Yosë natëramahuëꞌ.

Santiago 5:13

Aꞌnaquëmaꞌ maꞌsha onpohuatamaꞌ, Yosë nontocoꞌ catahuainquëmaꞌ. Noya cancantohuatamaꞌ, Yosë cantanën cantatomaꞌ: “Yosparinquën Sinioro,” itocoꞌ.

Santiago 5:7

Napoaton iyaroꞌsaꞌ aparisitohuachinënquëmaꞌ, noya ahuantocoꞌ. Aꞌna tahuëri Sinioro oꞌmantararin. Naporoꞌ yaꞌipiya noꞌtëquën anaꞌintarin. Niꞌcoꞌ. Shaꞌtohuatëra, co aꞌnaroáchin manëhuëꞌ. Oꞌnanpachina, oshaquëran papotarin. Oꞌnaantahuachina, cayarin. “Oshaquëran cayahuachin, mapatëhuaꞌ caꞌsarëhuaꞌ,” taꞌton huaꞌanëni ninararin.

Santiago 5:9

Ama piꞌpian tërantaꞌ iyaroꞌsaꞌ ninoꞌhuicosohuëꞌ, Yosë anaꞌintochinquëmaꞌ. Niꞌsárinpoaꞌ. Co huaꞌquiya quëranhuëꞌ oꞌmararin anaꞌintinpoaso marëꞌ.