Santiago 4:7 - Chayahuita (Shahui)

⁷ Napoaton Yosëíchin natëcoꞌ. Ama piꞌpian tërantaꞌ sopai nohuantocosohuëꞌ. Chiníquën cancantocoꞌ. Yosë nontatomaꞌ, sopai aꞌpacoꞌ paꞌin. Co ina natëhuatamahuëꞌ, patarinquëmaꞌ.

Santiago 4:7 ပူးပေါင်းရင်းမြစ်များ

2 Samuel 15:26

Napoaponahuëꞌ, co huachi yacatahuahuachincohuëꞌ, noyatapon. Maꞌsona ina nohuantërinsoꞌ nichinco, itërin.

Copo naporinso' 1:21

—Ipora huaꞌhuatapo, co manta yaꞌhuëtërincohuëꞌ. Chiminpatontaꞌ, co manta quëpapohuëꞌ. Sinioro nohuanton maꞌsha yaꞌhuëtopirincohuëꞌ, ina nohuanton capa niantarin. ¡Ma noyacha Sinioroso paya! tënin.

Salmos 66:3

“Nani maꞌsha acoransopitasoꞌ, paꞌyápiro ninan. Chini chiníquën nanantëran niꞌton, inimiconënpita tëꞌhuatatënën, anotatonaꞌ: ‘Tomonca,’ tëcaponaꞌ.

Daniel 4:25

Quëmasoꞌ copirnonquën nipiranhuëꞌ, piyapiroꞌsa yaꞌhuërin quëran ocoiaponën. Maꞌsharoꞌsarëꞌquën yaꞌhuëaran. Toro pochin pasto caꞌsaran. Poroncayontaꞌ, shipitáponquën. Ina pochin sinioro copirno canchisë piꞌipi yaꞌhuapon. ‘Yosëso chini chiníquën nanantaton, yaꞌipi isoroꞌpanta huaꞌanëntërin. Ina nohuanton insosona nohuantërinsoꞌ, copirno nicacaso marëꞌ acorin,’ tëcama huarëꞌ noyataran huachi.

Daniel 4:32

Piyapiroꞌsa yaꞌhuërin quëran ocoiaponën. Inapotohuachinën, maꞌsharoꞌsapitarëꞌquën yaꞌhuapon. Tororoꞌsa pochin canchisë piꞌipi pasto capon. ‘Yosëso chini chiníquën nanantaton yaꞌipi isoroꞌpaquë nacionoꞌsanta huaꞌanëntërin. Ina nohuanton insosona nohuantërinsoꞌ, copirno nicacaso marëꞌ acorin,’ tëcama huarëꞌ ina pochin nisaran,” itërin natanin.

Mateo 11:29

Co carinquëmaꞌ nocananquëmahuëꞌ. Sanoanan quëran pënënanquëmaꞌ. Casáchin natanco aꞌchinchinquëmaꞌ. Nani tahuëri catahuaranquëmaꞌ noya cancantacamaso marëꞌ. Ina pochin imapatamaco, sano cancantarama huachi.

Hechos 26:19

Napoaton, sinioro huaꞌan, Quisoso inápa quëran yaꞌnotimarinco niꞌton, aꞌnaroáchin imarahuë. Yaꞌipi shaꞌhuitohuachincora, noꞌtëquën natërahuë.

Hechos 9:6

Iporasoꞌ huanirahuaton, ninanoquë paquëꞌ. Inaquë shaꞌhuitarinënquën maꞌsona nicamasoꞌ,” itërin.

Romanos 10:3

Yosëíchin anoyacancantërinpoaꞌ. Nipirinhuëꞌ, co nohuantopihuëꞌ ina nanan imacaisoꞌ. “Pënëntërinsoꞌ natëhuatëhuaꞌ, Yosë noya niꞌsarinpoaꞌ,” toconpi. “Quëma Sinioro anoyacancantocoi,” co itopihuëꞌ.

Romanos 14:11

Iráca quiricanënquë naporin: “Casoꞌ Yosëco niꞌto, co nonpinahuëꞌ. Aꞌna tahuëri yaꞌipi piyapiꞌsaꞌ isonahuatonaꞌ, chinotarinaco. ‘Quëmasáchin Yosënquën,’ itarinaco,” tënin Yosë.

Efesios 4:27

Huaꞌquiꞌ noꞌhuihuatamaꞌ, aꞌnaroáchin sopai minsëarinquëmaꞌ.

Efesios 5:21

Quisocristosoꞌ huaꞌanëmaꞌ niꞌton, ina yonquiatomaꞌ, imaramasopita capini nicatahuacoꞌ. Yaꞌipinquëmaꞌ nipënënatomaꞌ, ninatancoꞌ.

Efesios 6:13

Sopai chiníquën sacatarin minsëinpoaso marëꞌ. Napoaton Yosë nontocoꞌ catahuainquëmaꞌ. Sontaroꞌsaꞌ aꞌmopiso pochin nininsoꞌ Yosë quëtërinquëmaꞌ. Ina masahuatomaꞌ, aꞌmocoꞌ sopai minsëcaso marëꞌ. Noya nitaparëso pochin nicoꞌ. Inapoatomaꞌ, chinitocoꞌ.

Hebreos 12:9

Tatanpoaꞌ pënënpachinpoara, natërëhuaꞌ. Piꞌpian anaꞌintopirinpoahuëꞌ, co noꞌhuirëhuahuëꞌ. Noya nicatëhuaꞌ, natërëhuaꞌ. Tata Yosëso nipirinhuëꞌ naꞌcon naꞌcon natëcasoꞌ yaꞌhuërin. Inasoꞌ nininpoaꞌ niꞌton, natëhuatëhuaꞌ, noya noya nanpiarihuaꞌ.

1 Pedro 2:13

Sinioro imaramaꞌ niꞌton, huaꞌanoꞌsaꞌ natëcoꞌ. Yaꞌipi acorinsopitantaꞌ natëcoꞌ. Copirnosoꞌ chini chiníquën nanantërin niꞌton, natëcasoꞌ yaꞌhuërin.

1 Pedro 5:6

Parisitapomarahuëꞌ, ama Yosë noꞌhuicosohuëꞌ. Chiníquën nanantaton, niꞌsárinquëma niꞌton, natëcoꞌ. Ina noya yonquihuatamaꞌ, tahuëri nanihuachin, noya noya acoarinquëmaꞌ.

1 Samuel 3:18

Napotohuachina, Samoirori yaꞌipi Siniorori anitotërinso shaꞌhuitërin. Ina natanaton, Iriso panca paꞌyanin: —¡Sinioro nichinapon chachin maꞌsona nohuantërinsoꞌ niin! tënin.