Santiago 4:2 - Chayahuita (Shahui)

² Nani maꞌsha nohuantopiramahuëꞌ, co yaꞌhuëtërinquëmahuëꞌ niꞌton, yatëpatopiso pochin cancantëramaꞌ. Aꞌna piyapi maꞌshanënpitantaꞌ nohuantaparamaꞌ. Co yaꞌhuëtohuachinquëmarahuëꞌ, ninoꞌhuiramaꞌ, yaniahuëramaꞌ. Co Yosë nontëramahuëꞌ niꞌton, noya nininsopita co yaꞌhuëtërinquëmahuëꞌ.

Santiago 4:2 ပူးပေါင်းရင်းမြစ်များ

1 Reyes 21:6

—Napoto oparonën nohuantato, iso pochin nontërahuë: “Ina marë pahuërëꞌinquën. Co ina nohuantohuatanhuëꞌ, aꞌna oparo ina yaꞌhuërënamën noya noya nininso quëchinquën,” itërahuë. Napotopirahuë, co nohuantërinhuëꞌ, itërin soꞌini.

Proverbios 1:19

Maꞌhuanacaisoráchin cancantopisopitasoꞌ, inapo taꞌhuantaponaꞌ.

Isaías 7:12

Napotohuachina Acasosoꞌ tapon: “Inca, co nontarahuëꞌ. Co Sinioro tënicaso yaꞌhuërinhuëꞌ,” tënin.

Habacuc 2:5

Huino camayoroꞌsasoꞌ, poꞌoana quëran maꞌsha nionpotatona niaparisitápi. ‘Quiyasoꞌ noya noyacoi,’ tëcatonaꞌ, co sano cancantopihuëꞌ. Chiníquën nanantacaisoráchin cancantatonaꞌ, onponta nacionoꞌsa minsëcaiso marëꞌ yapaꞌpi. Poꞌorosoꞌ, onponta chimipiroꞌsa miꞌtatë pochin nitërin. Inapochachin inapitantaꞌ, onponta piyapiꞌsa minsëcaisoꞌ nohuantoonpi,” itërinco.

Juan 16:24

Ipora huantaꞌ co ina pochin Yosë nonchátëraramahuëꞌ. Iporaso nipirinhuëꞌ ca pochin yonquiatomaꞌ, maꞌsha nico quëchinquëmaꞌ. ‘Quisoso nanan quëtërincoi,’ taꞌtomaꞌ, nani tahuëri nontácoꞌ nóya cancantacamaso marëꞌ,” itërincoi.

Juan 4:10

—Yosë yanicanapirinquënhuëꞌ, co quëmasoꞌ nitotëranhuëꞌ. “Iꞌsha mananso cantaꞌ oꞌoi,” itëranquën nipirinhuëꞌ, co nohuitërancohuëꞌ. Nohuitëranco naporini, quëma nataintoncohuëꞌ. Carinquën nanpirin iꞌsha quëchitënquënhuëꞌ, itërin Quisosori.

Santiago 1:5

“¿Maꞌcha ipora niiya?” topatamaꞌ, Yosë nontocoꞌ noya anitochinquëmaꞌ. Onpopiontaꞌ Yosë nontacasoꞌ yaꞌhuërin. Co nosororinpoasoꞌ apiratërinpoahuëꞌ. Inaora nohuanton, catahuarinpoaꞌ. Nontërëhuaso marëꞌ co noꞌhuirinpoahuëꞌ. Catahuarinpoaꞌ noꞌtëquën yonquicaso marëꞌ.

Santiago 5:6

Paꞌpi co noyahuëꞌ cancantatomaꞌ, noya piyapiꞌsaꞌ nonpinapiramaꞌ. Chiníquën aparisitopiramahuëꞌ, inapitasoꞌ co nanitopihuëꞌ iꞌhuërëtinënquëmasoꞌ. Napoaton, Yosë chiníquën anaꞌintarinquëmaꞌ.

1 Juan 3:15

Aꞌna piyapi noꞌhuihuatamaꞌ, tëpatonaꞌpiroꞌsa pochin Yosë niꞌsarinquëmaꞌ. Tëpatonapiroꞌsasoꞌ, co Yosë pochin nanpimiatacaiso yaꞌhuërinhuëꞌ.