Santiago 4:16 - Chayahuita (Shahui)

¹⁶ “Quiyaora nohuanton, nani maꞌsha nisarai,” toconamaꞌ. Co Yosë yonquihuatamahuëꞌ, co noyahuëꞌ cancantaramaꞌ.

Santiago 4:16 ပူးပေါင်းရင်းမြစ်များ

Proverbios 27:1

Aꞌnaquëma co Yosë yonquiapomarahuëꞌ: “Tashiraya maꞌsha nisarahuë,” toconamaꞌ. Napopiramahuëꞌ, canpitaso co nitotëramahuëꞌ tashiraya maꞌsha onpocamasoꞌ.

1 Corintios 5:6

Iporaso nipirinhuëꞌ “Nóya imarai,” topiramahuëꞌ, co yaꞌipinquëmaꞌ noya ninamahuëꞌ. Co noꞌtëquën yonquiramahuëꞌ. Niꞌcoꞌ. “Pan nipatëra, piꞌpian ahuëpocatërinsoꞌ acohuachina, yaꞌipi sëꞌcotërin,” topi. Nani ina nitotëramaꞌ. Inapochachin aꞌnayanquëma tërantaꞌ co noyahuëꞌ yonquihuatamaꞌ, yaꞌipinquëmaꞌ nitapicancanaramaꞌ.

Santiago 3:14

Aꞌnaquënso nipirinhuëꞌ aꞌnapita apiratatonaꞌ, nocanpi. Inahuara nohuantopisoráchin yonquiatonaꞌ noꞌhuitápi. Ina pochin cancantohuatamaꞌ: “Casoꞌ noyaco,” ama tocosohuëꞌ. Co noꞌtëquën yonquiramahuëꞌ. Nonpiánamaꞌ.

1 Juan 2:16

Isoroꞌpaquë nisha nisha yaꞌhuërin aoshahuainpoaso marëꞌ: Monshihuanacasoráchin cancantërëꞌ. Maꞌsha quënanpatëra, nohuantapatërëꞌ. Maꞌhuanpatëra, yanocantërëꞌ, naporëꞌ. Inapitasoꞌ co Tata Yosë nohuanton yaꞌhuërinhuëꞌ. Sopai nohuanton, yaꞌhuërin.

Apocalipsis 18:7

Pita nicacaisoáchin cancantopi. Maꞌsharáchin yonquiatonaꞌ, aꞌnapita nocanpi niꞌton, Yosëri aparisichin. Iporasoꞌ cancanëna quëran yonquirapi. “Quiyasoꞌ nóya yaꞌhuërai. Huaꞌan pochin nicatoi, co mantaꞌ pahuantërincoihuëꞌ. Co quëyoron pochincoihuëꞌ. Co onporontaꞌ sëtaraihuëꞌ,” topirinahuëꞌ.