Santiago 4:14 - Chayahuita (Shahui)

¹⁴ Co tashiraya tërantaꞌ nanitaramahuëꞌ ninocamasoꞌ. Maꞌsona onpocamasoꞌ co nitotëramahuëꞌ. Co canpitaora nohuanton nanpiramahuëꞌ. Chitoroꞌ aꞌnaroáchin sacorinso pochachin aꞌnanaya aꞌnaquën chiminin.

Santiago 4:14 ပူးပေါင်းရင်းမြစ်များ

2 Samuel 19:34

Inariso napoaponahuëꞌ, itapon: —Caso co huachi huaꞌqui tahuëri nicapohuëꞌ. Napoaton ¿Maꞌmarëta inatohua imacontaꞌinquën?

Salmos 89:47

Sinioro, caso co huaꞌqui yaꞌhuëapohuëꞌ. Piꞌpian marëꞌ isoroꞌpaquë acorancoi.

Proverbios 27:1

Aꞌnaquëma co Yosë yonquiapomarahuëꞌ: “Tashiraya maꞌsha nisarahuë,” toconamaꞌ. Napopiramahuëꞌ, canpitaso co nitotëramahuëꞌ tashiraya maꞌsha onpocamasoꞌ.

Santiago 1:10

Aꞌnaquëmaso nipirinhuëꞌ naꞌa coriqui, maꞌsha, inapita yaꞌhuëtërinquëmaꞌ. Ina niponahuëꞌ Quisocristo imaramaꞌ niꞌton, co maꞌsharáchin yonquicamasoꞌ yaꞌhuërinhuëꞌ. Aꞌna tahuëri chiminarihuaꞌ. Yaꞌipi maꞌsha papotërinsontaꞌ taꞌhuantaponaꞌ. Quisocristo naꞌcon yonquiatomaꞌ, noya cancantocoꞌ.

1 Pedro 1:24

“Panpatëroꞌ aꞌnaroáchin ahuirin. Inapochachin canpoantaꞌ chiminarihuaꞌ. Yancoroꞌsantaꞌ noyápiachin nipirinhuëꞌ, aꞌnaroáchin ahuihuachina, nohuatërin. Inapochachin nani maꞌsha niꞌnëhuasopita taꞌhuantarin antaꞌ.

1 Pedro 4:7

Ayaroꞌ tahuëri nani yaꞌcariarinpoaꞌ. Napoaton ama nisha nisha yonquicosohuëꞌ. Noya yonquiatomaꞌ, Yosë nontácoꞌ.

1 Juan 2:17

Isoroꞌpaꞌ taꞌhuantarin. Yaꞌipi maꞌshantaꞌ taꞌhuantarin. Inasáchin paꞌyatohuatëhuaꞌ, topinan quëran nanpiarihuaꞌ. Nipirinhuëꞌ, Yosë noya imapatëhuaꞌ, co onporontaꞌ taꞌhuantarihuahuëꞌ. Yaꞌhuëmiatarihuaꞌ.