Santiago 4:12 - Chayahuita (Shahui)

¹² Yosëíchin coisë pochin nicaton, noꞌtëquën shaꞌhuitarinpoaꞌ. Inasáchin anaꞌintarinpoaꞌ. Noya cancantohuatëhuaꞌ, nichaꞌësarinpoaꞌ. Coꞌsoꞌ natëhuatëhuahuëꞌ, parisitopiquë aꞌpararinpoaꞌ. Canpoa capiniso nipirinhuëꞌ, co nishaꞌhuirapicaso yaꞌhuërinhuëꞌ.

Santiago 4:12 ပူးပေါင်းရင်းမြစ်များ

Copo naporinso' 38:2

“Chiníquën nanantërahuësoꞌ, co noꞌtëquën nitotatonhuëꞌ, ¡co manta nitotëransohuë pochin quëmasoꞌ nonan!

Isaías 33:22

Siniorosoꞌ coisënënpoa niꞌton, maꞌpitaso nicacasoꞌ pënëninpoaꞌ. Inasoꞌ copirnonënpoa niꞌton, nichaꞌësarinpoaꞌ. Ina nohuanton inimicoroꞌsa nanchanënaquë pancara nara ahuanipisoꞌ, co chiniaponhuëꞌ. Sihuirinënpita ananahuatërin niꞌton, ihuani pihuicasoꞌ nëꞌmëtëntaꞌ, saꞌmoconin. Inapohuachina, inimicoroꞌsa maꞌshanëna osërëtarihuaꞌ. Somarayaroꞌsa quëran huarëꞌ maꞌsha macaponaꞌ. Sonpacharoꞌsanta maꞌsha mamiataponaꞌ.

Mateo 10:28

Ama piyapiꞌsaꞌ tëꞌhuatocosohuëꞌ. Tëpapirinënquëmaontaꞌ, co huaꞌyanëmaꞌ matarinënquëmahuëꞌ. Yosë tëhuënchinsoꞌ tëꞌhuatacasoꞌ yaꞌhuërin, tënahuë. Ina nohuanton, chiminëꞌ. Co noyahuëꞌ nipachinaꞌ, pënquë chachin aꞌpaarin huachi. Inatohuaꞌ huaꞌyanënarë chachin parisitomiatapi huachi. Napoaton Yosë naꞌcon naꞌcon tëꞌhuatacasoꞌ yaꞌhuërin. Co piyapiꞌsaꞌ tëꞌhuatacasoꞌ yaꞌhuërinhuëꞌ.

Lucas 12:5

Yosë tëhuënchinsoꞌ tëꞌhuatacasoꞌ yaꞌhuërin, tënahuë. Co noyahuëꞌ nipatamaꞌ, Yosë huaꞌyanëmaꞌ matahuatënquëmaꞌ, parisitopiquë aꞌpamiatarinquëmaꞌ. Napoaton ina naꞌcon naꞌcon tëꞌhuatocoꞌ. Co piyapiꞌsaꞌ tëꞌhuatacasoꞌ yaꞌhuërinhuëꞌ.

Romanos 14:13

Napoaton ama huachi ninocancosohuëꞌ. Aꞌnapita imapisopita catahuacoꞌ noya cancanchinaꞌ. Niꞌcona anishacancantotamaꞌ.

Romanos 14:4

Co aꞌnapita piyapinën nocanacaso yaꞌhuërinhuëꞌ. Piyapinën noya nipachina, co noyahuëꞌ nipachinantaꞌ huaꞌanëni nitotarinsoꞌ. Yosëíchin yaꞌipinpoaꞌ huaꞌanëntërinpoaꞌ niꞌton, noꞌtëquën shaꞌhuitarinpoaꞌ. Inasáchin nanitërin achinicancainpoasoꞌ. Co canpoa capinisoꞌ ninocanacasoꞌ yaꞌhuërinhuëꞌ.

Romanos 2:1

Aꞌnaquëmaꞌ iyaroꞌsaꞌ piyapiꞌsaꞌ yonquirapiratomaꞌ: “Pasoꞌ quëmapi co noyahuëꞌ ninin,” tënamaꞌ. Napoapomarahuëꞌ, ina pochachin canpitantaꞌ co noyahuëꞌ ninamaꞌ. Napoatomaꞌ, ninaꞌintaramaꞌ.

Romanos 9:20

¿Maquëma cháchintaꞌ niꞌtomaꞌ, nanitëramaꞌ Yosë chachin pinocamasoꞌ? Niꞌcoꞌ. Piyapi tëshitohuachina, minëꞌ, huëꞌëta, inapita ninin. Nipachina, co tëshiri huaꞌanën noꞌhuirinhuëꞌ. “¿Onpoatontaꞌ naponin ninanco?” co itërinhuëꞌ.

Hebreos 7:25

Napoaton nanitërin noyá nichaꞌëinpoasoꞌ. “Quisocristoíchin anoyacancantërinpoaꞌ,” taꞌtëhuaꞌ, Yosë imarëhuaꞌ. Iporahuantaꞌ Quisocristo nanpiárin catahuainpoaso marëꞌ. Nani tahuëri canpoa marëꞌ Yosë nontárin.

Santiago 5:9

Ama piꞌpian tërantaꞌ iyaroꞌsaꞌ ninoꞌhuicosohuëꞌ, Yosë anaꞌintochinquëmaꞌ. Niꞌsárinpoaꞌ. Co huaꞌquiya quëranhuëꞌ oꞌmararin anaꞌintinpoaso marëꞌ.