Santiago 4:10 - Chayahuita (Shahui)

¹⁰ Yaꞌipinquëmaꞌ, aꞌnaya aꞌnayanquëmaꞌ, Yosë chachin niꞌsárinquëmaꞌ. “Caora Sinioro co nanitërahuëꞌ noya nicaꞌhuasoꞌ. Catahuaco,” topatamaꞌ, anoyacancantarinquëmaꞌ. Ina pochin cancantohuatëhuaꞌ, noya noya acoarinpoaꞌ.

Santiago 4:10 ပူးပေါင်းရင်းမြစ်များ

Copo naporinso' 5:11

Sano piyapiroꞌsanta catahuahuachina, noya noya acorin huachi. Sëtopisopitantaꞌ, sëto inquitaton acapacancanin.

Salmos 27:6

Naporoꞌ inimicoroꞌsa co huachi nanitapaponacohuëꞌ. Ina quëran maꞌsharoꞌsa quëcato, pëinënquë quëma marëꞌ tëpato, ahuiquitarahuë. Capa cancantato, “yai,” charápo. Nisha nisha cantanën cantato chinotaranquën.

Éxodo 10:3

Yosëri napotërinso chachin Moisësë, Aaron, inapita copirno nicapona paꞌpi. Quënanconahuatonaꞌ, itaponaꞌ: “Naporin Yosë: ‘¿Onporo huarëta tëꞌhuatatonco natëponco? Piyapinëhuëpita chinotinacoso marëꞌ aꞌpaquë paꞌinaꞌ.

Mateo 23:12

‘Casoꞌ noya noyaco,’ topatamaꞌ, Yosë atapanarinquëmaꞌ. Nipirinhuëꞌ, ‘Caora co nanitërahuëꞌ noya nicaꞌhuasoꞌ. Catahuaco Sinioro,’ topatamaꞌ, Yosë catahuaarinquëmaꞌ. Noya noya acoarinquëmaꞌ,” itërin.

Lucas 1:52

Copirnoroꞌsantaꞌ co noyahuëꞌ nipachinara, ocoirin. Topinan piyapiꞌsaꞌ yaꞌhuërëꞌ noya acorin.

Lucas 14:11

Inapochachin “Casoꞌ noya noyaco,” topatamaꞌ, Yosë atapanarinquëmaꞌ. Nipirinhuëꞌ, sano piyapi nipatamaꞌ, Yosë noya noya acoarinquëmaꞌ, itërin.

Lucas 18:14

Ina oshanën inquitaton, Yosëri noya niꞌnin. Parisioso nipirinhuëꞌ, co noyahuëꞌ niꞌnin. Aꞌnapita nocanpatamaꞌ, aꞌna tahuëri Yosë atapanarinquëmaꞌ. Nipirinhuëꞌ: ‘Caora co nanitërahuëꞌ noya nicaꞌhuasoꞌ. Catahuaco Sinioro,’ topatamaꞌ, noya acoarinquëmaꞌ,” tënin Quisoso.

1 Pedro 5:6

Parisitapomarahuëꞌ, ama Yosë noꞌhuicosohuëꞌ. Chiníquën nanantaton, niꞌsárinquëma niꞌton, natëcoꞌ. Ina noya yonquihuatamaꞌ, tahuëri nanihuachin, noya noya acoarinquëmaꞌ.

1 Samuel 2:7

Sinioro nohuanton aꞌnaquën maꞌhuanpi. Ina nohuanton chachin aꞌnaquënso popriyatopi. Inari aꞌnaquën atapanin. Inari chachin aꞌnaquënso noya acoantarin.

1 Samuel 2:9

Sinioroáchin cancantopisopita intohuaso paꞌpachinara, inari noya aꞌpaiarin. Co noyahuëꞌ cancantopisopitaso nipirinhuëꞌ, chimipiroꞌsa nisapiquë paꞌsapi. Inaquësoꞌ, yaꞌipi tashinantárin. Co insonta inaora chininënquë noya noya niacoarinhuëꞌ.