Santiago 3:9 - Chayahuita (Shahui)

⁹ Nanamënpoa quëran Yosë chinotërëhuaꞌ. “Tata Yosë huaꞌanëntërinpoasoꞌ nóya,” tënëhuaꞌ. Ina nanamënpoa quëran chachin piyapiꞌsaꞌ pinorëhuaꞌ. Yaꞌipinpoaꞌ Yosë chachin nininpoaꞌ. Ina pochin cancantacaso marëꞌ acopirinpoahuëꞌ, nipinorëhuaꞌ.

Santiago 3:9 ပူးပေါင်းရင်းမြစ်များ

Génesis 5:1

Atan shinpita napopiso shaꞌhuichinquëma nitotocoꞌ. Yosëri piyapi nipachina, inaora pochachin ninin.

Génesis 9:6

Insosona piyapi tëpahuachin, aꞌnari iꞌhuërëtarin. Cá pochachin nicamaso marëꞌ acoranquëmaꞌ. Napoaton, co nitëpamaso yaꞌhuërinhuëꞌ.

2 Samuel 16:5

Paorin ninano itopiquë Tapi canconin. Ina quëran pipiton aꞌnara Saonocoꞌ shiini chiníquën noꞌhuirin. Inasoꞌ, Cohuira huiꞌnin, Simii itopisoꞌ.

2 Samuel 19:21

Naporoꞌ Apisaisoꞌ, tapon: —Quëmasoꞌ sinioro copirno Sinioro chachin huayoninquën. Ina nipiranhuëꞌ, Simii noꞌhuitënquën naꞌinpiro ninin. ¡Chiminacaso yaꞌhuërin tënahuë casoꞌ! tënin.

Salmos 145:1

“¡Ma noyanquëncha quëmasoꞌ Sinioro paya!” Quëmaso copirnonëhuënquën. Chinotomiatáponquën. Nani tahuëri naporápo. Co onporonta copitosarahuëꞌ.

Salmos 145:21

Sinioro chinotato: “¡Ma noyacha inaso paya!” ichi. ¡Yaꞌipiya quëran Sinioro chinotahuaꞌ! ¡Ama onporonta copitahuasohuëꞌ!

Salmos 16:9

Napoaton caso capa cancantërahuë. Co chiminaꞌhuaso tëranta tëꞌhuatërahuëꞌ.

Salmos 34:1

Apira apira Sinioro chinotarahuë. Ina chinotaꞌhuasoꞌ, co onporonta tananpitapohuëꞌ.

Salmos 51:14

Nichaꞌëco, ama tëpaꞌinacosohuëꞌ. Quëmasáchin nanitëran nichaꞌëancosoꞌ. Inapotohuatanco, nichaꞌërancosoꞌ yonquiato cantaarahuë.

Salmos 63:4

Isoroꞌpaquë nanpisoco, chinotáponquën. Nontohuatanquën, natananco mini.

Mateo 26:74

—¡Coꞌchi iyaroꞌsaꞌ paya! Yosë niꞌsárinco, co carisoꞌ nohuitërahuëꞌ. Nonpintohuatënquëmasoꞌ, Yosë anaꞌinchinco, tënahuë, itërin. Naporo chachin atari përarin.

Mateo 5:44

Nipirinhuëꞌ carimaꞌ shaꞌhuichinquëmaꞌ. Inimiconëmapitantaꞌ iyaroꞌsaꞌ, nosorocoꞌ. Aparisitopirinënquëmaontaꞌ, nosorocasoꞌ yaꞌhuërin. Inapita marëntaꞌ noya Yosë nontocoꞌ inahuantaꞌ catahuain.

Hechos 2:26

Napoaton noya cancantërahuë. Ma noyacha Tata Yosëso paya, tënahuë. Co naniantarincohuëꞌ, taꞌto, co chiminaꞌhuasoꞌ tëꞌhuatërahuëꞌ.

Romanos 3:14

Noꞌhuitatonaꞌ, piyapiꞌsaꞌ pinosápi.

1 Corintios 11:7

Quëmapinpoaso nipirinhuëꞌ Yosë nontohuatëhuaꞌ, ama motënpoaꞌ niimomototahuasohuëꞌ. Yosë nininpoaꞌ ina pochin huaꞌanëntacaso marëꞌ. Inasáchin, iyaroꞌsaꞌ, natëhuatëhuaꞌ, nóya cancantarihuaꞌ. Ina marëꞌ acorinpoaꞌ. Inapochachin sanapiꞌsantaꞌ soꞌinaꞌ noya natëhuachinaꞌ, nóya cancantapi.

Efesios 1:3

Ma noyacha Tata Yosëso paya. Sinioro Quisocristo paꞌpin inasoꞌ. Inápa quëran noya noya yonquirinpoaꞌ. Quisocristo imarëhuaꞌ niꞌton, naꞌcon catahuarinpoaꞌ noya noya cancantacaso marëꞌ. Oshanënpoaꞌ inquitatonpoaꞌ, anoyacancantërinpoaꞌ. Ina quëran nani tahuëri catahuarinpoaꞌ nohuantërinso chachin nicacasoꞌ. Co inápaquë yaꞌhuëyatërarihuarahuëꞌ, inatohuaꞌ yaꞌhuëarëhuaso pochin Yosë nohuitërëhuaꞌ. Ina yonquiatëhuaꞌ, “Yosparinquën Sinioro,” itahuaꞌ.

Santiago 1:27

Tëhuënchachin Yosë chinotohuatëhuaꞌ, piyapiꞌsaꞌ nosoroarëhuaꞌ. Saꞌahuaroꞌsaꞌ, quëyoronoꞌsaꞌ, inapita catahuarëhuaꞌ. Maꞌsha pahuantohuachinaꞌ, quëtacasoꞌ yaꞌhuërin. Aꞌnaquën piyapiꞌsaꞌ co noyahuëꞌ cancantatonaꞌ, co Yosë imapihuëꞌ. Ama inapita nonanhuansohuëꞌ. Noyápiachin cancantohuatëhuaꞌ, noya imasarëhuaꞌ. Inapohuatëhuaꞌ, Yosë noya niꞌsarinpoaꞌ.

Santiago 3:10

Yosë noya nontapomarahuëꞌ, piyapi pinopatamaꞌ, co noyahuëꞌ cancantaramaꞌ. Co iyaroꞌsaꞌ nisha nisha nonacasoꞌ yaꞌhuërinhuëꞌ.

1 Pedro 1:3

Ma noyacha Tata Yosëso paya. Quisocristo paꞌpin inasoꞌ. Naꞌcon nosoroatonpoaꞌ, nasitantarëso pochin nasha cancan quëtërinpoaꞌ ina nohuitacaso marëꞌ. Quisocristo huaꞌanëntërinpoaꞌ. “Chiminaponahuëꞌ, nanpiantarin niꞌton, canpoantaꞌ nanpiantarihuaꞌ,” taꞌtëhuaꞌ, noya ninarëhuaꞌ. Natëtomiatërëhuaꞌ.