Santiago 3:6 - Chayahuita (Shahui)

⁶ Nanamënpoasoꞌ pën pochin ninin. Paꞌpi co noyahuëꞌ ninin. Ina marëꞌ oshahuanëhuaꞌ. Sopai chachin camairinpoaꞌ co noyahuëꞌ nonacasoꞌ. Nanamënpoa quëran nipinorëhuaꞌ, ninoꞌhuirëhuaꞌ. Maꞌtëhuaꞌ maꞌtëhuaꞌ nonëhuaꞌ. Co noyahuëꞌ nonpatëhuara, nitapicancanarëhuaꞌ.

Santiago 3:6 ပူးပေါင်းရင်းမြစ်များ

2 Samuel 16:20

Ina quëran Apësaroni Aitohuiro natanin: ¿Maꞌta iporasoꞌ niahua huachi? itërin. Napotohuachina, inariso pënënin: —Insoari tëranta copirno saꞌinpita tëcarihuachina: “Copirno yaꞌhuërëtërin huachi,” tënëhuaꞌ. Napoaton tata cosonanënpita inapotëraꞌpiaquëꞌ. Inapitasoꞌ pëi aꞌpaicaiso marëꞌ patërin. Inapohuatan yaꞌipi israiroꞌsaꞌ: “Inaporin niꞌton, iporasoꞌ paꞌpini, tëhuënchachin co huachi quëꞌyaponhuëꞌ,” tosapi. Napoatona quëmasáchin cancantaponën huachi, itërin.

2 Samuel 19:43

Napotohuachinara, inahuaso taantaponaꞌ: —Canpitaso aꞌna huëntoínchinquëmaꞌ. Quiyaso nipirinhuëꞌ, shonca huëntoncoi niꞌtoi, copirno caꞌtanaꞌhuaiso yaꞌhuërin antaꞌ. Naꞌcon naꞌconcoi nichinapon chachin ama nocancosoihuëꞌ. ¡Quiyariꞌton copirno Quirosarinquë huënantacasoꞌ, yonquirai! itopi. Ninapotatonaꞌ, ninoꞌhuipi. Cota huënton sontaroꞌsaso napoaponahuëꞌ, naꞌcon naꞌcon noꞌhuitopi.

Proverbios 15:1

Noꞌhuirapirinënhuëꞌ sanoanan quëran aꞌpanihuatan, asanotaran. Iquianan quëran chachin aꞌpanihuatansoꞌ, naꞌcon naꞌcon anoꞌhuitaran.

Proverbios 6:19

Piyapi nonpinapipisopita. Noya ninicatona yaꞌhuërapirinahuëꞌ, nanan ocoirapipisopita. Inapita co Siniorori quëꞌyarinhuëꞌ.

Proverbios 7:5

Ina, soꞌin tëhuananpitë sanapi quëran, nichaꞌësarinquën. Inaso nisha niponahuëꞌ yashi yashin nonaton, quëmapiꞌsa yaanishacancantërin.

Jeremías 20:10

Naní quëran pochin tëhuatonaco: “Yaꞌipi parti paꞌyan yaꞌhuërin” itoninaco. Naporahuaton: “Huëco paꞌahua shaꞌhuirapiahuaꞌ,” tosápi. Amiconëhuëpita quëran huarëꞌ tëhuëcaꞌhuaso ninapi. Monatonaco yacanarinaco. “Canarëhua naporini, iꞌhuërëchitërihuahuëꞌ,” topi.

Mateo 12:24

Parisioroꞌsariso nipirinhuëꞌ, co natëpihuëꞌ: “Sopairoꞌsaꞌ huaꞌan Piirsipo itopisoari catahuarin niꞌton, nanitaparin sopairoꞌsaꞌ aꞌpacasoꞌ. Co inari catahuarinhuëꞌ naporini, co nanichitonhuëꞌ,” topi.

Mateo 5:22

Co tëpatërëso marëáchin anaꞌintinpoasoꞌ yaꞌhuërinhuëꞌ, tënahuë. Aꞌna piyapi noꞌhuihuatamaꞌ, anaꞌintarinquëmaꞌ. Pinotohuatamantaꞌ, cotio ansianoꞌsaꞌ anaꞌinchinquëmaꞌ. Cancanëma quëran huarëꞌ noꞌhuitomaꞌ, ‘Quëmasoꞌ sopainquën,’ itohuatamaꞌ, pënquë chachin parisitacasoꞌ yaꞌhuërin, tënahuë.

Marcos 7:15

Co mantaꞌ maꞌsha yaꞌhuërinhuëꞌ nonënpoaquë yaꞌconahuaton, aoshahuaninpoasoꞌ. Cancanënpoa quëran pipirinsoꞌ tëhuënchinsoꞌ aoshahuaninpoaꞌ. [

Lucas 16:24

Napoaton chiníquën përarin: ‘¡Tata Apraan, nosoroco cantaꞌ! Pënquë parisitárahuë. Nasaro aꞌpatimaco iꞌsha piꞌpian tërantaꞌ apiꞌnichinco,’ itopirinhuëꞌ.

Hechos 20:30

Aꞌnaquëontaꞌ Quisoso imaponaraihuëꞌ, aꞌporahuatonaꞌ, nisha aꞌchinaponaꞌ. Yanonpintarinënquëmaꞌ. Inahuaꞌ imacamaso marëꞌ napotarinënquëmaꞌ.

Hechos 5:3

Co Pitrosoꞌ shaꞌhuitopirinhuëꞌ, Yosë nohuanton, nitotërin. Nitotaton, Ananiasë itërin: —¿Onpoatonta iyasha Sopai natëran? Ispirito Santo yanonpintaton patoma coriqui canaransoꞌ quëmaora marëꞌ taparan.

Hechos 6:13

Nani niyontonpachinara, naquëranchin shaꞌhuirapiantapi. Nonpinatonaꞌ, co noꞌtëquën shaꞌhuirapipihuëꞌ. —Yosë chinotopiso pëiꞌ noya nipirinhuëꞌ, nonapirarin. “Moisësë iráca pënëntërinsontaꞌ co natëcasoꞌ yaꞌhuërinhuëꞌ,” toconin.

Deuteronomio 13:6

Iporasoꞌ aꞌnaya aꞌnayanquëma shaꞌhuitaranquëmaꞌ. Tapona aꞌna tahuëri yanishacancantarinënquën. Iyaparinhuë nipon, huiꞌnanhuë nipon, saꞌan nosororansohuë nipon, nipayaransohuë nipon, yainapotarinquën. Ina marëꞌ poꞌoana quëran: ‘Huëquë paꞌa iso mamanshi chinotaꞌa. Inasoꞌ co nohuitërëhuëꞌ. Co tatanpoa tëranta nohuitërinhuëꞌ,’ itarinënquën.

Tito 1:11

Yapënëntohuachinaꞌ, shaꞌhuitëquëꞌ ama pënënchinasohuëꞌ. Maꞌsha canacaisoáchin yonquiatonaꞌ, aꞌchinapi. Nisha aꞌchintohuachinara, aꞌnaquën Yosë nanamën yaaꞌpopi. Quëmopinënpitarë chachin nisha imasapi.

Santiago 2:7

Quisocristosoꞌ nóya niponahuëꞌ, tëhuapi: “Co noyahuëꞌ inasoꞌ,” toconpi. Imarëhuaꞌ niꞌton, Quisocristo piyapinënpitanpoaꞌ canpoasoꞌ. Napoaton ama maꞌhuanoꞌsaꞌ naꞌcon naꞌcon paꞌyatocosohuëꞌ.

Santiago 3:7

Nisha nisha maꞌsharoꞌsaꞌ tananquë yaꞌhuërinsopita pëꞌtahuarëꞌ. Pëꞌtahuahuatëra, co huachi maninpohuëꞌ. Anpiantëhuanoꞌsaꞌ, iꞌquë yaꞌhuërinsopita, inapita pëꞌtahuarëꞌ. Pëhuara, mayo, inapita pochin nininsontaꞌ mapatëra, pëꞌtahuarëꞌ.

2 Pedro 3:3

Isoꞌ naꞌcon yonquicoꞌ. Oꞌmantacasoꞌ tahuëri yaꞌcaritohuachin, co noyahuëꞌ piyapiꞌsaꞌ yaꞌhuaponaꞌ. Co Yosë natëtonaraihuëꞌ, maꞌsona yonquipisoꞌ nisapi. Co noyahuëꞌ cancantapi. Quisocristo shaꞌhuitërinpoasoꞌ tëhuaapi.

3 Juan 1:10

Napoaton yaꞌhuëramaquë paꞌpato, co noyahuëꞌ nininsopita aꞌninquëchin shaꞌhuitarahuë. Inasoꞌ naꞌcon pinorincoi, nonpinapirincoi. Naporahuaton, iyaroꞌsaꞌ aꞌchinacaiso marëꞌ canconpachinara, co noya nontërinhuëꞌ. Co pëinënquë ayaꞌconinhuëꞌ. Aꞌnapitari aꞌchinaꞌpiroꞌsaꞌ yacatahuapirinahuëꞌ, co ina tërantaꞌ nohuantërinhuëꞌ. “Ama pëinëmaquë ayaꞌconcosohuëꞌ,” itopirinhuëꞌ. Ayaꞌconpachinara, noꞌhuiton, inapitantaꞌ niyontonpi quëran yaocoirin. “Ama huachi canpita tërantaꞌ niyontonpiso pëiquë yaꞌconcosohuëꞌ,” toconin. Paꞌpi co noyahuëꞌ yonquirin inasoꞌ.

Apocalipsis 12:9

Inapotatonaꞌ, panca yaꞌhuan pochin nininsoꞌ inápa quëran tëꞌyatopi. Inasoꞌ sopai chachin, Satanasë itopisoꞌ. Yaꞌipi piyapiꞌsaꞌ yanonpintërin. Ina minsërahuatonaꞌ, anquëninënpitarë chachin isoroꞌpaquë tëꞌyatopi.

Apocalipsis 13:14

Nisha nisha acoarin, sacaiꞌ nininsoꞌ. Maꞌsha paꞌpi tëꞌhuatoroꞌ nininsoꞌ niꞌtonënquë naporin. Piyapiꞌsari niꞌpachinaꞌ: “Tëhuënchachin inasoꞌ Yosë,” tosapi. Notohuaroꞌ piyapiꞌsaꞌ nonpintarin. Ina quëran itapon: “Panca mamanshi niahuaꞌ. Sahuëniquë ahuëatonaꞌ shitëpapirinahuëꞌ, noyataantarinsoꞌ nonanatëhuaꞌ chinotahuaꞌ,” itohuachinaꞌ, nisapi.

Apocalipsis 18:23

Co huachi nanpara iꞌchinpiapihuëꞌ. Co huachi inaquë saꞌasapihuëꞌ. Iráca notohuaroꞌ maꞌsha paꞌanaꞌpiroꞌsaꞌ inaquë yaꞌhuatonaꞌ, naꞌcon canapirinahuëꞌ, noyá taꞌhuantapi. Naꞌcon pënotatonaꞌ, nisha nisha piyapiꞌsaꞌ isoroꞌpaquë anishacancantopirinahuëꞌ, Yosëri anaꞌintarin huachi,” tënin.

Apocalipsis 19:20

Quira nipachinara, huiri cahuario aipi huënsërinsoari canarin. Canarahuaton, maꞌsha paꞌpi tëꞌhuatoroꞌ nininsoꞌ masarin. Nonpin nanan pënëntonaꞌpintaꞌ, masarin. Inasoꞌ, sacaiꞌ nininsoꞌ nicaton, notohuaroꞌ piyapiꞌsaꞌ nonpintërin maꞌsha paꞌpi tëꞌhuatoroꞌ nininsoꞌ imacaiso marëꞌ. Marcanën niacotahuatonaꞌ, mamanshinën moshapirinahuëꞌ, minsëarin huachi. Minsërahuaton, cato chachin masahuaton, anaꞌintomiatarin. Nanpirapirinahuëꞌ, parisitopiquë tëꞌyatarin huachi. Inaquë panca sono shaꞌpimoꞌshirë chachin pën tënëntápon. Co onporontaꞌ pipiapihuëꞌ.