Santiago 3:16 - Chayahuita (Shahui)

¹⁶ Niapiratohuatëhuara, yaninoꞌhuirëhuaꞌ. Co aꞌnapita nohuantopisoꞌ yonquihuatëhuahuëꞌ, nisha nisha cancantarihuaꞌ. Inapohuatëhuaꞌ, paꞌpi co noyahuëꞌ nisarëhuaꞌ.

Santiago 3:16 ပူးပေါင်းရင်းမြစ်များ

Génesis 11:9

Inaquë chachin Siniorori, yaꞌipi piyapiꞌsa nonpiso anishatërin. Ina quëran chachin, yaꞌipi isoroꞌpaquë ayanquëërin. Napoaton ina ninanosoꞌ, Papiri itopi.

Génesis 38:9

Onansoꞌ Tamara macaponahuëꞌ: “Huiꞌnahuanpato, huaꞌhuaroꞌsa co caquën nisarinhuëꞌ. Irico huiꞌninpitaráchin pochin nisarin,” tënin yonquinënquë. Napoaton, Tamara tëcarihuachina, aipi aꞌpaconin. Ama iinco yaꞌhuërënamënpita, ina quëran yaꞌhuëcaso marëhuëꞌ naporin.

Marcos 3:25

Quëmopinëna capinintaꞌ ninoꞌhuipi naporini, inapitantaꞌ yanquëꞌitonahuëꞌ.

Hechos 19:29

Ina quëran yaꞌipi piyapiꞌsaꞌ noncaropi. Noꞌhuitatonaꞌ, Paono caꞌtaninsopita mapi, Acayo, Aristarico inapita itopisoꞌ. Inapitasoꞌ masitoniaroꞌsaꞌ. Chiníquën masahuatonaꞌ, huëntëntërahuatonaꞌ, niyontonpiso iꞌiratëquë quëpapi.

Romanos 2:8

Nipirinhuëꞌ, canpoara nohuantërëhuasoráchin nipatëhuaꞌ, noꞌhuiarinpoaꞌ. Noꞌtëquën anitotopirinpoahuëꞌ co natëhuatëhuahuëꞌ, anaꞌintarinpoaꞌ. Co noyahuëꞌ nipatëhuaꞌ, chiníquën anaꞌintarinpoaꞌ.

1 Corintios 14:33

Yosësoꞌ co nisha nisha ayonquirinpoahuëꞌ. Catahuarinpoaꞌ sano cancantacasoꞌ. Niyontonëhuaquëntaꞌ catahuarinpoaꞌ aꞌnaya aꞌnayanpoaꞌ pënëntatëhuaꞌ noya Yosë chinotacaso marëꞌ. Yaꞌipi Yosë imarëhuasopita nisha nisha niyontonëhuaquë,

1 Corintios 3:3

Co noyahuëꞌ yonquiramasopita co nanianchátëraramahuëꞌ. Canpita capini ninoyapatomaꞌ, ninoꞌhuiramaꞌ. ¿Onpoatontaꞌ canpitaora nohuantëramasoachin yonquiconamaꞌ? Nisha nisha yonquiatomaꞌ, co imapisopitahuë pochin cancantëramaꞌ.

2 Corintios 12:20

Canconpato, co noya niꞌsaranquëmahuëꞌ nimara. Canpitantaꞌ co noya niꞌsaramacohuëꞌ nimara. Napoaton sëtato, yonquiáranquëmaꞌ. Ipora huantaꞌ aꞌnaquëmaꞌ nimara ninoꞌhuiaramaꞌ, niaꞌpitaramaꞌ, iquianan quëran ninontaramaꞌ, nipinosaramaꞌ, ninocanaramaꞌ, nisha nisha yonquiaramaꞌ nimara, tënahuë yonquiato.

Gálatas 5:20

Co noyahuëꞌ yonquihuachinara, mamanshi moshapi, pënotopi, co nanan anoyatopihuëꞌ, co napopianachin yonquipihuëꞌ. Aꞌpitatonaꞌ, aꞌnaroáchin noꞌhuitopi, nipinopi. Aꞌna huënton aꞌna huënton co noyahuëꞌ ninicatonaꞌ yaꞌhuëpi. Nisha nisha yonquiatonaꞌ, yaꞌhuëpi.

Santiago 3:14

Aꞌnaquënso nipirinhuëꞌ aꞌnapita apiratatonaꞌ, nocanpi. Inahuara nohuantopisoráchin yonquiatonaꞌ noꞌhuitápi. Ina pochin cancantohuatamaꞌ: “Casoꞌ noyaco,” ama tocosohuëꞌ. Co noꞌtëquën yonquiramahuëꞌ. Nonpiánamaꞌ.

1 Juan 3:12

Iráca Cainosoꞌ sopai natëton, iin tëparin. ¿Maꞌmarëtaꞌ tëparin? Iinsoꞌ noya ninin niꞌton, noꞌhuiton, tëparin. Ama ina pochin cancantocosohuëꞌ.