Santiago 3:14 - Chayahuita (Shahui)

¹⁴ Aꞌnaquënso nipirinhuëꞌ aꞌnapita apiratatonaꞌ, nocanpi. Inahuara nohuantopisoráchin yonquiatonaꞌ noꞌhuitápi. Ina pochin cancantohuatamaꞌ: “Casoꞌ noyaco,” ama tocosohuëꞌ. Co noꞌtëquën yonquiramahuëꞌ. Nonpiánamaꞌ.

Santiago 3:14 ပူးပေါင်းရင်းမြစ်များ

Génesis 37:11

Iinpitariso noyapatonaꞌ, aquë aquëtë noꞌhuirápi. Paꞌpinso nipirinhuëꞌ, huiꞌnin naporinso naꞌcon yonquirárin.

Génesis 38:9

Onansoꞌ Tamara macaponahuëꞌ: “Huiꞌnahuanpato, huaꞌhuaroꞌsa co caquën nisarinhuëꞌ. Irico huiꞌninpitaráchin pochin nisarin,” tënin yonquinënquë. Napoaton, Tamara tëcarihuachina, aipi aꞌpaconin. Ama iinco yaꞌhuërënamënpita, ina quëran yaꞌhuëcaso marëhuëꞌ naporin.

Copo naporinso' 5:2

Co yonquinahuanhuëꞌ nipatëra, noꞌhuitomiatërëꞌ. Inapohuatëra chimirin yonitë pochin ninëꞌ.

Proverbios 27:4

Piyapi noꞌhuitohuachinasoꞌ, co tënorotochináchinhuëꞌ cancantërin. Paꞌpi huënocatohuachinantaꞌ, maꞌsha ataꞌhuantochináchin niconin. Noyapatatona noꞌhuitohuachinasoꞌ napoaponahuëꞌ, aquë aquëtë co ahuantacasohuëꞌ nisarin.

Habacuc 1:3

Piyapiꞌsa maꞌsha onpotatonacoi aparisitarinacoi. ¡Catahuacoi huachi ama napotaꞌinacoisohuëꞌ! Naꞌcon maꞌsha onpotatonacoi, yaataꞌhuantërinacoi. Piyapiꞌsa nanan yaꞌhuëtatona coisëroꞌsaquë niquëparápi.

Mateo 27:18

“Cotio huaꞌanoꞌsari co quëꞌyatonahuëꞌ, Quisoso mapi,” taꞌton, Piratori napotërin.

Juan 16:2

Niyontonpiso pëiroꞌsa quëran ocoiarinënquëmaꞌ. Aꞌna tahuëri yatëparinënquëmaꞌ. ‘Co noyahuëꞌ nipi niꞌton, tëpahuatoi, Yosë noya niꞌsarincoi,’ taꞌtonaꞌ, aꞌnaquëmaꞌ tëpaarinënquëmaꞌ.

Hechos 13:45

Cotioroꞌsaso nipirinhuëꞌ notohuaroꞌ piyapi niꞌsahuatonaꞌ, noꞌhuitonaꞌ, apiratopi. “Isopitasoꞌ nisha piyapiꞌsaꞌ niꞌton, co canpoa pochin iráca pënëntërinsoꞌ natëpihuëꞌ,” taꞌtonaꞌ, noꞌhuitopi. “Paono co noꞌtëquën aꞌchininhuëꞌ. Inasoꞌ nonpintëꞌ,” itopi.

Hechos 26:9

Cantaꞌ iráca co Quisoso Nasaritoquë yaꞌhuërinsoꞌ imarahuëꞌ. Ina imapisopitantaꞌ noꞌhuirahuë. Aparisitaꞌhuasoꞌ yaꞌhuërin, topirahuëꞌ.

Hechos 5:17

Napohuachina, corto huaꞌan chini chiníquën nanantërinsoꞌ noꞌhuitërin huachi. “Naꞌcon naꞌcon piyapiꞌsaꞌ Quisoso imasapi,” taꞌton, apiratërin. Satosioroꞌsantaꞌ noꞌhuitopi.

Hechos 7:9

Aꞌnaraꞌ Cosi itopi. Iinpitari apiratatonaꞌ, noꞌhuipi. Iina chachin nipirinhuëꞌ, co quëꞌyapihuëꞌ. Napoaton nisharoꞌsaꞌ yaꞌnohuachinara, paꞌanpi asacatacaiso marëꞌ. Nisha piyapiꞌsari Iquipitoꞌpaꞌ quëpapi. Yosëriso nipirinhuëꞌ catahuarin.

Romanos 1:29

Paꞌpi co noyahuëꞌ nipi. Nimonshitacaisoráchin yonquipi. Naꞌcon oshahuanpi. Aꞌna piyapi maꞌshanënpita nohuantapapi. Piyapi chinotopi. Niapiratopi. Aꞌnaquën tëpatopi. Ninoꞌhuipi. Nonpinápi. Noꞌhuitápi. Aꞌnapita nonpinapipi.

Romanos 13:13

Tahuëri nipachina, aꞌninquëchin niꞌton, noyasáchin ninëꞌ. Aꞌnaquënso nipirinhuëꞌ pitasachin paꞌyatopi. Naꞌa tahuëri nansarápi, oꞌosápi, coshatápi, noꞌpiápi. Ama pitasoꞌ paꞌyatocosohuëꞌ. Ama noꞌpicosohuëꞌ. Ama piꞌpisha tërantaꞌ nimonshitacamasoꞌ yonquicosohuëꞌ. Ama ninoꞌhuicosohuëꞌ. Ama aꞌna piyapi noyapatomaꞌ, noꞌhuicosohuëꞌ.

Romanos 2:17

Aꞌnaquëmaꞌ cotioroꞌsanquëmaꞌ niꞌton, aꞌnapita nocanamaꞌ: “Moisësë pënëntërinsoꞌ natëhuatoi, chaꞌësarai,” tënamaꞌ. “Yosë naꞌcon naꞌcon nosororincoi,” tomantatomaꞌ, aꞌnapita nocanamaꞌ.

Romanos 2:8

Nipirinhuëꞌ, canpoara nohuantërëhuasoráchin nipatëhuaꞌ, noꞌhuiarinpoaꞌ. Noꞌtëquën anitotopirinpoahuëꞌ co natëhuatëhuahuëꞌ, anaꞌintarinpoaꞌ. Co noyahuëꞌ nipatëhuaꞌ, chiníquën anaꞌintarinpoaꞌ.

1 Corintios 13:4

Piyapiꞌsaꞌ nosorohuatëhuaꞌ, co yanoꞌhuirihuahuëꞌ. Noya nontatëhuaꞌ, catahuarihuaꞌ. Piyapiꞌsaꞌ nosorohuatëhuaꞌ, co noyapatëhuaꞌ, noꞌhuiarihuahuëꞌ. Co nocantarihuahuëꞌ. “Casoꞌ noya noyaco,” co tarihuahuëꞌ.

1 Corintios 3:3

Co noyahuëꞌ yonquiramasopita co nanianchátëraramahuëꞌ. Canpita capini ninoyapatomaꞌ, ninoꞌhuiramaꞌ. ¿Onpoatontaꞌ canpitaora nohuantëramasoachin yonquiconamaꞌ? Nisha nisha yonquiatomaꞌ, co imapisopitahuë pochin cancantëramaꞌ.

1 Corintios 5:2

Canpitantaꞌ nitotapomarahuëꞌ, co ina marëꞌ tapanamahuëꞌ. Ina oshanën yonquiatomaꞌ sëtacamaso nipirinhuëꞌ, iporahuantaꞌ “Quiyasoꞌ nóya imarai,” toconamaꞌ. Nani ocoicaso nipirinhuëꞌ, co ocoiramahuëꞌ.

1 Corintios 5:6

Iporaso nipirinhuëꞌ “Nóya imarai,” topiramahuëꞌ, co yaꞌipinquëmaꞌ noya ninamahuëꞌ. Co noꞌtëquën yonquiramahuëꞌ. Niꞌcoꞌ. “Pan nipatëra, piꞌpian ahuëpocatërinsoꞌ acohuachina, yaꞌipi sëꞌcotërin,” topi. Nani ina nitotëramaꞌ. Inapochachin aꞌnayanquëma tërantaꞌ co noyahuëꞌ yonquihuatamaꞌ, yaꞌipinquëmaꞌ nitapicancanaramaꞌ.

2 Corintios 12:20

Canconpato, co noya niꞌsaranquëmahuëꞌ nimara. Canpitantaꞌ co noya niꞌsaramacohuëꞌ nimara. Napoaton sëtato, yonquiáranquëmaꞌ. Ipora huantaꞌ aꞌnaquëmaꞌ nimara ninoꞌhuiaramaꞌ, niaꞌpitaramaꞌ, iquianan quëran ninontaramaꞌ, nipinosaramaꞌ, ninocanaramaꞌ, nisha nisha yonquiaramaꞌ nimara, tënahuë yonquiato.

Gálatas 5:15

Ninoꞌhuihuatamaꞌ, paꞌpi co noyahuëꞌ nisaramaꞌ. Tanan niꞌniroꞌsaꞌ niquëtëpiso pochin cancantaramaꞌ. Nipinocasontaꞌ co noyahuëꞌ. Ina pochin nipatamaꞌ, niꞌcona yaꞌipinquëmaꞌ nitapicancantamaꞌ.

Gálatas 5:20

Co noyahuëꞌ yonquihuachinara, mamanshi moshapi, pënotopi, co nanan anoyatopihuëꞌ, co napopianachin yonquipihuëꞌ. Aꞌpitatonaꞌ, aꞌnaroáchin noꞌhuitopi, nipinopi. Aꞌna huënton aꞌna huënton co noyahuëꞌ ninicatonaꞌ yaꞌhuëpi. Nisha nisha yonquiatonaꞌ, yaꞌhuëpi.

Gálatas 5:21

Co noyahuëꞌ yonquihuachinara, aꞌnapita maꞌshanënpita noyapatonaꞌ, noꞌhuipi. Noꞌpipi, pitaroꞌsaquë caꞌmiatopi, oꞌomiatopi, aꞌnaratipita nipi. Iráca pënënanquëmaꞌ. Iporantaꞌ pënëantaranquëmaꞌ. Inapohuatamaꞌ, co Yosë huaꞌanëntërinquë yaꞌconaramahuëꞌ. Ina pochin nipisopita co Yosëꞌpaꞌ pantarapihuëꞌ.

Gálatas 5:26

Ama noya ninëhuaso marëꞌ aꞌnapita nocahuansohuëꞌ. Ninocanpatëhuaꞌ, aꞌnaroáchin ninoꞌhuiarihuaꞌ. Itohuara capini ninoyapatëhuaꞌ, ninoꞌhuiarihuaꞌ. Ama ina pochin cancantahuasohuëꞌ.

Gálatas 6:13

Co inapita tërantaꞌ yaꞌipi pënëntërinsoꞌ natëpirinahuëꞌ, marca yaacotarinënquëmaꞌ. Niacotohuatamaꞌ, paꞌyatapi. “Niꞌcoꞌ. Nisha piyapiꞌsantaꞌ natëtënënpoaꞌ, marca niacotopi,” tosapi.

Filipenses 1:15

Aꞌnaquën noya nosororinaco niꞌton, noya cancantatonaꞌ, aꞌchinapi. “Paono tashinan pëiquë yaꞌhuëpirinhuëꞌ, Yosë nohuanton, inaquë poꞌmopi Quisocristo nanamën noꞌtëquën shaꞌhuicaso marëꞌ,” taꞌtonaꞌ, noya aꞌchinapi. Aꞌnaquënso nipirinhuëꞌ, co nosororinacohuëꞌ. Apiratatë pochin nitërinaco. “Quiyasoꞌ noya noya aꞌchinarai,” toconatonaꞌ, co noyahuëꞌ niꞌninaco. “Paono tashinan pëiquë yaꞌhuasoꞌ, quiyasoꞌ aꞌchinpatëira, naꞌcon naꞌcon piyapiꞌsaꞌ paꞌyatatonaꞌ, nataninacoi. Ina quëran Paonori apiratë pochin nicaton, aquë aquëtëꞌ sëtarin,” topi natantërahuë.

Filipenses 2:3

Aꞌnaquën chiníquën nanan nohuantopi. Inasáchin yonquiatonaꞌ, aꞌnapita nocanpi. “Casoꞌ noya noyaco,” topi yonquinëna quëran. Canpitaso nipirinhuëꞌ ama ina pochin cancantocosohuëꞌ. Aꞌnapita noya noya niꞌcoꞌ.

1 Timoteo 2:4

Yaꞌipi piyapiꞌsaꞌ nichaꞌëcasoꞌ nohuantërin. Nanamën noꞌtëquën nitochinaꞌ.

1 Timoteo 6:4

“Yaꞌipiya nitotërai,” topirinahuëꞌ, co yonquipihuëꞌ. Topinan quëran nonsápi. Nisha nisha nananoꞌsaꞌ yonquiatonaꞌ, nonconpi. Paꞌyatopi piyapiꞌsaꞌ anoꞌhuitacaisoꞌ. Inapita natanpachinara, niapiratopi, ninoꞌhuipi, nipinopi. “Nonpintërinco nimara,” taꞌtonaꞌ, co huachi natërapihuëꞌ.

Tito 3:3

Iráca canpoantaꞌ co noyahuëꞌ cancantërëhuaꞌ. Coꞌhuara Yosë nanamën nitochatërarihuahuëꞌ, co yonquirëhuahuëꞌ. Co yanatërëhuahuëꞌ. Sopai nonpintërinpoaꞌ niꞌton, nisha nisha nicacasoꞌ nohuantërëhuaꞌ. Maꞌpitasona paꞌyatacasoáchin yonquirëhuaꞌ. Aꞌna piyapi maꞌshanënpita noyapatërëhuaꞌ. Ninoꞌhuitëhuaꞌ, co niquëꞌyarëhuahuëꞌ. Noꞌhuípiroꞌ ninëhuaꞌ. Inapoatëhuaꞌ, topinan quëran yaꞌhuërëhuaꞌ.

Santiago 1:18

Inaora nohuanton, anasitaantatonpoa pochin nasha cancan quëtërinpoaꞌ. Inasoꞌ noꞌtëquën nonin. Nanamën natëhuatëhuaꞌ, huëntonënquë ayaꞌcoaninpoaꞌ. Huiꞌninpita pochachin niꞌninpoaꞌ. Canpoaꞌton anoyacancantërinpoaꞌ. Ina quëran oshaquëran naꞌayaꞌpi anoyacancantarin.

Santiago 3:16

Niapiratohuatëhuara, yaninoꞌhuirëhuaꞌ. Co aꞌnapita nohuantopisoꞌ yonquihuatëhuahuëꞌ, nisha nisha cancantarihuaꞌ. Inapohuatëhuaꞌ, paꞌpi co noyahuëꞌ nisarëhuaꞌ.

Santiago 5:19

Noya iyaroꞌsaꞌ nipënëncoꞌ. Aꞌnasoꞌ noꞌtën nanan nitotaponahuëꞌ, nisha cancantohuachina, aꞌnaya aꞌnayanquëmaꞌ pënëncoꞌ noꞌtëquën yonquiantaꞌin.