Santiago 2:9 - Chayahuita (Shahui)

⁹ Nipirinhuëꞌ, aꞌnasoꞌ nocanpatamaꞌ, co noyahuëꞌ nisaramaꞌ. Co Yosë natëramahuëꞌ niꞌton, oshahuanaramaꞌ.

Santiago 2:9 ပူးပေါင်းရင်းမြစ်များ

Levítico 19:15

Huaꞌanquëma nipatamaꞌ, noꞌtëquënáchin anaꞌintocoꞌ. Saꞌhuaroꞌsa nisapirinhuëꞌ co noyahuëꞌ nipachinaꞌ, noꞌtëquën anaꞌintocoꞌ. Maꞌhuanoꞌsanta co noyahuëꞌ nipachinaꞌ, noꞌtëquën anaꞌintocoꞌ.

Juan 16:8

Ispirito Santo isoroꞌpaquë oꞌmahuachin, oshahuanoꞌsaꞌ paꞌpi co noyahuë nipisoꞌ, Yosë noya coisë pochin nininsoꞌ, noꞌtëquën anaꞌintacaso yaꞌhuërinsoꞌ, inapita ayonquiarin: ‘Co Quisoso natëramahuëꞌ niꞌton, paꞌpi oshahuanamaꞌ. Inasoꞌ noꞌtëquënáchin Yosë natëton co tëhuërinhuë niꞌton, chiminpachina Tata Yosë yaꞌhuërinquë pantarin. Napoaton co huachi quënanaramahuëꞌ. Sopai huaꞌani huaꞌquiꞌ piyapiꞌsaꞌ huaꞌanëntopirinhuëꞌ, Yosëri minsërahuaton, anaꞌintarin,’ itarin piyapiꞌsaꞌ, ayonquiaton.

Juan 8:46

¿Inquëmataꞌ nanitëramaꞌ noꞌtëquën shaꞌhuirapiamacosoꞌ? “Co noyahuëꞌ nicaton, oshahuanan,” itohuatamaco, nonpinaramaꞌ. Casoꞌ noꞌtëquën nontaranquëmaꞌ, nipirinhuëꞌ, ¿onpoatomataꞌ co natëramacohuëꞌ? tënahuë.

Juan 8:9

Ina natanahuatonaꞌ, aꞌnaya aꞌnaya paꞌpi. Mashoroꞌsaꞌton paꞌpi. Ina quëran aꞌnaya aꞌnaya paꞌpi. Yaꞌipiya paꞌpachinara, sanapiíchin huaniárin.

Hechos 10:34

Itohuachina, Pitrori itërin: —Tëhuënchachin Yosëri yaꞌipi piyapiꞌsaꞌ nosororin. Co quiyasáchin nosororincoihuëꞌ. Cancanënpoaquë yonquirëhuasopita nitotaton, noꞌtëquën yonquirinpoaꞌ, tënahuë.

Romanos 3:20

“Pënëntërinsoꞌ natëhuatëhuaꞌ, Yosë noya niꞌsarinpoaꞌ,” topirinahuëꞌ aꞌnaquën. Co ina marëꞌ noya niꞌninpoahuëꞌ. Pënëntërin quëran oshahuanëhuasoꞌ anitotërinpoaꞌ. Ina natanpatëhuara, “Tëhuënchachin oshahuanëhuaꞌ. Co noyahuëꞌ ninëhuaꞌ,” tënëhuaꞌ.

1 Corintios 14:24

Nipirinhuëꞌ, Yosë nanamën aꞌchintohuatamaꞌ, co imarinsopitahuëntaꞌ noya natanapi. Pënëntërinsoꞌ natanahuatonaꞌ, yonquiapi: “Tëhuënchachin cantaꞌ co noyahuëꞌ nicato, oshahuanahuë,” tosapi.

Gálatas 2:19

Iráca cantaꞌ pënëntërinsoꞌ imapirahuëꞌ, co nanitërahuëꞌ noꞌtëquën natëcaꞌhuasoꞌ. Co ina imato noya cancantërahuëꞌ. Oshahuanato, chimipi pochin cancantërahuë. Napoaton iráca pënëntërinsoꞌ naniantërahuë Yosëíchin yonquicaꞌhuaso marëꞌ.

1 Juan 3:4

Yosë pënëninpoaꞌ. Co ina natëhuatëhuahuëꞌ, oshahuanëhuaꞌ. Co noyahuëꞌ nipatëhuaꞌ, co Yosë natërëhuahuëꞌ.

Judas 1:15

Naporoꞌ yaꞌipi oshahuanoꞌsaꞌ anaꞌintarin huachi. Paꞌpi co noyahuëꞌ nipi niꞌton, anaꞌintacasoꞌ yaꞌhuërin. Yosë noꞌhuipisopita noꞌtëquën anaꞌintarin huachi,” tënin iráca.