Santiago 2:8 - Chayahuita (Shahui)

⁸ Yosë quiricanën quëran noya noya pënëninpoaꞌ. “Quëmaora ninosororanso pochachin aꞌnapitantaꞌ nosorocoꞌ,” itërinpoaꞌ. Yaꞌipi piyapiꞌsaꞌ nosorohuatamaꞌ, noya nisaramaꞌ.

Santiago 2:8 ပူးပေါင်းရင်းမြစ်များ

1 Reyes 8:18

Siniorori itërin: ‘Chinotamacoso pëi yanitatonco, noya yonquiran.

2 Reyes 7:9

Naporápi quëran inahua capini: —Canpoa marëáchin maꞌsha macatëhuaꞌ, canpoasoꞌ co noyahuëꞌ nisarëhuaꞌ. Iporasoꞌ noya nanan shaꞌhuicasoꞌ yaꞌhuëpirinhuëꞌ, co shaꞌhuirëhuahuëꞌ. Tahuëri huarëꞌ shaꞌhuihuatëhuasoꞌ, anaꞌintaponënpoaꞌ. Ipora chachin paꞌsahuatëhua copirno pëinënquë siriaroꞌsa taꞌapisoꞌ shaꞌhuicontaꞌahuaꞌ, niitopi.

Levítico 19:18

Ama canpita capini ninoꞌhuitoma niiꞌhuërëtocosohuëꞌ. Canpitaora ninosororamaso pochachin aꞌnapitantaꞌ, nosorocoꞌ. Ca Sinioroco napotaranquëmaꞌ.

Jonás 4:9

Yosëriso napoaponahuëꞌ: —Nonirintë ahuirinso marëꞌ ¡co inapochin noꞌhuitacaso yaꞌhuërinhuëꞌ! itërin. —Noya mini tënahuë casoꞌ. Chiminchináchin noꞌhuitërahuë, itërin Conasëri.

Mateo 22:39

Isontaꞌ Yosë nohuantërin: “Quëmaora ninosororanso pochachin aꞌnapitantaꞌ nosorocoꞌ,” tënin.

Mateo 25:21

‘¡Ma noyacha sacatëran paya! Natëranco niꞌquëhuarëꞌ, chiníquën nanan quëchinquën naꞌcon huaꞌanëntamaso marëꞌ. Pëinëhuëquë huëquëꞌ, noya cancantahuaꞌ,’ itërin huaꞌanëni.

Mateo 25:23

‘¡Ma noyacha quëmantaꞌ sacatëran paya! Natëranco niꞌquëhuarëꞌ, nanan quëchinquën naꞌcon huaꞌanëntacaso marëꞌ. Pëinëhuëquë huëquëꞌ, noya cancantahuaꞌ,’ itërin inantaꞌ huaꞌanëni.

Mateo 7:12

Noya ninosorocasoꞌ yaꞌhuërin. Canpitasoꞌ nohuantëramaꞌ aꞌnapita nosoroinënquëmasoꞌ. Napoaton canpita nohuantëramaso chachin inapitantaꞌ nosorocoꞌ. Ninosoroatomaꞌ, nicatahuacoꞌ. Yosë nohuanton, Moisësë, pënëntonaꞌpiroꞌsaꞌ, inapita naꞌcon pënënpirinënquëmahuëꞌ, ninosorocasoꞌ naꞌcon naꞌcon nohuantërin. Ninosorohuatamaꞌ, noya imasaramaꞌ, tënahuë,” itërin Quisosori.

Romanos 13:10

Aꞌnapita nosorohuatamaꞌ, co noꞌhuiaramahuëꞌ. Co pinosaramahuëꞌ. Nóya catahuaramaꞌ. Napoaton nosorohuatamaꞌ, Yosë nóya natëarama huachi.

Gálatas 5:14

Iráca Yosë pënëntohuachina, ninosorocasoꞌ naꞌcon naꞌcon nohuantërin. “Quëmaora ninosororanso pochachin aꞌnapitantaꞌ nosorocoꞌ,” tënin.

Gálatas 6:2

Yaꞌipinpoaꞌ aꞌna tahuëri maꞌsha onporëhuaꞌ. Aꞌna tahuërintaꞌ sopai yanonpintërinpoaꞌ co noyahuëꞌ nicacaso marëꞌ. Napoaton nicatahuahuaꞌ noya yonquicaso marëꞌ. Panca pëꞌpëto nicatahuarëso pochin catahuahuaꞌ. Inapohuatëhuaꞌ, Quisocristo natëarihuaꞌ. “Ninosorocoꞌ,” itërinpoaꞌ.

Filipenses 4:14

Inaso nipirinhuëꞌ, ma noyanquëmaꞌ canpitasoꞌ niꞌton, catahuaramaco. Isëquë yaꞌhuato parisitopirahuëꞌ, noya catahuaramaco.

1 Tesalonicenses 4:9

Imaramasopita capini noya ninosorocoꞌ. Nani nitotëramaꞌ niꞌton, co aquëtëꞌ shaꞌhuitaꞌhuanquëmasoꞌ yaꞌhuërinhuëꞌ. Yosë chachin cancanëmaquë anitotërinquëmaꞌ ninosorocamasoꞌ.

Santiago 1:25

Nipirinhuëꞌ, natëhuatamaꞌ, noya nisaramaꞌ. Nasha nanansoꞌ nóya. Canpitaora nohuanton, ina natëhuatamaꞌ, co sopai camaiarinquëmahuëꞌ. Nani tahuëri Yosë nanamën yonquicoꞌ. Natanpatamaꞌ, ama naniantocosohuëꞌ. Noya natëhuatamaꞌ, Yosë catahuarinquëmaꞌ noya nicacamaso marëꞌ.

Santiago 2:12

Quisocristo imapatëhuaꞌ, nasha nanan shaꞌhuitërinpoaꞌ. Nichaꞌërinpoaꞌ niꞌton, nanitërëhuaꞌ nóya nicacasoꞌ. Ina nanan chachin yonquiaton, aꞌna tahuëri Yosë coisë pochin nontarinpoaꞌ. Niꞌton, piyapi nosoroatomaꞌ, noya nicoꞌ, noya nontocoꞌ.

Santiago 2:19

“Aꞌnaíchin Yosë yaꞌhuërin,” ¿tënan ti? Noꞌtëquën nonan. “Yosë yaꞌhuarin mini,” topi sopairoꞌsantaꞌ. Ina nitotopi niꞌton, tëꞌhuatatonaꞌ, ropa ropatapi. Napoaponaraihuëꞌ, co Yosë imapihuëꞌ. Co napopiso marëꞌ Yosëꞌpaꞌ paꞌsapihuëꞌ.

Santiago 4:11

Ama iyaroꞌsaꞌ nipinocosohuëꞌ. Ama coisë pochin cancantatomaꞌ, aꞌnapita noꞌhuicosohuëꞌ. Piꞌpisha tërantaꞌ nanan yaꞌhuëhuachin, ama apancatahuatomaꞌ, nishaꞌhuirapicosohuëꞌ. Quisocristo imaramaꞌ niꞌton, iyaparin pochachin ninosorocasoꞌ yaꞌhuërin. Pinopatamaꞌ, co nosoroaramahuëꞌ. Yosë pënënpirinpoahuëꞌ. “Yaꞌipi piyapiꞌsaꞌ nosorocoꞌ,” itopirinpoahuëꞌ, “Co nosorocasoꞌ yaꞌhuërinhuëꞌ,” taꞌtomaꞌ, pinoramaꞌ. Canpitaora yonquinëma quëran pinotatomaꞌ, co Yosë natëramahuëꞌ.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.