Santiago 2:6 - Chayahuita (Shahui)

⁶ Canpitaso nipirinhuëꞌ, saꞌahua nininsopita co onpopinchin nosororamahuëꞌ. Maꞌhuanoꞌsasoꞌ nonpintatënënquëmaꞌ, ihuarinënquëmaꞌ. Aparisitërinënquëmaꞌ. Coisëquë shaꞌhuirapirinënquëmaꞌ. ¿Ina nipirinhuëꞌ paꞌyataramaꞌ ti?

Santiago 2:6 ပူးပေါင်းရင်းမြစ်များ

Salmos 14:6

Sano piyapiroꞌsa yonquipisoꞌ, yatëhuapi. Napopirinahuëꞌ, Siniorori inapitaso noya nicaton paꞌpoyararin.

Proverbios 22:7

(-)

Isaías 53:3

Piyapiꞌsari nocanatona aꞌpoaponaꞌ. Co noyahuëꞌ nicatona chiníquën aparisitapi. Aꞌpopi niꞌton, paꞌpi sëtaton parisitapon. Canpoarinta co niꞌchináchinhuëꞌ cancantatëhuaꞌ, nocanëhuaꞌ. Co piꞌpian tëranta noya yonquirapirëhuahuëꞌ.

Amós 4:1

Sanapiꞌsanquëmanta Samaria ninanoquë yaꞌhuëramasopita, natanco shaꞌhuichinquëmaꞌ: Canpitasoꞌ, Pasan parti ohuacaroꞌsa amonpiso pochin noya coshatatomaꞌ, amonamaꞌ. Popriyaroꞌsa nonpintatoma ihuaramaꞌ. Pahuantopisopitanta aparisitëramaꞌ. Soꞌyamanta huino quëshiimaso camairamaꞌ. Naporamaꞌ.

Amós 5:11

Popriyaroꞌsa ihuatomaꞌ, naꞌcon naꞌcon trico maꞌparamaꞌ. Naporamaso marëꞌ paꞌpi noya pëiroꞌsa yaꞌhuëtapomarahuëꞌ, co inaquë yaꞌhuëapomahuëꞌ. Noyápiachin oparoroꞌsa yaꞌhuëtapomarahuëꞌ, co inaquëran huino nicatoma oꞌopomahuëꞌ.

Habacuc 3:14

Cahuarioquë paꞌpisopita sontaroꞌsasoꞌ, panca ihuan pochin saꞌahuaroꞌsa ahuëcaiso marëꞌ yaꞌcontopi: “Quiyacha tëhuënchinsoꞌ,” tëcatonaꞌ, poꞌoana quëran yaataꞌhuantopirinahuëꞌ, naporo quëmari huaꞌanën tëparan. Inaora shinërënënquë chachin inapotëran.

Juan 8:49

—Co sopai yaꞌcoancantërincohuëꞌ. Tatahuë noya nicato natërahuë. Canpitaso nipirinhuëꞌ nocanatomaco, pinoramaco.

Hechos 13:50

Cotioroꞌsaso nipirinhuëꞌ ninanoꞌ huaꞌanoꞌsaꞌ nontopi. Sanapiꞌsantaꞌ chiníquën nanantopisopita nontopi, Yosë chinotopisopita nininsoꞌ. “Paono co noya quëmapihuëꞌ. Pirnapintaꞌ co noyahuëꞌ. Co isëquë nohuantëraihuëꞌ,” toconpi. Napotatonaꞌ, aparisitahuatonaꞌ, aꞌpapi.

Hechos 17:6

co Paono yaꞌhuërinhuëꞌ. Co ina quënanatonahuëꞌ, Casono mapi. Aꞌnapita Quisoso imapisopitantaꞌ masahuatonaꞌ, ninano huaꞌanoꞌsaquë quëpapi. —Paono yaꞌipi parti paꞌsárin. Aꞌchintaton, notohuaroꞌ piyapiꞌsaꞌ anishacancantarin. Sirasëntaꞌ inachachin nisarin. Isëquëntaꞌ huëꞌpachinara,

Hechos 18:12

Ina quëran Cariono Acaya parti huaꞌanëntohuachina, cotioroꞌsari Paono noꞌhuitonaꞌ, niyontonpi. Ina masahuatonaꞌ, huaꞌanoꞌsataquë quëpapi anaꞌintacaiso marëꞌ.

Hechos 8:3

Saonoso nipirinhuëꞌ Quisoso imapisopita aparisitaton, pëinënaquë huarëꞌ yaꞌconaꞌpiarin. Quëmapiꞌsaꞌ masahuaton, ohuararahuaton, tashinan pëiquë poꞌmorin. Sanapiꞌsantaꞌ inaquë poꞌmorin.

1 Corintios 11:22

¿Coꞌna pëinëmaꞌ yaꞌhuëtërinquëmahuëꞌ inaquë coshatamasoꞌ, oꞌocamasoꞌ? ¿Onpoatontaꞌ corto pëiquë chachin pahuantërinsopita atapanaramaꞌ? ¿Maꞌtaꞌ ina marëꞌ ichinquëmaꞌ? Co ina marëꞌ noya niꞌnanquëmahuëꞌ.

Santiago 5:4

Piyapinëmapita nonpintëramaꞌ. Iminëmaquë asacatopiramahuëꞌ, co noꞌtëquën pahuërëtëramahuëꞌ. Inapitasoꞌ Yosëquë shaꞌhuirapirinënquëmaꞌ. Shanëmapita nitërinsoꞌ mapirinahuëꞌ, co pahuërëtëramahuëꞌ. Inapohuatamaꞌ, Yosë nitotarin. Inasoꞌ chini chiníquën nanantërin niꞌton, noꞌtëquën iꞌhuërëtarinquëmaꞌ.

Santiago 5:6

Paꞌpi co noyahuëꞌ cancantatomaꞌ, noya piyapiꞌsaꞌ nonpinapiramaꞌ. Chiníquën aparisitopiramahuëꞌ, inapitasoꞌ co nanitopihuëꞌ iꞌhuërëtinënquëmasoꞌ. Napoaton, Yosë chiníquën anaꞌintarinquëmaꞌ.