Santiago 2:4 - Chayahuita (Shahui)

⁴ ¿Coꞌta ina pochin nipatamaꞌ, co napopianachin nosororamahuëꞌ? Cancanënpoa quëran huarëꞌ Yosë niꞌsarinpoaꞌ nipirinhuëꞌ, co ina pochin yonquiramahuëꞌ. Co noyahuëꞌ yonquiramaꞌ.

Santiago 2:4 ပူးပေါင်းရင်းမြစ်များ

Malaquías 2:9

Napoatoma co natëramacohuëꞌ. Naporahuaton aꞌchinpatamantaꞌ, co yaꞌipi piyapiꞌsa napopináchin niꞌnamahuëꞌ. Ina marëꞌ ca nohuanton, naní quëran apinapiroꞌsa pochin nicatënënquëmaꞌ, nocanaponënquëmaꞌ. Ca Sinioroco yaꞌipi nanitapato napotaranquëmaꞌ,” itaantarin.

Lucas 18:6

Niꞌcoꞌ. Coisë co noyahuëꞌ niponahuëꞌ, napoin quëran quëyoron catahuarin.

Juan 7:24

Ama quënanamasoráchin yonquiatomaꞌ, shaꞌhuirapicosohuëꞌ. Yonquinënpoa quëran huarëꞌ Yosë niꞌsarinpoaꞌ. Ina nitotatomaꞌ, noꞌtëquën yonquicoꞌ, itërin Quisosori.

Santiago 3:17

Yosëso nipirinhuëꞌ, noꞌtëquën ayonquirinpoaꞌ. Ina catahuahuachinpoaꞌ, noyápiachin cancantarihuaꞌ. Co mantaꞌ noꞌhuitarihuahuëꞌ. Sanoanan quëran nontarihuaꞌ. Aꞌnapita pënënpachinpoaꞌ, noya natanarihuaꞌ. Piyapiꞌsaꞌ nosoroarihuaꞌ. Naporahuaton noyasáchin nisarëhuaꞌ. Co nisha nisha yonquiarihuahuëꞌ. Co nonpintarihuahuëꞌ. Yosëíchin catahuarinpoaꞌ ina pochin cancantacasoꞌ.

Santiago 4:11

Ama iyaroꞌsaꞌ nipinocosohuëꞌ. Ama coisë pochin cancantatomaꞌ, aꞌnapita noꞌhuicosohuëꞌ. Piꞌpisha tërantaꞌ nanan yaꞌhuëhuachin, ama apancatahuatomaꞌ, nishaꞌhuirapicosohuëꞌ. Quisocristo imaramaꞌ niꞌton, iyaparin pochachin ninosorocasoꞌ yaꞌhuërin. Pinopatamaꞌ, co nosoroaramahuëꞌ. Yosë pënënpirinpoahuëꞌ. “Yaꞌipi piyapiꞌsaꞌ nosorocoꞌ,” itopirinpoahuëꞌ, “Co nosorocasoꞌ yaꞌhuërinhuëꞌ,” taꞌtomaꞌ, pinoramaꞌ. Canpitaora yonquinëma quëran pinotatomaꞌ, co Yosë natëramahuëꞌ.