Santiago 2:25 - Chayahuita (Shahui)

²⁵ Inapochachin Nacapantaꞌ oshahuanaꞌpi niponahuëꞌ, Yosë yonquiaton, noya ninin. Cosoi aꞌparinsopita huëꞌpachinara, noya aꞌpairin ama inimicoroꞌsari tëpacaiso marëhuëꞌ. Ina quëran poꞌoana quëran catahuarin chaꞌëcasoꞌ. Ina marëꞌ Yosëri noya niꞌnin.

Santiago 2:25 ပူးပေါင်းရင်းမြစ်များ

Mateo 1:5

Sarëmon yasaꞌapachina, Nacapa manin. Huiꞌnin yaꞌhuëtohuachina, Pooso itopi. Poososoꞌ Rota macaton, huiꞌnahuanin. Opito itopi. Opitontaꞌ huiꞌnahuanpachina, Quisi itopi.

Mateo 21:31

Catoꞌ huiꞌnin chachin shaꞌhuitopirinhuëꞌ, ¿insoaritaꞌ natërinsoꞌ? itërin Quisosori. —Yaꞌnan camairinsoꞌ paꞌpin natëton, sacatërin, itopi. —Noꞌtëquën naporamaꞌ. Aꞌnasoꞌ “Paꞌi nipachin,” taponahuëꞌ, co paꞌninhuëꞌ. Inapochachin copirno marëꞌ coriqui maꞌpatonaꞌpiroꞌsaꞌ, monshihuanaꞌpiroꞌsaꞌ, inapita co noyahuëꞌ yonquipirinahuëꞌ, iporasoꞌ ina naniantahuatonaꞌ, Yosë imasapi. Imatonaꞌ, tëhuënchachin huaꞌanëntërinquë yaꞌconapi. Canpitaso nipirinhuëꞌ co yayaꞌconamahuëꞌ.

Hechos 17:7

Casonori pëinënquë ayaꞌconin niꞌton, inaquë yacapapi. Isopitantaꞌ imatonaꞌ, co huachi Noma copirno natëtonahuëꞌ, nisha imasapi. “Aꞌna copirno yaꞌhuarin. Inasoꞌ Quisoso,” toconpi, itopi.

Hebreos 11:31

Yaꞌipi yaꞌhuëhuanoꞌsaꞌ co Yosë yanatëpihuëꞌ niꞌton, chiminpi. Aꞌna sanapiáchin natëton, chaꞌërin. Oshahuanaꞌpi inasoꞌ, Nacapa itopisoꞌ. Inimico niponahuëꞌ, Israiro comisionënpita huëꞌpachinara, inari poꞌorin ama sontaroꞌsari tëpacaiso marëhuëꞌ.

Santiago 2:18

Aꞌnaquëmaꞌ tapomaꞌ nimara: “Quëmasoꞌ ‘Yosë imarahuë,’ taꞌton, chinotëran. Caso nipirinhuëꞌ noya ninahuë. Quëmasoꞌ Yosë chinotaponahuëꞌ, co noya nipatanhuëꞌ, topinan quëran nonsaran. Caso nipirinhuëꞌ, noya ninahuëso marëꞌ natërahuësoꞌ yaꞌnoarin,” tapomaꞌ.

Santiago 2:22

“Yosë noꞌtëquën nontërinco,” taꞌton, Apraani natërin. Natëton, noya noya imarin. Co topinan quëran chinotërinhuëꞌ. Yaꞌipi cancanën quëran huarëꞌ natëton, noya imarin.

Santiago 2:24

Co topinan quëran nonacasoꞌ yaꞌhuërinhuëꞌ, tënahuë. Yosë natëtëhuaꞌ, noya nipatëhuaꞌ, noya imarëhuaꞌ. Ina marëꞌ Yosë noya niꞌsarinpoaꞌ.

Josué 2:1

Israiroꞌsasoꞌ, Sitin itopisoꞌ roꞌtëquë yaꞌhuëantarapi. Ina quëran Cosoisoꞌ catoyaꞌpi nëhuëtacaiso marëꞌ aꞌparin. Coꞌhuara paꞌshátërasoihuëꞌ itapon: “Poꞌoana quëran Canaan parti paatoma niꞌcontacoꞌ. Inaquë paꞌsahuatoma Quirico ninano noya niꞌcoꞌ. Nani niꞌsahuatomaꞌ, shaꞌhuitiimaco,” itërin. Napotohuachina, paꞌpi. Paꞌsápatona Quirico ninanoquë canconpi. Inaquë aꞌnara monshihuantë sanapi yaꞌhuërin. Inasoꞌ, Nacapa itopi. Ina pëinënquë cansahuatonaꞌ, huëꞌëpatacaiso marëꞌ quëparitopi.

Josué 2:15

Ninano pairanënquë chachin Nacapasoꞌ, pëinën paquërin. Ina niꞌton, huintananëntaquëchin noninquë cato chachin chinohuararin. Ama insoari tëranta quënanacaso marëhuëꞌ naporin.

Josué 2:16

Coꞌhuara chinohuarayátërasohuëꞌ, pënënin: —Motopiroꞌsa parti paatoma cara tahuëri naꞌpicoꞌ. Ama sontaroꞌsa quënanainëmaso marëhuëꞌ inapocoꞌ. Nani inapita huënantahuachinaꞌ, naporo huarëꞌ yaꞌhuëaramaquë pacoꞌ, itërin. Napotohuachina inapitari itaponaꞌ: —Yoscoarëꞌ catahuaranquëma itëranquënsoꞌ, noꞌtëquën natëarai.

Josué 2:4

Napotopirinahuëꞌ, inariso coꞌhuara sontaroꞌsa huëꞌshátërasoihuëꞌ nani poꞌorin. Napoaton itapon: —Tëhuënchachin mini cato yaꞌpi niꞌquirinaco. Napoaponahuëꞌ, intohuaranso huëꞌpiso co nitotërahuëꞌ.

Josué 2:6

Pëinën aipi ananpërahuaton poꞌoaponahuëꞌ, naporin. Rino tonporoꞌsa aꞌhuintacaso marëꞌ acorinso huáncana poꞌorin.