Santiago 2:23 - Chayahuita (Shahui)

²³ Yosë quiricanënquë ninshitërin: “ ‘Yosë noꞌtëquën nontërinco,’ tëninso marëꞌ Yosëri noya niꞌnin,” tënin. “Inasoꞌ Yosërëꞌ nipayarin,” tënin antaꞌ. Noꞌtëquën naporin.

Santiago 2:23 ပူးပေါင်းရင်းမြစ်များ

Génesis 15:6

Naporinso natanahuaton: “Yosë noꞌtëquën nontërinco,” tënin Apran. Naporinso marëꞌ Siniorori nóya niꞌnin huachi.

Éxodo 33:11

Yosëso Moisësë yanontohuachina, inaora chachin nontërin. Nipayarëhuasoꞌ nontërëso pochin ninin. Nani ninontohuachinara, Moisësëso yaꞌhuëpiquë huëantarin. Piyapinën Cosoi itopisoso nipirinhuëꞌ, co onporonta ina quëran pipichininhuëꞌ. Cosoisoꞌ, Non huiꞌnin. Naporoꞌ inasoꞌ, co saꞌayátërarinhuëꞌ.

Isaías 41:8

Piyapinënpitanpoaso napoaponahuëꞌ Sinioro chachin achinicancaninpoaꞌ: “Natanco israiroꞌsanquëmaꞌ: Canpitasoꞌ piyapinëhuë Cacopo itopisoꞌ shinpitanquëmaꞌ. Amiconëhuë Apraan itopisonta shimashonëmaꞌ.

Marcos 12:10

Iráca Yosë nohuanton, ninorin. Quiricanënquë ninshitërinsoꞌ ¿co nontëramahuëꞌ ti? Ninshitaton, naporin: ‘Naꞌpi quëran yapëihuachina, aꞌna naꞌpi yaꞌhuëpirinhuëꞌ, sacatoroꞌsari co nohuantopihuëꞌ. “Napoonin,” taꞌtonaꞌ, tëꞌyatopirinahuëꞌ. Huaꞌanëni maantarahuaton: Iso naꞌpi mini naꞌcon naꞌcon nohuantërahuë pëicaꞌhuaso marëꞌ, taꞌton, noya acoantarin.

Marcos 15:27

Quisoso pirayan catoꞌ apiroꞌsantaꞌ patanantopi. Aꞌnaraꞌ inchinan quëran, aꞌnantaꞌ ahuënan quëran acopi. [

Lucas 4:21

—Tëhuënchachin iyaroꞌsaꞌ iráca Isaiasë ninorincoso chachin, Yosë aꞌpaimarinco nichaꞌëcaꞌhuanquëmaso marëꞌ, itërin Quisosori.

Hechos 1:16

“Shonca catoyaꞌpicoi iyaroꞌsaꞌ Quisoso nani acorincoi aꞌnapita aꞌchintaꞌhuaiso marëꞌ. Cotasëntaꞌ acorin niꞌton, quiyapitarëꞌ Quisoso caꞌtanpirinhuëꞌ, inimiconënpitari yamapachina, shaꞌhuirapirin. Aꞌnotonpachina, mapi. Iráca Ispirito Santo nohuanton, Cotasë napocasoꞌ ninorin. Tapiri ninoton, Yosë quiricanënquë ninshitërin. Iráca ninorinso chachin naporin.

Romanos 11:2

Inapitasoꞌ, iráca Yosëri huayonahuaton acorin piyapinënpita nicacaiso marëꞌ. Co aꞌporinhuëꞌ. Iráca Iniasë naporinsoꞌ Yosë quiricanënquë ninshitopisoꞌ nitotëramaꞌ. Inariso pënënpirinhuëꞌ, israiroꞌsari noꞌhuipi. Napoaton Yosë nontohuachina, inapita shaꞌhuirapirin.

Romanos 9:17

Iráca Iquipito copirnosoꞌ co noyahuëꞌ cancantopirinhuëꞌ, Yosëri huayonin huaꞌanëntacaso marëꞌ. “Piyapinëhuëpita huaꞌanëntopiranhuëꞌ, nichaꞌësarahuë noya pipicaiso marëꞌ. Ina quëran naꞌa piyapiꞌsaꞌ nicatonaꞌ, ‘Ma noyacha Yosësoꞌ nanitaparin paya. Copirno co nohuantopirinhuëꞌ, piyapinënpita nichaꞌërin,’ tosapi,” tënin. Quiricanën quëran shaꞌhuitërinpoaꞌ.

Gálatas 3:22

Nipirinhuëꞌ, co insontaꞌ nanitërinhuëꞌ noꞌtëquën natëcasoꞌ. Yaꞌipinpoaꞌ oshahuanëhuaꞌ. Ina marëꞌ anaꞌintinpoasoꞌ yaꞌhuërin, tënin Yosë quiricanën quëran. Napoaton Quisocristoráchin nanitaparin anoyacancantinpoasoꞌ. Inasáchin imapatëhuaꞌ, Yosë noya niꞌsarinpoaꞌ.

Gálatas 3:6

Isontaꞌ yonquicoꞌ: iráca Apraan Yosë natërin. “Noꞌtëquën nontërinco. Sacaiꞌ nininsontaꞌ nanitaparin,” topachina, Yosëri noya niꞌnin.

2 Timoteo 3:16

Yaꞌipi Yosë quiricanënsoꞌ nóya. Yonquirinso chachin Yosëri aninshitërin. Quiricanën quëran aꞌchintërinpoaꞌ. Pënëninpoaꞌ co noyahuëꞌ ninëhuasopita naniantacaso marëꞌ, nóya ayonquirinpoaꞌ. Anitotërinpoaꞌ noꞌtëquën Yosë natëcasoꞌ.

Santiago 2:24

Co topinan quëran nonacasoꞌ yaꞌhuërinhuëꞌ, tënahuë. Yosë natëtëhuaꞌ, noya nipatëhuaꞌ, noya imarëhuaꞌ. Ina marëꞌ Yosë noya niꞌsarinpoaꞌ.

1 Pedro 2:6

Quiricanën quëran ina ninorin: “Yapëihuachinara, noya noya naꞌpi nohuantopi pëiꞌ achinicaso marëꞌ. Cristo ina naꞌpi pochin nisarin. Sionquë acoarahuë. Ina natëhuatamaꞌ, ‘Co naniantarinpoahuëꞌ,’ taꞌtomaꞌ, co sëtërëso pochin cancantaramahuëꞌ,” tënin Yosë quiricanënquë.