Santiago 2:19 - Chayahuita (Shahui)

¹⁹ “Aꞌnaíchin Yosë yaꞌhuërin,” ¿tënan ti? Noꞌtëquën nonan. “Yosë yaꞌhuarin mini,” topi sopairoꞌsantaꞌ. Ina nitotopi niꞌton, tëꞌhuatatonaꞌ, ropa ropatapi. Napoaponaraihuëꞌ, co Yosë imapihuëꞌ. Co napopiso marëꞌ Yosëꞌpaꞌ paꞌsapihuëꞌ.

Santiago 2:19 ပူးပေါင်းရင်းမြစ်များ

Isaías 43:10

Israiroꞌsanquëmaso nipirinhuëꞌ, nani niꞌnamaco. Piyapinëhuëpita nicacamaso marëꞌ huayonatënquëma acoranquëmaꞌ. Nohuitatomaco chinotamacoso marëꞌ acoranquëmaꞌ. Maꞌninsoꞌ ninahuësontaꞌ, nitotamaso marëꞌ acoranquëmaꞌ. Coꞌhuara ca yaꞌhuëyátërasocohuëꞌ, co aꞌna yosë yaꞌhuërinhuëꞌ. Ca piquërantaꞌ co aꞌna yaꞌhuëaponhuëꞌ.

Isaías 44:6

Siniorosoꞌ yaꞌipi nanitaparin. Inasoꞌ, israiroꞌsa nichaꞌësahuaton huaꞌanëntërin. Ina nontatënquëma naporin: “Coꞌhuara isoroꞌpaꞌ yaꞌhuëyátërasohuëꞌ, caꞌton yaꞌhuërahuë. Nani maꞌsha yaꞌhuërinsopita taꞌhuantopiriontaꞌ, caso yaꞌhuëápo. Casáchin Yosëco.

Isaías 44:8

Ama tëꞌhuacosohuëꞌ, chiníquën cancantocoꞌ. Coꞌta cari iráca quëran huarëꞌ maꞌsona onpoamasoꞌ nani shaꞌhuitëranquëmaꞌ. Canpitaso nani natanamaco. Casáchin Yosëco. Co aꞌna yosë ca pochin paꞌpoyatonaꞌpi yaꞌhuërinhuëꞌ,” tënin.

Isaías 45:6

Yaꞌipiya quëran nitotacaiso marëꞌ catahuararanquën. Piꞌi pipirinso parti yaꞌhuëpisopita, piꞌi yaꞌconinso parti yaꞌhuëpisopita, inapitanta nitochinaꞌ. Casáchin Sinioroco niꞌton, co aꞌna yaꞌhuërinsohuëꞌ, nitochinaꞌ.

Isaías 46:9

Iráca quëran huarëꞌ nani maꞌsha onpopisoꞌ yonquicoꞌ. Casáchin Yosëco. ¡Co aꞌna ca pochin yaꞌhuërinhuëꞌ! Caso Yosëco. ¡Co insonta aꞌna ca pochin yaꞌhuërinhuëꞌ!

Jonás 4:9

Yosëriso napoaponahuëꞌ: —Nonirintë ahuirinso marëꞌ ¡co inapochin noꞌhuitacaso yaꞌhuërinhuëꞌ! itërin. —Noya mini tënahuë casoꞌ. Chiminchináchin noꞌhuitërahuë, itërin Conasëri.

Mateo 8:29

Quisoso quënanahuatonaꞌ, chiníquën nontapi. —Nohuitërainquën Sinioro. ¿Maꞌtaꞌ onpotaponcoi? Quëmasoꞌ Yosë huiꞌninquën niꞌton, coꞌhuara ayaroꞌ tahuëri naniyatërasohuëꞌ, ¿aparisitarancoi ti? itopi.

Marcos 1:24

—¡Tananpitocoi! Quëmasoꞌ Quisosonquën, Nasaritoquë yaꞌhuëran. Nohuitërainquën. Yosë quëran oꞌmaton noya ninan. ¿Maꞌtaꞌ quëma onpotaponcoi? ¿Ataꞌhuantaponcoi ti? itërin.

Marcos 12:29

—Inta nipachin iyasha aꞌchinchinquën. Yosë quiricanën quëran chachin shaꞌhuitërinpoaꞌ. “Yaꞌipi israiroꞌsanquëmaꞌ, natancoꞌ. Yosëíchin huaꞌanëntërinpoaꞌ. Inasáchin natërëhuasoꞌ.

Marcos 5:7

Napohuachina, Quisosori nosoroaton, aꞌnaroáchin sopai nontërin. —¡Iso quëmapi quëran pipico huachi! itërin. Ina natanahuaton, sopairi chiníquën aꞌpanirin. —¿Maꞌtaꞌ yaonpotarancoi? Quëmasoꞌ Quisosonquën, Yosë huiꞌninquën niꞌton, chini chiníquën nanantëran. Yosë marëꞌ ama apira aparisitocoisohuëꞌ, itërin.

Marcos 7:9

Naquëranchin itantarin: —Tehuënchachin Yosë pënëntërinsoꞌ aꞌporamaꞌ shimashonëmaꞌ napopisoꞌ natëcamaso marëꞌ.

Lucas 4:34

—¡Tananpitocoi! ¿Maꞌtaꞌ onpotaponcoi? ¿Ataꞌhuantaponcoi ti? Nohuitërainquën. Quëmasoꞌ Quisosonquën, Nasaritoquë yaꞌhuëran. Yosë quëran oꞌmaton, noya noya ninan, itërin.

Juan 17:3

Quëmasáchin Yosënquën. Isoroꞌpaquë aꞌpaimaranco. Piyapiꞌsaꞌ nohuitahuatënënquën, cantaꞌ nohuitohuachinaco, nanpimiatapi.

Hechos 16:17

Nanonsoꞌ quënanahuatoncoi, imaquiarincoi. Imaritoncoi, chiníquën nonsarin yaꞌipi piyapiꞌsaꞌ natanacaiso marëꞌ. —Isopita quëmapiꞌsasoꞌ Yosë piyapinënpita. Yosë chini chiníquën nanantërinsoꞌ nohuitatonaꞌ, natëpi. Aꞌchintarinënquëmaꞌ canpitantaꞌ nitotatomaꞌ chaꞌëcamaso marëꞌ, itë́riarin.

Hechos 19:15

sopairi aꞌpanirin: “Quisoso nohuitërahuë. Paonontaꞌ nohuitërahuëꞌ. Canpitaso napoaponahuëꞌ, co nohuitëranquëmahuëꞌ,” itërin.

Hechos 24:25

Yosë shaꞌhuitërinpoaꞌ noya cancantacaso marëꞌ. Ina catahuarinpoaꞌ co noyahuëꞌ yonquirëhuasopita naniantacasoꞌ. Aꞌna tahuëri coisë pochin nicaton, yaꞌipi piyapiꞌsaꞌ natanarin. Co noyahuëꞌ nipisopita anaꞌintarin,” tënin Paono. Napotohuachina, huaꞌan paꞌpi paꞌyanin. —Nani huachi. Iporasoꞌ paquëꞌ. Aꞌna tahuëri yanontaantahuatënquën, amataantaranquën, itërin.

Romanos 3:30

Aꞌnaíchin Yosë yaꞌhuërin. Yaꞌipinpoaꞌ napopianachin nosororinpoaꞌ. Cotioroꞌsantaꞌ, nisha piyapiꞌsantaꞌ, Quisocristo imapachinaꞌ, anoyacancantarin.

1 Corintios 8:4

Nosha mamanshi chinotacaiso marëꞌ acopisoꞌ aꞌchinchinquëmaꞌ nitotocoꞌ. Co mamanshi nanpirinhuëꞌ. Co ina chinotacasoꞌ yaꞌhuërinhuëꞌ. Tata Yosëíchin chinotacasoꞌ yaꞌhuërin, tënëhuaꞌ.

1 Corintios 8:6

Canpoaso nipirinhuëꞌ Tata Yosëíchin chinotërëhuaꞌ. Yaꞌipi maꞌsha ninin. Ina marëꞌ acorinpoaꞌ. Quisocristoíchin huaꞌanëntërinpoaꞌ. Ina nininpoaꞌ. Nani nichaꞌërinpoaꞌ ina nohuitatëhuaꞌ nanpicaso marëꞌ.

Gálatas 3:20

Nipirinhuëꞌ, Apraan nontohuachina, co anquëni aꞌpaimarinhuëꞌ. Co piyapi tërantaꞌ aꞌparinhuëꞌ shaꞌhuitacaso marëꞌ. Inaora chachin noꞌtëquën shaꞌhuitërin.

Deuteronomio 6:4

Iporasoꞌ, yaꞌipi israiroꞌsanquëma natancoꞌ. Yosëíchin huaꞌanëntërinpoaꞌ. Inasáchin natërëhuaꞌ. Inasoꞌ Sinioro niꞌton, ina naꞌcon naꞌcon nosorocaso yaꞌhuërin. Yaꞌipi cancanëma quëran, huaꞌyanëma quëran, chinirama quëran, yaꞌipi inaquëranpita nosoromiatocoꞌ.

1 Timoteo 2:5

Yosëíchin chinotacasoꞌ yaꞌhuërin. Oshahuanëhuaꞌ niꞌton, inimicotopirëhuahuëꞌ, Quisocristo nanan anoyatërinpoaꞌ. Inasáchin Yosë anohuitërinpoaꞌ. Inasoꞌ Yosë niponahuëꞌ, piyapi chachin nasitimarin.

Santiago 2:8

Yosë quiricanën quëran noya noya pënëninpoaꞌ. “Quëmaora ninosororanso pochachin aꞌnapitantaꞌ nosorocoꞌ,” itërinpoaꞌ. Yaꞌipi piyapiꞌsaꞌ nosorohuatamaꞌ, noya nisaramaꞌ.

Judas 1:4

Tëhuënchachin aꞌnaquënsoꞌ nonpin nanan aꞌchintarinënquëmaꞌ. Paꞌpi co noyahuëꞌ inapitasoꞌ. “Quiyantaꞌ imarai,” taponaraihuëꞌ, co noꞌtëquën aꞌchinpihuëꞌ. “Maꞌsona nohuantërëhuaso niahuaꞌ. Yosë nosororinpoaꞌ niꞌton, co anaꞌintarinpoahuëꞌ,” taꞌtonaꞌ, paꞌpi co noyahuëꞌ nipi. Noꞌpipi, monshihuanpi, aꞌnaratipita nipi. Naporahuatonaꞌ, co tëhuënchachin Quisocristo imapihuëꞌ, inasáchin natëcaso nipirinhuëꞌ. Ina marëꞌ Yosëri chiníquën anaꞌintarin. Iráca quëra huarëꞌ nani yonquirin anaꞌintacasoꞌ. Napoaton niꞌcona canpitantaꞌ nonpintochinënquëmaꞌ. Chiníquën cancantatomaꞌ, noꞌtëquën aꞌchincoꞌ.

Judas 1:6

Anquëniroꞌsantaꞌ yaꞌnan nipon, yaꞌipiya noya yonquipirinahuëꞌ. Ina quëran aꞌnaquën nisha cancantatonaꞌ, co huachi Yosë yanatëpihuëꞌ. “Quiyantaꞌ nóyacoi niꞌtoi, natëinacoisoꞌ yaꞌhuërin,” topiso marëꞌ, co huachi Yosëꞌpaꞌ yaꞌhuëpihuëꞌ. Nani Yosëri yonquirin chiníquën anaꞌintacasoꞌ. Tashinanquë tonpopinan yaꞌhuapi. Ayaroꞌ tahuëri parisitopiquë aꞌpararin. Co onporontaꞌ chaꞌësapihuëꞌ.

Apocalipsis 20:10

Ina quëran sopai anaꞌintomiatarin. Huaꞌquiꞌ piyapiꞌsaꞌ nonpintërin niꞌton, Yosëri anaꞌintarin. Panca sono shaꞌpimoꞌshirë chachin pën orotërinquë tëꞌyatarin. Co onporontaꞌ pipiarinhuëꞌ. Inaquë maꞌsha paꞌpi tëꞌhuatoroꞌ nininsontaꞌ parisitarin. Nonpin nanan pënëntonaꞌpintaꞌ inaquë chachin parisitarin. Tahuërirë chachin, tashirë chachin chiníquën parisitapi. Co onporontaꞌ sanoarinhuëꞌ. Co onporontaꞌ pipiapihuëꞌ.