Santiago 2:17 - Chayahuita (Shahui)

¹⁷ Inapochachin “Cantaꞌ Yosë natërahuë,” tapomarahuëꞌ, co piyapiꞌsaꞌ catahuahuatamahuëꞌ, topinan quëran nonsaramaꞌ. Co tëhuënchachin imaramahuëꞌ.

Santiago 2:17 ပူးပေါင်းရင်းမြစ်များ

1 Corintios 13:13

Cancanënpoa quëran huarëꞌ Yosë natëcasoꞌ yaꞌhuërin. “Co onporontaꞌ nonpintarinpoahuëꞌ,” taꞌtëhuaꞌ, inasáchin ninacasoꞌ yaꞌhuërin. Ninosorocasontaꞌ yaꞌhuërin. Yosësoꞌ naꞌcon naꞌcon nohuantërin ninosorocasoꞌ.

1 Corintios 13:3

Yaꞌipi maꞌshanënpoaꞌ saꞌahuaroꞌsaꞌ quëtopirëhuahuëꞌ, co tëhuënchachin nosorohuatëhuahuëꞌ, topinan quëran quëtarihuaꞌ. “Pën quëran yatëpapirinacohuëntaꞌ, imamiatarahuë,” tarihuarahuëꞌ, co piyapiꞌsaꞌ nosorohuatëhuahuëꞌ, co mantaꞌ Yosëꞌpaꞌ canarihuahuëꞌ.

Gálatas 5:6

Quisocristo imapatëhuaꞌ, co marca yonquiarihuahuëꞌ. Aꞌnaquënsoꞌ nani niacotopi. Aꞌnaquënso nipirinhuëꞌ co niacotopihuëꞌ. Co ina yonquicasoꞌ yaꞌhuërinhuëꞌ. Cancanënpoa quëran huarëꞌ imacasoꞌ yaꞌhuërin. “Quisocristo catahuarinpoaꞌ. Co nonpintarinpoahuëꞌ,” taꞌtëhuaꞌ, yaꞌipi cancanënpoa quëran natëahuaꞌ. Ina natëhuatëhuaꞌ, catahuarinpoaꞌ nóya ninosorocasoꞌ. Ina pochin cancantohuatëhuaꞌ, Yosë noya niꞌsarinpoaꞌ.

1 Timoteo 1:5

Noꞌtën nanansáchin imapatëhuaꞌ, catahuarinpoaꞌ noya ninosorocasoꞌ. Noyápiachin cancantohuatëhuaꞌ, co nisha nisha yonquiarihuahuëꞌ. Ina quëran cancanënpoa quëran huarëꞌ natëarihuaꞌ. Ina pochin cancantohuatëhuaꞌ, noya nosoroarihuaꞌ. Ina Yosësoꞌ nohuantërin.

Santiago 2:14

“Cantaꞌ Yosë imarahuë,” tapomarahuëꞌ, co noyahuëꞌ nipatamaꞌ, topinan quëran nonsaramaꞌ. Ina pochin cancantohuatamaꞌ, co chaꞌësaramahuëꞌ.

Santiago 2:26

Huaꞌyanënpoꞌ capa nipachina, co nanpirëhuëꞌ. Inapochachin topinan quëran nonpatëhuaꞌ, co noya cancantohuatëhuahuëꞌ, co Yosë natërëhuahuëꞌ. Chimipi pochin cancantatëhuaꞌ, co tëhuënchachin imarëhuahuëꞌ.