Santiago 2:16 - Chayahuita (Shahui)

¹⁶ Co catahuarihuarahuëꞌ: “Noya yaꞌhuëquëꞌ. Ama sëhuënquësohuëꞌ. Ama tana natanquësohuëꞌ,” itapomarahuëꞌ, co aꞌmocaisoꞌ, cosharoꞌ, inapita quëtohuatëhuahuëꞌ, ¡topinan quëran napotarihuaꞌ!

Santiago 2:16 ပူးပေါင်းရင်းမြစ်များ

Mateo 15:32

Ina quëran caꞌtanoꞌsanënpita përasahuaton, itapon: —Piyapiꞌsaꞌ nosororahuë. Nani cara tahuëri pochin natanarinaco niꞌton, co huachi mantaꞌ cosharoꞌ yaꞌhuëtopihuëꞌ capacaisoꞌ. Co topinan yaaꞌparahuëꞌ, tanari canahuachinaꞌ, itërin.

Mateo 25:35

Canpitasoꞌ noya nosororamaco. Tanahuatëra, aꞌcaramaco. Yamorohuatëra, oꞌshitëramaco. Yaꞌhuëramataquëchi naꞌhuëpatëra, noya nontëramaco. Pëinëmaquë chachin ayaꞌconamaco.

Mateo 25:36

Capa aꞌmocaꞌhuasoꞌ nipachina, quëtëramaco. Caniohuatërantaꞌ, huëcatomaꞌ, nosoroquiramaco. Tashinan pëiquë yaꞌhuasocontaꞌ, niꞌquiramaco. Napoaton huëco huachi, noya yaꞌhuaꞌahuaꞌ,’ itarahuë.

Marcos 5:34

—Natëranco niꞌton, nani imoya, anoyatëranquën. Nani noyatëran niꞌton, noya paquë huachi, itërin.

Romanos 12:9

Yaꞌipi piyapiꞌsaꞌ nosorocoꞌ. Cancanëma quëran huarëꞌ nosorocoꞌ. Co noyahuëꞌ ninamasopita aꞌpocoꞌ. Noyasáchin nicoꞌ.

2 Corintios 8:8

Co camairanquëmahuëꞌ. Aꞌnapita naꞌcon Yosë marëꞌ acopisoꞌ shaꞌhuitëranquëmaꞌ yonquicamaso marëꞌ. Tëhuënchachin aꞌnapita nosorohuatamaꞌ, ama topinan quëran nontocosohuëꞌ. Catahuacoꞌ ama pahuanchinasohuëꞌ.