Santiago 2:13 - Chayahuita (Shahui)

¹³ Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.

Santiago 2:13 ပူးပေါင်းရင်းမြစ်များ

Génesis 42:21

Napoaponahuëꞌ, inahua capini ninontopi: —Tëhuënchachin canpoasoꞌ iráca paꞌpi co noyahuëꞌ ninëhuaꞌ. Iyaꞌhua maꞌsha onpotohuatëhuara, nosorochináchin nontopirinpoahuëꞌ, co nosororëhuahuëꞌ. Co napion ancantërinso nicarihuarahuëꞌ, co tahuërëtërëhuahuëꞌ. Napoaton iporasoꞌ canpoantaꞌ, poꞌsarëhua huachi, nitopi.

Jeremías 9:24

Insonquëma tërantaꞌ, ‘Ma noyacha caso ninahuë paya,’ yatopatamaꞌ, Sinioroco ninahuësoꞌ nitotatoma nohuitohuatamaco tëhuënchinsoꞌ, noꞌtën chachin napoaramaꞌ. Casáchin yaꞌipiroꞌpaꞌ huaꞌanëntato nosororanquëmaꞌ. Co noyahuëꞌ nipatamaꞌ noꞌtëquën anaꞌintaranquëmaꞌ. Noya nipatamasoꞌ noya niꞌsaranquëmaꞌ. Cá pochin cancantopisopita paꞌyatarahuë. Ca Sinioroco shaꞌhuitaranquëmaꞌ,” tënin.

Ezequiel 33:11

Napopiramahuëꞌ, caso Sinioroco niꞌton, noꞌtëquën shaꞌhuitaranquëmaꞌ. Co caso nohuantërahuë co noyahuëꞌ nipisopita chiminacaisoꞌ. Co noyahuëꞌ nipiso aꞌporahuatona nanpicaisoꞌ nohuantërahuë. Israiroꞌsanquëmaꞌ, co noyahuëꞌ ninamasopita aꞌpocoꞌ. Ama chiminacamaso nohuantocosohuëꞌ,’ tënin Sinioro, itëquëꞌ,” itërinco.

Miqueas 7:18

Siniorosoꞌ noya niꞌton, ina nontato: “¡Quëmaíchin Yosënquën. Co aꞌna quëma pochin yaꞌhuërinhuëꞌ! Piyapiꞌsa co noyahuëꞌ nipirinahuëꞌ, oshanëna marëꞌ sëtatona nontërinën niꞌton, nichaꞌëran. Caraya israiroꞌsacoi quëparitëraisopita, co natantochináchinhuëꞌ cancantatoi tëhuëtërainquën. Inapopiraihuëꞌ nontërainquën niꞌton, tëhuëtërainquënsoꞌ naniantëran. Noꞌhuípiro nipiraihuëꞌ nosororancoi niꞌton, noꞌhuitëransoꞌ asanoran. Inapoaton catahuantarancoi.

Mateo 5:7

Aꞌnapita nosorohuatamaꞌ, Yosë nosoroarinquëmaꞌ canpitantaꞌ. Noya cancantaramaꞌ.

Mateo 6:15

Co nanan anoyatohuatamahuëꞌ, Yosëntaꞌ co oshanëmaꞌ inquitarinquëmahuëꞌ,” itërin Quisosori.

Lucas 16:25

‘Coꞌchi nanitërahuë paya. Niꞌquëꞌ. Quëmasoꞌ nanpipon, nani maꞌsha yaꞌhuëtopirinquënhuëꞌ, inasáchin yonquiran niꞌton, iporasoꞌ parisitáran. Nasaroso nipirinhuëꞌ nanpipon, parisitápirinhuëꞌ, iporasoꞌ noya yaꞌhuarin huachi.

Lucas 6:37

Ina quëran itaantarin: “Ama iyaroꞌsaꞌ aꞌnapita nocancosohuëꞌ. ‘Casoꞌ noya piyapico. Pasoꞌ piyapi co noyahuëꞌ niꞌton, anaꞌintacasoꞌ yaꞌhuërin,’ topi aꞌnaquën. Ama ina pochin noncosohuëꞌ, Yosë anaꞌintochinquëmaꞌ. Aꞌnapita pinotomaꞌ shaꞌhuirapihuatamaꞌ, Yosëntaꞌ inapochachin shaꞌhuirapitënquëmaꞌ, anaꞌintarinquëmaꞌ. Aꞌnapita maꞌsha onpotohuachinquëmaꞌ, nanan anoyatocoꞌ. Canpitantaꞌ oshanëmaꞌ Yosë inquichinquëmaꞌ.

Santiago 3:17

Yosëso nipirinhuëꞌ, noꞌtëquën ayonquirinpoaꞌ. Ina catahuahuachinpoaꞌ, noyápiachin cancantarihuaꞌ. Co mantaꞌ noꞌhuitarihuahuëꞌ. Sanoanan quëran nontarihuaꞌ. Aꞌnapita pënënpachinpoaꞌ, noya natanarihuaꞌ. Piyapiꞌsaꞌ nosoroarihuaꞌ. Naporahuaton noyasáchin nisarëhuaꞌ. Co nisha nisha yonquiarihuahuëꞌ. Co nonpintarihuahuëꞌ. Yosëíchin catahuarinpoaꞌ ina pochin cancantacasoꞌ.

Santiago 5:4

Piyapinëmapita nonpintëramaꞌ. Iminëmaquë asacatopiramahuëꞌ, co noꞌtëquën pahuërëtëramahuëꞌ. Inapitasoꞌ Yosëquë shaꞌhuirapirinënquëmaꞌ. Shanëmapita nitërinsoꞌ mapirinahuëꞌ, co pahuërëtëramahuëꞌ. Inapohuatamaꞌ, Yosë nitotarin. Inasoꞌ chini chiníquën nanantërin niꞌton, noꞌtëquën iꞌhuërëtarinquëmaꞌ.

Jueces 5:27

Cairi nantën pirayan Sisarasoꞌ, nianapitarin. Iquitaton naporarin quëran chiminin huachi.