Santiago 1:7 - Chayahuita (Shahui)

⁷ Nisha nisha yonquiatomaꞌ, nontohuatamaꞌ, co Yosë aꞌpaniarinquëmahuëꞌ, co catahuarinquëmahuëꞌ.

Santiago 1:7 ပူးပေါင်းရင်းမြစ်များ

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Isaías 1:15

Nontamacoso marëꞌ anquihuatamara, co manta yaniꞌnanquëmahuëꞌ. Naꞌaro nontopiramacohuëꞌ, co natanaranquëmahuëꞌ. Naꞌcon tëpatërama niꞌton, huënaiꞌ imirasáchin pochin niꞌnanquëmaꞌ.

Santiago 1:6

“Yosë noya catahuarinco. Natëmiatarahuë,” taꞌtëhuaꞌ, Yosë nontahuaꞌ. Ama nisha nisha yonquiaꞌahuasohuëꞌ. “Co catahuarincohuëꞌ nimara,” ama tahuasohuëꞌ. Niꞌcoꞌ. Coꞌsacaiꞌ co sanoirinhuëꞌ. Pancaiquë ihuaitohuachina, niquëran niquëran niohuërërin. Aꞌnaquën piyapiꞌsaꞌ ina pochin yonquionpi. Nisha nisha yonquipi.

Santiago 1:8

Co yaꞌipi cancanëma quëran huarëꞌ imapatamahuëꞌ, co noꞌtëquën yonquiaramahuëꞌ. Catoꞌ cancan pochin yaꞌhuëtohuachinquëmaꞌ, nisha nisha yonquiaramaꞌ.

Santiago 4:3

Aꞌnaquëmaꞌ Yosë nontohuatamara, maꞌsha nipiramahuëꞌ, co quëtërinquëmahuëꞌ. Canpitaora nipaꞌyatacamaso marëꞌ maꞌsha nohuantëramaꞌ niꞌton, co quëtërinquëmahuëꞌ.