Santiago 1:26 - Chayahuita (Shahui)

²⁶ “Cantaꞌ noya Yosë imarahuë,” topi aꞌnaquën. Nipirinhuëꞌ, nisha nisha nonin. Co noyahuëꞌ nonpachina, topinan quëran nonsarin, inaora ninonpintarin. Co tëhuënchachin imarinhuëꞌ.

Santiago 1:26 ပူးပေါင်းရင်းမြစ်များ

Salmos 32:9

Inapotohuatënquën, quëmasoꞌ natëco. Ama cahuario, mora, inapita pochin cancantëquësohuëꞌ. Inapitasoꞌ noninquë aꞌsonconotahuatëꞌ, huaꞌnanan acatëntërëꞌ. Inapotohuatëra, noya natëtopi huachi. Coꞌsoꞌ inapotohuatërahuëꞌ, co onporonta yaꞌyoraninpohuëꞌ,” tënin.

Proverbios 15:2

Yonquinahuanoꞌsa nonpachinara, natanpisopitasoꞌ yonquínahuan nicaponaꞌ. Co yonquinahuanoꞌsahuëꞌ nonpachinara, anishacancantapi.

Isaías 1:13

Co noyahuëꞌ nisápomarahuëꞌ, maꞌsha tëpatoma chinotamacoso marëꞌ yáquënamaꞌ. Inapita quënamasoꞌ, co manta paꞌtërinhuë pochin niꞌnahuëꞌ. Inapita aꞌpëhuatamara conainën pantarinsoꞌ, co huachi ahuantërahuëꞌ. Nani sahuato, nani yoquiaꞌhuaraiquë, niyontonatoma chinotëramaco. Co noyahuëꞌ cancantërama niꞌton, niyontonpiramahuëꞌ amiranquëmaꞌ. Amitënquëmaꞌ, co huachi ahuantëranquëmahuëꞌ.

Isaías 44:20

Napoatonaꞌ, inapitaso huariano caꞌpiso pochin nisapi. Nonpi nanan imatona napopi. Inapitasoꞌ co onporonta chaꞌësapihuëꞌ. Co nanitapihuëꞌ: “Iso mamanshisoꞌ, topinan quëran mosharahuë,” taꞌcaisoꞌ.

Malaquías 3:14

Naporamaꞌ: ‘Topinan quëran Yosë imarai. Noya natëpiraihuëꞌ, co manta canaraihuëꞌ. Co noyahuëꞌ ninëhuaso aꞌpocaso marëꞌ Yosë chinotohuatëhuara, sëtohuachinara aꞌmopiso aꞌmorëhuaꞌ. Ina pochin aꞌmotëhua canpoantaꞌ, Yosë chinotopirëhuahuëꞌ, topinan quëran napoarëhuaꞌ.

Mateo 15:9

‘Yosë pënëntërinsoꞌ aꞌchinarai,’ topirinahuëꞌ, inahuara yonquinëna quëran aꞌchinpi. Napoaton topinan quëran chinotërinaco,” tënin Yosë. Iráca Isaiasë ninshitaton naporin, itërin Quisosori.

Marcos 7:7

‘Yosë pënëntërinsoꞌ aꞌchinarai,’ topirinahuëꞌ, inahuara yonquipisoꞌ niaꞌchintapi. Napoaton topinan quëran chinotërinaco,” tënin Yosë. Iráca Isaiasë ninshitaton, naporin.

Lucas 8:18

Napoaton noya natancoꞌ. Noya natëhuatamaꞌ, naꞌcon naꞌcon nitotarama. Aꞌnaquënso nipirinhuëꞌ, ‘Nani nitotërahuë,’ topirinahuëꞌ, co yanatëpihuëꞌ niꞌton, piꞌpian tërantaꞌ nitotopisoꞌ Yosëri ananiantarin,” itërin.

1 Corintios 15:15

Co nanpiantarinhuëꞌ naporini, nani nonpinchitënquëmahuëꞌ. Nipirinhuëꞌ, co iyaroꞌsaꞌ nonpin nanan aꞌchintërainquëmahuëꞌ. “Yosëri chachin ananpitaantarin,” itohuatëinquëmara, noꞌtëquën nontërainquëmaꞌ.

1 Corintios 15:2

Ina natëmiatohuatamaꞌ, Yosë nichaꞌësarinquëmaꞌ. Aꞌnaquënso nipirinhuëꞌ: “Imarahuë,” taponaraihuëꞌ, topinan quëran napopi. Co cancanëna quëran natëpihuëꞌ. Inapitasoꞌ co nichaꞌësarinhuëꞌ.

1 Corintios 3:18

Ama inquëma tërantaꞌ isoroꞌparáchin yonquiatomaꞌ, ninonpintocosohuëꞌ. “Caora noya noya nitotërahuë,” co taꞌcasoꞌ yaꞌhuërinhuëꞌ. Ama ina pochin yonquicosohuëꞌ. “Caora co noꞌtëquën yonquirahuëꞌ. Catahuaco Sinioro noya yonquiꞌi,” topatamaꞌ, Yosë catahuarinquëmaꞌ noya noya yonquicasoꞌ.

Gálatas 2:6

Ansiano huaꞌanoꞌsasoꞌ nipirinhuëꞌ, co nisha shaꞌhuitërinacohuëꞌ. Chiníquën nanantopirinahuëꞌ, co tëꞌhuatërahuëꞌ. Napopináchin Yosë niꞌninpoaꞌ.

Gálatas 2:9

Santiaco, Pitro, Coansha, inapitasoꞌ chini chiníquën nanantopi niꞌton, shaꞌhuitërinacoi. “Yosë naꞌcon catahuarinquën. Ina acorinquën nisha piyapiꞌsaꞌ aꞌchintacaso marëꞌ,” taꞌtonaꞌ, sëꞌquërinaco. Pirnapintaꞌ sëꞌquëpi. “Canpitasoꞌ nisha piyapiꞌsaꞌ aꞌchintocoꞌ. Quiyaso nipirinhuëꞌ cotioroꞌsaꞌ aꞌchintarai,” itohuachinacoira, “Noyahuaꞌ,” itërai.

Gálatas 3:4

Imaramaso marëꞌ Ispirito Santo naꞌcon catahuapirinquëmahuëꞌ. Quisocristo naniantohuatamaꞌ, topinan quëran catahuarinquëmaꞌ. Napoaponahuëꞌ, co Quisocristo naniantaramahuëꞌ, topirahuëꞌ.

Gálatas 6:3

“Casoꞌ noya piyapico,” topatan, quëmaora ninonpintaran, co noꞌtëquën yonquiranhuëꞌ. Co insontaꞌ Yosë pochachin cancantërinhuëꞌ. Co Yosë catahuarinpoahuëꞌ naporini, co mantaꞌ noya niitërihuahuëꞌ.

Efesios 4:29

Ama taparoꞌ noncosohuëꞌ. Ama maꞌtoma maꞌtoma noncosohuëꞌ. Sano yonquiatomaꞌ, noya noncoꞌ aꞌnapita natanatënquëmaꞌ, Yosë yonquiꞌinaꞌ. Noya noya imacaso marëꞌ catahuacoꞌ.

Efesios 5:4

Ama taparoꞌ ninontocosohuëꞌ. Ama narinacasoachin yonquicosohuëꞌ. Co topinan quëran ninontacasoꞌ yaꞌhuërinhuëꞌ. Yosë catahuarinpoasoꞌ naꞌcon naꞌcon nishaꞌhuitatëhuaꞌ: “Yosparinquën Sinioro,” itahuaꞌ.

Colosenses 4:6

Noya yonquiatomaꞌ, sanoanan quëran pënëntocoꞌ noya natainënquëmaꞌ. Yashin yashin nontocoꞌ. Aꞌnaya aꞌnaya natanpachinquëmaꞌ, noyasha aꞌpanicoꞌ. Ina pochin nontacaso marëꞌ naꞌcon yonquicoꞌ.

Santiago 1:19

Napoaton iyaroꞌsaꞌ, ama topinan nonacamasoáchin yonquicosohuëꞌ. Yosë nanamën naꞌcon naꞌcon natancoꞌ. Naporahuaton, ama yanoꞌhuitocosohuëꞌ.

Santiago 1:22

Noꞌtëquën yonquicoꞌ. Yosë nanamën aꞌchintohuachinënquëmaꞌ, ama topinan quëran natancosohuëꞌ. Yaꞌipi cancanëma quëran huarëꞌ natëcoꞌ.

Santiago 2:20

¡Coꞌchi noꞌtëquën yonquiranhuë paya! Co noya nipatanhuëꞌ, “Cantaꞌ imarahuë,” topiranhuëꞌ, topinan quëran nonsaran.

1 Pedro 3:10

Iráca quiricanën quëran itërinpoaꞌ: “Noya yaꞌhuëcamasoꞌ nohuantohuatamaꞌ, noyasáchin noncoꞌ. Ama insontaꞌ nonpintocosohuëꞌ. Inapohuatamaꞌ, noya cancantatomaꞌ, noya yaꞌhuaramaꞌ.