Santiago 1:19 - Chayahuita (Shahui)

¹⁹ Napoaton iyaroꞌsaꞌ, ama topinan nonacamasoáchin yonquicosohuëꞌ. Yosë nanamën naꞌcon naꞌcon natancoꞌ. Naporahuaton, ama yanoꞌhuitocosohuëꞌ.

Santiago 1:19 ပူးပေါင်းရင်းမြစ်များ

Nehemías 9:17

Quëmarisoꞌ naꞌcon catahuapiranhuëꞌ, co ina yayonquipihuëꞌ. Co natëtënënhuëꞌ Iquipitoquë chachin panantacaisoꞌ yonquiantapi. Ina marëꞌ huaꞌan yonípi. Iquipitoroꞌsari camaiantacaiso marëꞌ yatahuërëantapi. Napopirinahuë tërantaꞌ, co ataꞌhuantëranhuëꞌ. Noyápiachin cancantaton, aꞌnaroáchin yanosorotëran. Co aꞌnaroáchin noꞌhuitëranhuëꞌ. Piyapinënpita nosoromiatëran niꞌton, co aꞌporanhuëꞌ.

Nehemías 9:3

Naporo chachin Yosë pënëntërinsoꞌ quirica, cara ora pochin nontopi. Ina quëran nápo ora chachin oshanëna yonquiatonaꞌ, Sinioro shaꞌhuitopi. Naporahuatona Sinioro chinotopi.

Proverbios 13:3

Noya yonquiatë nonpatëra, noya niaꞌpairëso pochin ninëhuaꞌ. Macatë macatë nonpatërasoꞌ, canpora chachin maꞌsha onpocasoꞌ yonisarëhuaꞌ.

Proverbios 15:2

Yonquinahuanoꞌsa nonpachinara, natanpisopitasoꞌ yonquínahuan nicaponaꞌ. Co yonquinahuanoꞌsahuëꞌ nonpachinara, anishacancantapi.

Números 22:27

Moraso naquëranchin Sinioro anquëninën quënaantarahuaton, quëhuënin huachi. Co onpo pëshonacasohuëꞌ niꞌton, naporin. Napohuachina Paramosoꞌ, naquëranchin moranën noꞌhuiton, huihuiantarin.

Mateo 5:22

Co tëpatërëso marëáchin anaꞌintinpoasoꞌ yaꞌhuërinhuëꞌ, tënahuë. Aꞌna piyapi noꞌhuihuatamaꞌ, anaꞌintarinquëmaꞌ. Pinotohuatamantaꞌ, cotio ansianoꞌsaꞌ anaꞌinchinquëmaꞌ. Cancanëma quëran huarëꞌ noꞌhuitomaꞌ, ‘Quëmasoꞌ sopainquën,’ itohuatamaꞌ, pënquë chachin parisitacasoꞌ yaꞌhuërin, tënahuë.

Marcos 12:37

Shiaꞌhuain niponahuëꞌ, Cristo yonquiaton, “Sinioronëhuë,” tënin Tapi. Piyapi chachin nipirinhuëꞌ, Tapiri chinotërin. ¿Onpoatontaꞌ naporin? itërin Quisosori. “Yosë huiꞌnin chachin niꞌton, naporin,” taꞌcaiso nipirinhuëꞌ, co mantaꞌ topihuëꞌ. Notohuaroꞌ piyapiꞌsaꞌ niyontonpisopitaso nipirinhuëꞌ, nóya natanpi.

Marcos 2:2

Natantahuatonaꞌ, notohuaroꞌ piyapiꞌsaꞌ niyontonpi. Pëiꞌ yaꞌsotahuatonaꞌ, yaꞌcoana aquëtëran huarëꞌ yamopi. Yosë nanamën shaꞌhuirarin, natanapi.

Lucas 15:1

Nisha nisha piyapiꞌsaꞌ huëꞌpi Quisoso natanacaiso marëꞌ. Copirno marëꞌ coriqui maꞌpatonaꞌpiroꞌsaꞌ, oshahuanoꞌsaꞌ itopisoꞌ, inapitantaꞌ huëꞌpi.

Lucas 19:48

Naꞌa piyapiꞌsari nóya natanatonaꞌ yamotopi niꞌton, co nanitopihuëꞌ macacaisoꞌ.

Hechos 1:15

Ina quëran naꞌa Quisoso imapisopita niyontonpi. Pasa cato shonca piyapiꞌsa pochin yaꞌhuëpi. Pitrori huancánachin huanirahuaton, itërin:

Hechos 10:33

Ina natanahuato, aꞌnaroáchin amatëranquën. Ma noyanquën niꞌton, huëꞌnan. Iporasoꞌ yaꞌipicoi niyontonai. Yosëntaꞌ niꞌsarincoi. ¿Maꞌtaꞌ ina shaꞌhuitërinquën natëcaꞌhuaiso marëꞌ? Yanatanai, itërin.

Hechos 13:48

Nisha piyapiꞌsaꞌ natanahuatonaꞌ, paꞌyatopi. “Ma noyacha Yosë shaꞌhuitërinpoa paya,” topi. Aꞌnaquën Yosëri huayonin niꞌton, natëtonaꞌ, Quisoso imasapi ina nohuitatonaꞌ, nanpimiatacaiso marëꞌ.

Hechos 17:11

Inaquë yaꞌhuëpisopitaso nipirinhuëꞌ nóya yonquipi. Co Tisaronicaquë yaꞌhuëpisopita pochinhuëꞌ. Paonori aꞌchintohuachina, nóya natanpi. “Paonosoꞌ noꞌtëquën aꞌchinamara,” taꞌtonaꞌ, nani tahuëri Yosë quiricanën noyásha nontapi noꞌtëquën nitotacaiso marëꞌ.

Hechos 2:42

Caꞌtanoꞌsa aꞌchinpachinara, paꞌyatopi natanacaisoꞌ. Noya natanatonaꞌ, natëpi. Noya niniꞌtonaꞌ, yaꞌhuërapi. Quisoso chimininsoꞌ yonquiatonaꞌ, coshatapatapi. Naporahuatonaꞌ, apira apira Yosë nontapi.

Efesios 4:26

Aꞌna piyapi noꞌhuihuatamaꞌ, niꞌcona oshahuantamaꞌ. Coꞌhuara piꞌi yaꞌcoyantërasohuëꞌ, nanan anoyatocoꞌ.

Efesios 4:31

Ama aꞌnapita noꞌhuitomaꞌ, yonquirácosohuëꞌ. Aꞌnaroáchin nanan anoyatocoꞌ. Ama noꞌhuitacamasoꞌ nohuantocosohuëꞌ. Ama noꞌhuito canainquëmasohuëꞌ. Ama iquianan quëran ninontocosohuëꞌ. Nipinocasontaꞌ co noyahuëꞌ. Ama piꞌpian tërantaꞌ co noyahuëꞌ nicosohuëꞌ.

Colosenses 3:15

Quisocristoíchin asanocancaninpoaꞌ. Ina yonquihuatëhuaꞌ, noya ninicatëhuaꞌ, yaꞌhuarëhuaꞌ. Ina marëꞌ aꞌna huënton pochin Yosë acorinpoaꞌ. Ina catahuahuachinpoaꞌ, co huachi paꞌyanarihuahuëꞌ. Napoaton inasáchin yonquicoꞌ asanocancainquëmaꞌ. Nani tahuëri: “Yosparinquën Sinioro,” itocoꞌ.

Colosenses 3:8

Iporaso nipirinhuëꞌ isopitantaꞌ co noyahuëꞌ cancantatomaꞌ naporamasopita aꞌpocoꞌ. Ama noꞌhuitocosohuëꞌ. Ama noꞌhuito canainquëmasohuëꞌ. Ama piyapi naponin yonquirapicosohuëꞌ. Ama yanpitocosohuëꞌ. Ama taparoꞌ noncosohuëꞌ.

1 Tesalonicenses 2:13

Yosë nanamën aꞌchintohuatëinquëmara, noya natanamaꞌ. “Co piyapi yonquirinsoꞌ aꞌchintërinpoahuëꞌ. Yosë nanamën chachin aꞌchintërinpoaꞌ,” tënamaꞌ. Tëhuënchachin Yosë nanamën niꞌton, ina natëhuatamaꞌ, nanamën quëran anoyacancantarinquëmaꞌ. Ina marëꞌ nani tahuëri “Yosparinquën,” itërai Yosë.

Santiago 1:16

Nosororanquëmaꞌ iyaroꞌsaꞌ. Ama canpitaora yonquinëma quëran ninonpintocosohuëꞌ. Noꞌtëquën yonquicoꞌ.

Santiago 1:2

Nisha nisha maꞌsha onpoapomarahuëꞌ iyaroꞌsaꞌ, ama sëtocosohuëꞌ. Noya cancantocoꞌ.

Santiago 1:26

“Cantaꞌ noya Yosë imarahuë,” topi aꞌnaquën. Nipirinhuëꞌ, nisha nisha nonin. Co noyahuëꞌ nonpachina, topinan quëran nonsarin, inaora ninonpintarin. Co tëhuënchachin imarinhuëꞌ.

Santiago 2:1

Quisocristo huaꞌanëntërinpoaꞌ. Inasáchin noya noya ninin. Ina imaramaꞌ niꞌton, ama iyaroꞌsaꞌ aꞌnapita nocancosohuëꞌ. Yaꞌipi piyapiꞌsaꞌ napopináchin nosorocoꞌ.

Santiago 2:5

Niꞌcoꞌ iyaroꞌsaꞌ. Naꞌaquënpoaꞌ co naꞌcon coriqui yaꞌhuëtopirinpoahuëꞌ, Yosë huayoninpoaꞌ imacaso marëꞌ. Yosë nohuitohuatëhuaꞌ, nóya cancantarihuaꞌ. Huëntonënquë chachin ayaꞌconinpoaꞌ niꞌton, Yosëꞌpaꞌ noya noya yaꞌhuëcontarihuaꞌ. Nani shaꞌhuitërinpoaꞌ. “Nosorohuatamaco, inápaquë quëpantaranquëmaꞌ,” itërinpoaꞌ.

Santiago 3:10

Yosë noya nontapomarahuëꞌ, piyapi pinopatamaꞌ, co noyahuëꞌ cancantaramaꞌ. Co iyaroꞌsaꞌ nisha nisha nonacasoꞌ yaꞌhuërinhuëꞌ.

Santiago 4:11

Ama iyaroꞌsaꞌ nipinocosohuëꞌ. Ama coisë pochin cancantatomaꞌ, aꞌnapita noꞌhuicosohuëꞌ. Piꞌpisha tërantaꞌ nanan yaꞌhuëhuachin, ama apancatahuatomaꞌ, nishaꞌhuirapicosohuëꞌ. Quisocristo imaramaꞌ niꞌton, iyaparin pochachin ninosorocasoꞌ yaꞌhuërin. Pinopatamaꞌ, co nosoroaramahuëꞌ. Yosë pënënpirinpoahuëꞌ. “Yaꞌipi piyapiꞌsaꞌ nosorocoꞌ,” itopirinpoahuëꞌ, “Co nosorocasoꞌ yaꞌhuërinhuëꞌ,” taꞌtomaꞌ, pinoramaꞌ. Canpitaora yonquinëma quëran pinotatomaꞌ, co Yosë natëramahuëꞌ.

Santiago 5:12

Naꞌcon iyaroꞌsaꞌ yonquicoꞌ noꞌtëquënáchin nonacamasoꞌ: “Paꞌsarahuë,” topatamaꞌ, pacoꞌ. “Co paꞌsarahuëꞌ,” topatamaꞌ, ama pacosohuëꞌ. Nani tahuëri noꞌtëquënáchin nontohuatamaꞌ, co “Yoscoarëꞌ,” taꞌcasoꞌ yaꞌhuërinhuëꞌ. Coꞌni maꞌsha tërantaꞌ isoroꞌpaquë yaꞌhuërinsoꞌ aꞌpitatëhuaꞌ nonpinacasoꞌ yaꞌhuërinhuëꞌ. Napoaton nani tahuëri noꞌtëquën noncoꞌ, Yosë anaꞌintochinquëmaꞌ.

Santiago 5:19

Noya iyaroꞌsaꞌ nipënëncoꞌ. Aꞌnasoꞌ noꞌtën nanan nitotaponahuëꞌ, nisha cancantohuachina, aꞌnaya aꞌnayanquëmaꞌ pënëncoꞌ noꞌtëquën yonquiantaꞌin.

1 Juan 2:21

Nitotopiramahuëꞌ, naquëranchin pënëantaranquëmaꞌ yonquicamaso marëꞌ. Noꞌtën nanan imapatëhuaꞌ, co nonpin nanan natëarihuahuëꞌ.