Santiago 1:15 - Chayahuita (Shahui)

¹⁵ Ipora huantaꞌ piꞌpian co noyahuëꞌ yonquirëhuaꞌ. Co aꞌnaroáchin naniantohuatëhuahuëꞌ, co noyahuëꞌ nisarëhuaꞌ. Naporahuatëhuaꞌ, oshahuanarëhuaꞌ. Oshahuanpatëhuaꞌ, chiminpatëhuaꞌ parisitomiatarëhuaꞌ. Niꞌcoꞌ. Sanapi huaꞌhuanpachina, oshaquëran oshaquëran huaꞌhuin nanihuachina, huairin. Inapochachin co noyahuëꞌ yonquihuatëhuaꞌ, oshaquëran oshaquëran co noyahuëꞌ nisarëhuaꞌ. Ina marëꞌ oshahuanarëhuaꞌ.

Santiago 1:15 ပူးပေါင်းရင်းမြစ်များ

Génesis 2:17

Anitotacaso nara nitërinsoíchin, co nohuantërahuë capamasoꞌ. Inaso caꞌpatan, noya nininso nitotaponahuëꞌ, co noyahuëꞌ nininsonta nitotaran. Ama ina nitërinso caꞌquësohuëꞌ. Ina caꞌpatan, tëhuënchachin chiminaran,” itërin.

Génesis 3:6

Ina natanaton, sanapiso nara nitërinso niꞌsárin: Noyápiachin nicaton caꞌchináchin cancantërin. “Ina caꞌpato, yaꞌipi nitotarahuë huachi,” tënin. Napoyan quëran, sëꞌpashorahuaton caꞌnin. Soꞌionta quëtohuachina, inanta caꞌnin.

2 Samuel 11:4

Napotopirinahuëꞌ, quëshicaisoꞌ camaitërin. Quëpatohuachinara ichiquëhuënin. Inahua sanapiꞌsasoꞌ inachintopiso quënanpachinara, amirotochináchin Yosëri niꞌnin. Pitisapiso inaporinsoꞌ, nasha inquiarin. Nasha inquiaso niꞌton, inapotërin. Nani inapotohuachina, naporo tashi chachin sanapisoꞌ pëinënquë panantarin.

Isaías 33:11

Canpitaso maꞌsha nicacaso yonquipiramahuëꞌ, yonquiramasopitasoꞌ, shinpitë yanimë pochin niꞌton, co manta chiniarinhuëꞌ. Pihuitë pochin nitatënquëmaꞌ, anaꞌintaranquëmaꞌ. Pëni ataꞌhuantërinso pochin nitarinquëmaꞌ.

Mateo 26:14

Ina quëran, Cotasë Iscarioti paꞌpi co noyahuëꞌ yonquirin. Quisoso caꞌtanaponahuëꞌ, yashaꞌhuirapirin. Corto huaꞌanoꞌsaꞌ yaꞌhuërinquë paꞌsahuaton, itoonin:

Mateo 5:28

Nipirinhuëꞌ, co monshihuanpiso marëáchin anaꞌintacasoꞌ yaꞌhuërinhuëꞌ, tënahuë. Aꞌna sanapi cancanëna quëran noyahuachinaꞌ, ina marëntaꞌ oshahuanapi. Nani monshitërinso pochin Yosëri niꞌsarin.

Santiago 1:14

Canpoara nohuanton, co noyahuëꞌ cancantatëhuaꞌ, co noyahuëꞌ yonquirëhuaꞌ. Inachin inachin yonquihuatëhuaꞌ, chiniiꞌ quëparinposo pochin co noyahuëꞌ nicacasoꞌ yonquirëhuaꞌ.

Santiago 1:18

Inaora nohuanton, anasitaantatonpoa pochin nasha cancan quëtërinpoaꞌ. Inasoꞌ noꞌtëquën nonin. Nanamën natëhuatëhuaꞌ, huëntonënquë ayaꞌcoaninpoaꞌ. Huiꞌninpita pochachin niꞌninpoaꞌ. Canpoaꞌton anoyacancantërinpoaꞌ. Ina quëran oshaquëran naꞌayaꞌpi anoyacancantarin.