Salmos 96:5 - Chayahuita (Shahui)

⁵ Piyapiroꞌsa mamanshinënapitasoꞌ, co máquënhuëꞌ. Sinioroso nipirinhuëꞌ, piꞌiroꞌtë acorin.

Salmos 96:5 ပူးပေါင်းရင်းမြစ်များ

Génesis 1:1

Yosë nani maꞌsha acorinso shaꞌhuichinquëmaꞌ: Iráca co manta yaꞌhuërinhuëꞌ. Yosëíchin yaꞌhuërin. Caniaritapon, piꞌiroꞌtëꞌton acorin. Ina quëran isoroꞌpantaꞌ, acorin.

Salmos 115:15

Siniorosoꞌ piꞌiroꞌtë, isoroꞌpaꞌ, inapita acorin. Ina chachin canpitanta catahuainquëmaꞌ.

Salmos 8:4

Inapita acoaponahuëꞌ, ¿piyapicointa yonquirancoi ti? ¡Co quiyasoꞌ máquëncoihuëꞌ! ¡Co yonquiatoncoi catahuancoiso inashitëraihuëꞌ!

Isaías 41:29

¡Yaꞌipi mamanshiroꞌsasoꞌ co máquënhuëꞌ! Co manta nicacaisoꞌ nanitopihuëꞌ. Capanantë mamanshiroꞌsa niconpi,” itërin.

Isaías 42:5

Siniorosoꞌ Yosë niꞌton, piꞌiroꞌtë acorin. Ina acoaton nëꞌmëtë pëi ótënëso pochin nitërin. Isoroꞌpantaꞌ, nani maꞌsha yaꞌhuërinsopitarë chachin acorin. Ina nohuanton piyapiꞌsa inaquë nanpipi. Inari chachin niinta acotërin.

Hechos 19:26

Paonoso nipirinhuëꞌ isëquë huëcaton, pënëntarin. ‘Aꞌnaíchin Yosë yaꞌhuërin. Piyapiꞌsari nipisoꞌ co inasoꞌ Yosëhuëꞌ,’ tosarin, natanamaꞌ canpitantaꞌ. Yaꞌipi Asia partintaꞌ nahuinin. Naꞌa piyapiꞌsaꞌ natanahuatonaꞌ, natëpi. Natëtonaꞌ, mamanshi aꞌpopi.

1 Corintios 8:4

Nosha mamanshi chinotacaiso marëꞌ acopisoꞌ aꞌchinchinquëmaꞌ nitotocoꞌ. Co mamanshi nanpirinhuëꞌ. Co ina chinotacasoꞌ yaꞌhuërinhuëꞌ. Tata Yosëíchin chinotacasoꞌ yaꞌhuërin, tënëhuaꞌ.