Salmos 96:2 - Chayahuita (Shahui)

² “Yosparinquën Sinioro,” itatëhuaꞌ, chinotahuaꞌ. Nichaꞌërinpoasoꞌ, aꞌnapitanta shaꞌhuitahuaꞌ.

Salmos 96:2 ပူးပေါင်းရင်းမြစ်များ

Salmos 103:20

Anquëniroꞌsanquëmanta chiníquën nanantapomarahuëꞌ, Sinioro chinotocoꞌ. Canpitaso ina camaihuachinquëma aꞌnaroáchin natëramaꞌ.

Salmos 145:1

“¡Ma noyanquëncha quëmasoꞌ Sinioro paya!” Quëmaso copirnonëhuënquën. Chinotomiatáponquën. Nani tahuëri naporápo. Co onporonta copitosarahuëꞌ.

Salmos 145:10

Nani maꞌsha acoransopita Sinioro, chinochinën. Imarinënquënsopitantaꞌ, noya chinochinën.

Salmos 40:10

Noyasáchin ninansoꞌ shaꞌhuitërahuë. Nichaꞌërancosoꞌ, co nisha nisha cancantëransohuëꞌ, inapitanta shaꞌhuitërahuë. Nosororancosoꞌ, noꞌtëquënáchin nonansoꞌ, inapitantaꞌ, notohuaroꞌ piyapinënpita niyontonpiquë noꞌtëquën shaꞌhuitërahuë.

Isaías 40:9

Quirosarinquë yaꞌhuëramasopita noya nanan shaꞌhuicoꞌ. Motopi naniontarinquë nanpërahuatoma chiníquën shaꞌhuiontacoꞌ. Ama tëꞌhuatatomahuëꞌ yaꞌipi Cota huënton israiroꞌsa shaꞌhuitocoꞌ: “¡Maꞌtana Sinioro chinotërëhuasoꞌ!

Marcos 16:15

Ina quëran itaantarin: “Yaꞌipi parti, iyaroꞌsaꞌ, pacoꞌ. Yaꞌipi piyapiꞌsaꞌ noya nanan carinquëmaꞌ shaꞌhuitëranquëmasoꞌ shaꞌhuitocoꞌ.

Hechos 13:26

“Canpoasoꞌ iyaroꞌsaꞌ, Apraan shinpitanpoaꞌ niꞌtëhuaꞌ, Yosë nanan aꞌpatirinpoaꞌ nichaꞌëinpoaso marëꞌ. Nisha piyapinquëmantaꞌ Yosë chinotohuatamaꞌ, nichaꞌësarinquëmaꞌ canpitantaꞌ. Napoaton yaꞌipinquëmaꞌ shaꞌhuitaranquëmaꞌ.

Efesios 1:3

Ma noyacha Tata Yosëso paya. Sinioro Quisocristo paꞌpin inasoꞌ. Inápa quëran noya noya yonquirinpoaꞌ. Quisocristo imarëhuaꞌ niꞌton, naꞌcon catahuarinpoaꞌ noya noya cancantacaso marëꞌ. Oshanënpoaꞌ inquitatonpoaꞌ, anoyacancantërinpoaꞌ. Ina quëran nani tahuëri catahuarinpoaꞌ nohuantërinso chachin nicacasoꞌ. Co inápaquë yaꞌhuëyatërarihuarahuëꞌ, inatohuaꞌ yaꞌhuëarëhuaso pochin Yosë nohuitërëhuaꞌ. Ina yonquiatëhuaꞌ, “Yosparinquën Sinioro,” itahuaꞌ.

Apocalipsis 5:13

Ina quëran yaꞌipi Yosëri nininsopita napopianachin chinotapi, natanahuë. Inápaquë yaꞌhuërinsopita, isoroꞌpaquë yaꞌhuërinsopita, chiminpisopita, marëquë yaꞌhuërinsopita, yaꞌipiya Yosë chinotapi. “Ma noyacha Tata Yosëso paya. Huaꞌanëntarinpoaꞌ niꞌton, ‘Yosparinquën’ itahuaꞌ. Inasáchin natëahuaꞌ. Noya noya niꞌton, chinotahuaꞌ. Yaꞌipiya nanitaparin. Carniroaꞌhuantaꞌ inapochachin chinotahuaꞌ. Ipora quëra huarëꞌ ina natëahuaꞌ,” tosapi.