Salmos 96:1 - Chayahuita (Shahui)

¹ Nasha cantanën cantatëhuaꞌ, Sinioro chinotahuaꞌ. Yaꞌipi isoroꞌpaquë yaꞌhuërëhuasopita inasáchin chinotahuaꞌ.

Salmos 96:1 ပူးပေါင်းရင်းမြစ်များ

Salmos 33:3

Nasha canta ocoirahuatoma cantacoꞌ. Noya cantatomaꞌ, noyasha piꞌnicoꞌ.

Salmos 66:4

Yaꞌipi piyapiꞌsa chinotaponën. Quëma cantanën cantatona paꞌyataponën,” itahuaꞌ.

Romanos 15:11

Naquëranchin taantarin: “Tata Yosë chinotatomaꞌ: ‘Ma noyanquëncha quëmaso paya,’ itocoꞌ. Nisha nisha piyapiꞌsaquëmantaꞌ ina chinotocoꞌ,” tënin.

Apocalipsis 14:3

Nasha cantanën inápaquë cantarapi. Yosë notënanquë cantarapi. Ansianoꞌsaꞌ, catapini maꞌsharoꞌsa pochin nininsopita, inapitantaꞌ natanapi. Pasa catapini shonca catapini huaranca imapisopita cantapisoꞌ. Isoroꞌpaquë yaꞌhuaponaꞌ, Quisosori nichaꞌërin. Oshanëna marëꞌ chiminaton, anoyacancantërin niꞌton, inapitaráchin nanitopi ina cantacaisoꞌ.

Apocalipsis 5:9

Chinotatonaꞌ, inahuara yonquinëna quëran nasha cantanën cantarapi. “Noya noyanquën, Sinioro, niꞌton, nanan yaꞌhuëtërinquën quirica niꞌcamasoꞌ. Toꞌni iꞌshotohuatan, nani maꞌsha anitotarancoi. Iráca tëparinënquën. Chiminaton, piyapiꞌsaꞌ sopai quëran ocoiran Yosë imacaiso marëꞌ. Napoaton quëmasáchin nanitëran yaꞌipiya huaꞌanëntacasoꞌ. Nisha nisha parti yaꞌhuëpirinahuëꞌ, imarinënquën, Sinioro. Nisha nisha nananquë nonpisopita imarinënquën. Nisha nisha copirnori huaꞌanëntërinsopita niponaraihuëꞌ, natërinënquën.