Salmos 91:3 - Chayahuita (Shahui)

³ Pëcotanquë maꞌsha manëso pochin maꞌsha yaonpotopirinënpoahuëꞌ, inaso nichaꞌsarinpoaꞌ. Naporahuaton ina nohuanton co tiquito canio tiquiarinpoahuëꞌ.

Salmos 91:3 ပူးပေါင်းရင်းမြစ်များ

1 Reyes 8:37

Piyapinënpita co natëtënënhuëꞌ oshahuaantahuachinaꞌ, quëmari anaꞌintaran. Quëma nohuanton shaꞌtopisopita co manta nitaponahuëꞌ. Piꞌi quëranhuë nipon, taquiapon. Sëquërërihuë nipon, chaꞌchorihuë nipon, pëꞌyapon. Pëtoratërin quëranhuë nipon, chanatapon. Aꞌna tahuëriso inimiconënpitarihuë nipon, ninanonëna tancapitahuatona ahuëaponaꞌ. Chiníquën caniohuë nipon yaꞌconaton, tiquiapon. Inapoatona parisitaponaꞌ.

Salmos 124:7

Huënson acohuatëra, anpiantëhuanoꞌsa manëꞌ. Ohuëtëhuachinaso nipirinhuëꞌ, chaꞌërin. Inapochachin inimicoroꞌsa maꞌsha yaonpotopirinënpoahuëꞌ, chaꞌërëhuaꞌ.

Salmos 91:6

Tiquito canio matohuachina, co tashi tëranta tëꞌhuatarihuahuëꞌ. Tahuërinta nani maꞌsha onpopirëhuahuëꞌ, co paꞌyanarihuahuëꞌ.

Proverbios 7:23

Huinca ritiquë yaꞌconinso pochin ninin. Pëꞌchinan shinërëri ninopinën cancata huarëꞌ yonquipirinhuëꞌ, co huachi nanitërinhuë chaꞌëcasoꞌ.

Eclesiastés 9:12

Naporahuaton co inquënpoa tëranta ninorëhuahuëꞌ onporosona chiminacasoꞌ. Canpoanta samira ritiquë manëso pochin, inairanta huënsonquë manëso pochin, co yonquiasëhuahuëꞌ, maꞌsha onpocasoꞌ cantiarinpoaꞌ.

Amós 3:5

Inaira noꞌpaquë anotohuachina, yaquiri siꞌpirin niꞌton, naporin. Huënson, ‘huëꞌcaꞌ,’ topachina maꞌsha macaton naporin.

1 Timoteo 6:9

Aꞌnaquënso nipirinhuëꞌ coriqui canacasoáchin yonquipi. Inasáchin cancantatonaꞌ, sopai natëpi. Nani maꞌsha nohuantatonaꞌ huënsonquë maꞌsha manëso pochin nisapi. Inasáchin yonquiatonaꞌ, aquë aquëtëꞌ nohuantaponaꞌ. Ina marëꞌ Yosëri chiníquën anaꞌintarin.

2 Timoteo 2:26

Yonquicaiso marëꞌ sanoanan quëran pënëanhuanꞌ. Huënsonquë maꞌsha manëso pochachin sopairi nani manin. Camaihuachina, natëpi. Nipirinhuëꞌ pënënpatëhuaꞌ, sopai quëran chaꞌëponaꞌ nimara.