Salmos 91:2 - Chayahuita (Shahui)

² Sinioro nontohuatëhuara: “Quëmaso Yosënëhuënquën. Naꞌpianaquë naꞌpiraiso pochin yaꞌcopirancoi. Inápa pairahuan ninano pochin paꞌpoyarancoi. Maꞌsha onpohuatoira, quëmasáchin chinotërainquën,” itërëhuaꞌ.

Salmos 91:2 ပူးပေါင်းရင်းမြစ်များ

Génesis 17:7

Quëmarëꞌco ipora nani anoyatërahuë. Shiparinpitarëꞌconta aꞌna tahuëri anoyatarahuë. Yosënënco niꞌto, catahuaráponquën. Shiparinpitanta inapotápo.

Salmos 14:6

Sano piyapiroꞌsa yonquipisoꞌ, yatëhuapi. Napopirinahuëꞌ, Siniorori inapitaso noya nicaton paꞌpoyararin.

Salmos 43:4

Artaronënquë huarëꞌ canconahuato chinotaranquën. Arpa piꞌniato: ‘Yosparinquën,’ itaranquën. Quëmasáchin yonquiatënquën capa cancantërahuë,” itërahuë.

Salmos 46:1

Yosë paꞌpoyatonpoa achinirinpoaꞌ. Nani maꞌsha onporëhuaquë catahuarinpoaꞌ.

Salmos 46:2

Napoaton co tëꞌhuarëhuahuëꞌ. Isoroꞌpaꞌ nisha nisha nisapirinhuë tërantaꞌ, co paꞌyanarihuahuëꞌ. Motopiroꞌsa marëquëꞌpaꞌ niitohuachinaꞌ, Marë panca coꞌsacaitaton tënëntapon. Napohuachina, motopiroꞌsa nacon naconcharapon. Inapopirinhuë tërantaꞌ, co tëꞌhuatarihuahuëꞌ.

Salmos 91:9

Canpoasoꞌ, Sinioro chachin paꞌpoyainpoaso marëꞌ acorëhuaꞌ. Chini chiníquën nanantërinsoꞌ nontërëhua niꞌton, co manta onpoarihuahuëꞌ. Co tiquito canio tëranta macainpoaso yaꞌhuërinhuëꞌ.

Jeremías 31:1

Ina quëran taantarin: “Ina tahuëri nanihuachin, casáchin yaꞌipi Israiro huëntonoꞌsa chinotarinaco. Inapitanta piyapinëhuëpita nisapi,” tënin.

Lucas 20:38

Nanpirëhuasopitaráchin Yosë chinotarëhuaꞌ. Napoaton inapitantaꞌ nani chiminpirinahuëꞌ, nanpimiataantapi, itërin Quisosori.

Hebreos 11:16

Nipirinhuëꞌ, co isoroꞌpaꞌ naꞌcon yonquipihuëꞌ. Yosë naꞌcon naꞌcon nohuantopi. Ina yaꞌhuërinquë chachin yaꞌhuëcaisoꞌ nohuantopi. Napoaton Yosë tapon: “Nóya yonquirinaco niꞌton, huiꞌnahuëpita pochin niꞌsarahuë. Aꞌna tahuëri inápaquë quëpantarahuë. Nani tapatërahuë yaꞌhuëcaisoꞌ,” tënin.