Salmos 90:2 - Chayahuita (Shahui)

² Coꞌhuara isoroꞌpaꞌ, motopiroꞌsaꞌ, inapita yaꞌhuëyátërasohuëꞌ, quëmasoꞌ yaꞌhuëran. Iráca quëran huarëꞌ yaꞌhuëran. Tahuëri nitiquipirinhuë tërantaꞌ, quëmaso yaꞌhuëápon. Quëmasáchin Yosënquën.

Salmos 90:2 ပူးပေါင်းရင်းမြစ်များ

Génesis 1:1

Yosë nani maꞌsha acorinso shaꞌhuichinquëmaꞌ: Iráca co manta yaꞌhuërinhuëꞌ. Yosëíchin yaꞌhuërin. Caniaritapon, piꞌiroꞌtëꞌton acorin. Ina quëran isoroꞌpantaꞌ, acorin.

Salmos 103:17

Napoaponahuëꞌ, Sinioro noya nicatëhua natëhuatëhuasoꞌ, nosoromiatarinpoaꞌ. Noꞌtëquënáchin yonquiaton, shinpoapitanta catahuarápon.

Salmos 33:9

Ina nonin quëran nani maꞌsha yaꞌhuërin niꞌton, natëcoꞌ. Ina camaitërin quëran noyá acopinan quëparitërin. Napoaton noya nicatoma natëcoꞌ.

Salmos 93:2

Quëmaso Sinioro yaꞌhuëmiatëran. Nani maꞌsha caniaritërin quëran huarëꞌ, huaꞌanëntëran.

Éxodo 8:6

Moisësëri shaꞌhuitohuachina, Aaronso yaꞌipi iiroꞌsa yaꞌhuërinquë huaranën ihuërin. Ina iiroꞌsa quëran huarira pipirahuatonaꞌ, yaꞌipi Iquipito roꞌtë yanquëëtërin.

Isaías 44:6

Siniorosoꞌ yaꞌipi nanitaparin. Inasoꞌ, israiroꞌsa nichaꞌësahuaton huaꞌanëntërin. Ina nontatënquëma naporin: “Coꞌhuara isoroꞌpaꞌ yaꞌhuëyátërasohuëꞌ, caꞌton yaꞌhuërahuë. Nani maꞌsha yaꞌhuërinsopita taꞌhuantopiriontaꞌ, caso yaꞌhuëápo. Casáchin Yosëco.

Isaías 45:22

Nisha nisha parti isoroꞌpaquë yaꞌhuëramasopita, huëco caquë nichaꞌëinquëmaꞌ. Casáchin Yosëco niꞌto, paꞌpi áquë yaꞌhuëpiramahuëꞌ, huëcoꞌ.

Daniel 7:9

Ina quëran niantahuatora, huaꞌanëntacaiso shiraroꞌsa acorapi. Inaquë aꞌnara Ansiano, másho pochin yaꞌnorinsoꞌ huënsërin. Aꞌmorinsosoꞌ, ocai pochin huiríchin. Ainëontaꞌ, huiri huaita noyá pëꞌsapinan pochin yaꞌnorin. Huaꞌanëntërinso shiranën, ina tahuinanënpita, inapitanta panca pën nënë nënëtárinso pochin yaꞌnorin.

Miqueas 5:2

Naquëranchin Sinioro taantarin: “Pirin ninanosoꞌ, Iporata itopi antaꞌ. Inasoꞌ ninanoꞌ, aꞌnapita ninanoroꞌsa Cota huëntonquë yaꞌhuërin quëran nani naniaꞌhuaya. Ina niponahuëꞌ, yaꞌipi israiroꞌsa huaꞌanëntacaso marëꞌ inaquë aꞌnara copirno nasitapon. Ina shimashonënpitasoꞌ, iráca quëran huarëꞌ yaꞌhuëpi,” tënin.

Habacuc 1:12

Napotohuachincora, carinta itaantapo: “Sinioro quëmaso Yosënquën niꞌton, chinotëranquën. Noyasáchin nicaton yaꞌhuëmiatëran. Quëmari inapita quëran anaꞌintancoiso marëꞌ papironiaroꞌsa huayonan. Quëmasoꞌ paꞌpoyarápirancoihuëꞌ, anaꞌintancoiso marëꞌ inapita achiniran.

Hebreos 13:8

Quisocristo co onporontaꞌ nishataponhuëꞌ. Iráca nosororinpoaꞌ. Ipora huantaꞌ catahuarinpoaꞌ. Co onporontaꞌ naniantarinpoahuëꞌ. Inasáchin imahuaꞌ.

Apocalipsis 1:8

Yosë chachin shaꞌhuitërinpoaꞌ: “Caꞌton yaꞌhuërahuë. Coꞌhuara isoroꞌpaꞌ yaꞌhuëyátërasohuëꞌ, yaꞌhuárahuë. Aꞌna tahuërintaꞌ yaꞌipi maꞌsharoꞌsaꞌ taꞌhuantopirinahuëꞌ, casoꞌ yaꞌhuápo. Iráca quëran huarëꞌ yaꞌhuërahuë. Ipora huantaꞌ nanpiárahuë. Co onporontaꞌ taꞌhuantapohuëꞌ, yaꞌhuërápo. Chini chiníquën nanantërahuë,” tënin.