Salmos 80:9 - Chayahuita (Shahui)

⁹ Noꞌpaꞌ taparoatë shaꞌtërëso pochin nitohuatancoira, itëhuanatë pochin nisahuatoi, aꞌshinai. Inaporahuatoi yaꞌipi iso noꞌpaꞌ yaꞌhuëtërai.

Salmos 80:9 ပူးပေါင်းရင်းမြစ်များ

2 Samuel 7:10

Naporahuaton, canpita yaꞌhuëcamaso marëꞌ noꞌpaꞌ taparahuë. Inaquë yaꞌhuëcamaso marëꞌ acoranquëmaꞌ. Isëquësoꞌ, co insonta apiponquëmahuëꞌ. Co noyahuëꞌ nipisopita co aparisitaponquëmahuëꞌ. Shimashonëmapitasoꞌ iso Canaan noꞌpaquë yaꞌnan yaꞌhuëaponaꞌ, aparisitopi. Canpitaso ipora co huachi inapotarinënquëmahuëꞌ.

Salmos 105:44

Nisha nisha nacionoꞌsari noꞌpaꞌ huaꞌanëntopiso osërëtahuaton, inapita quëtërin. Sacatatona acopisopitantaꞌ, inapotërin.

Isaías 5:2

Noꞌpaꞌ ohuërërahuaton, naꞌpiranënpita inquitërin. Noya noya oparoꞌsa paꞌhuëquën huayonaton, apitërin. Imin huáncana tori acorin. Nanpinta toꞌpoitacaso marëꞌ naꞌpi quëran nitërin. ‘Cashi cashin opa nitapon,’ taꞌton, noya ancantaton ninarin. Napoaponahuëꞌ, áin opasáchin nitërin.

Jeremías 2:21

Noya noya opa shaꞌnëso pochin canpitaso acoranquëmaꞌ. Huayonatë shaꞌnëso pochin nitëranquëmaꞌ. Inapotopiranquëmahuëꞌ, canpitaso coꞌchachin nishatëramaꞌ. Napoatoma co huachi onpo nohuitochináchinhuëꞌ ninamaꞌ.

Josué 24:12

Cato amoro copirnoroꞌsa aquëtëran yaꞌhuëpisontaꞌ, co canpitari minsëramahuëꞌ. Co sahuëninëmaquë minsëramahuëꞌ. Co pëꞌchinanëmaquë minsëramahuëꞌ. Cari paꞌpi aꞌpayanahuë niꞌton, taꞌananpirinquëmaꞌ. Coꞌhuara canchátërasënquëmahuëꞌ, taꞌananpirinquëmaꞌ.