Salmos 8:4 - Chayahuita (Shahui)

⁴ Inapita acoaponahuëꞌ, ¿piyapicointa yonquirancoi ti? ¡Co quiyasoꞌ máquëncoihuëꞌ! ¡Co yonquiatoncoi catahuancoiso inashitëraihuëꞌ!

Salmos 8:4 ပူးပေါင်းရင်းမြစ်များ

Génesis 1:1

Yosë nani maꞌsha acorinso shaꞌhuichinquëmaꞌ: Iráca co manta yaꞌhuërinhuëꞌ. Yosëíchin yaꞌhuërin. Caniaritapon, piꞌiroꞌtëꞌton acorin. Ina quëran isoroꞌpantaꞌ, acorin.

Génesis 1:14

Ina quëran Yosë taantarin: “¡Aꞌpininsopita piꞌiroꞌtëquë yaꞌhuëꞌin. Tahuëri, tashi aꞌpintacaso marëꞌ yaꞌhuëꞌin. Inapita aꞌpinpachina, tahuëri, tashiꞌ, nisha nisha acoarin. Naporahuaton yoquiroꞌsaꞌ, piꞌipiroꞌsaꞌ, inapitanta piyapiroꞌsa nitotapi huachi!” tënin. Topachina, inachachin yaꞌhuërin huachi.

Génesis 19:35

Ninapotatonaꞌ, naporo tashi naquëranchin paꞌpina huino oꞌshitaantapi. Nani anoꞌpihuachinara, huaꞌhua nininso yaꞌhuërëꞌ, paꞌpin quëhuënaparin. Noꞌpirahuë niꞌton, Notosoꞌ co nataninhuëꞌ huiꞌnini quëhuënaparinsoꞌ. Co paꞌninso tërantaꞌ, nataninhuëꞌ.

Génesis 21:1

Shaꞌhuitërinso chachin, Siniorori Sara catahuarin.

Salmos 19:2

Tahuërinta tahuëri capini, tashinta tashi capini nishaꞌhuitopiso pochin nicatonaꞌ, Yosë noya noya nininsoꞌ anitotërinpoaꞌ.

Salmos 80:17

Piyapinënpitacoisoꞌ, quëma chachin noya acorancoi. Ama amiatonhuëꞌ, catahuacoi.

Salmos 96:5

Piyapiroꞌsa mamanshinënapitasoꞌ, co máquënhuëꞌ. Sinioroso nipirinhuëꞌ, piꞌiroꞌtë acorin.

Éxodo 4:31

Ansianoꞌsasoꞌ, yaꞌipi natëpi. Parisitapirinahuë Yosëri yacatahuarinso natanahuatonaꞌ, noꞌpaquë huarëꞌ monshorahuatonaꞌ, Yosë chinotopi huachi.

Isaías 40:17

Yaꞌipi nacionoꞌsanta ina marësoꞌ, co máquënoꞌsahuëꞌ. Co manta paꞌtërinsopitahuë pochin niconpi.

Mateo 8:20

—Sacaiꞌ imancosoꞌ iyasha, tënahuë. Anashiroꞌsaꞌ, huëꞌëshinantëna yaꞌhuëtopi, inaquë huëꞌëpi. Inairaroꞌsantaꞌ pëꞌpëtëna yaꞌhuëtopi. Caso nipirinhuëꞌ Yosë quëran quëmapico niporahuëꞌ, co pëiꞌ yaꞌhuëtërincohuëꞌ. Paꞌsápato, co yaꞌhuëmiatërahuëꞌ, itërin.

Lucas 1:68

“¡Ma noyacha Tata Yosësoꞌ huaꞌanëntërinpoa paya! Piyapinënpitanpoaꞌ yonquiatonpoaꞌ, nichaꞌësarinpoaꞌ.

Lucas 19:44

Yaꞌconahuatonaꞌ, pëinëmapita ohuatapi. Co aꞌna naꞌpi tërantaꞌ niyaꞌhuiritarinhuëꞌ. Yaꞌipinquëmaꞌ taꞌhuantaramaꞌ. Nichaꞌëcaꞌhuanquëmaso marëꞌ oꞌmapirahuëꞌ. Co nohuantëramacohuëꞌ niꞌton, Yosë anaꞌintarinquëma huachi,” tënin Quisoso.

1 Pedro 2:12

Co imapisopitahuëꞌ pinorinënquëmaꞌ. “Co noyahuëꞌ nipi,” topi. Ina nipirinhuëꞌ, noyasáchin nicoꞌ niꞌinënquëmaꞌ. Ina quëran aꞌna tahuëri Yosëri catahuarin niꞌton, noꞌtëquën yonquihuachinaꞌ, yonquiarinënquëmaꞌ. “Ma noyacha Yosëri catahuarin niꞌton, noya nipi paya,” tosapi.