Salmos 8:1 - Chayahuita (Shahui)

¹ Quëmasáchin Sinioro huaꞌanëntërancoi. Yaꞌipi isoroꞌpaquë yaꞌhuërinsopita huaꞌanëntëran. “¡Ma noyanquëncha quëmasoꞌ ninan paya! Yaꞌipi inápaquë yaꞌhuërinsopita quëran, noya noyanquën quëmasoꞌ,” tënai.

Salmos 8:1 ပူးပေါင်းရင်းမြစ်များ

1 Reyes 8:27

Pëi mini nitopiranquënhuëꞌ, co quëmasoꞌ inaquë naniaranhuëꞌ. Co piꞌiroꞌtëquë tëranta naniranhuëꞌ nichinapon chachin, aquëtë huarëꞌ iso pëi nitëranquënquësoꞌ, co naniponhuëꞌ.

Salmos 145:1

“¡Ma noyanquëncha quëmasoꞌ Sinioro paya!” Quëmaso copirnonëhuënquën. Chinotomiatáponquën. Nani tahuëri naporápo. Co onporonta copitosarahuëꞌ.

Salmos 148:13

¡yaꞌipinquëma canpitantaꞌ, Sinioro chinotocoꞌ! Inaíchin chini chiníquën nanantërin niꞌton, paꞌyatocoꞌ. Piꞌiroꞌtëꞌ, isoroꞌpaꞌ, inapitaso noyápiachin yaꞌnopi. Yosëso nipirinhuëꞌ, inapita quëran noya noya yaꞌnorin.

Salmos 63:1

Quëmasáchin Yosënëhuënquën. Paꞌpi yamororëso pochin cancantato, yanohuitëranquën. Inotëroquë noꞌpaꞌ yanirin. Inaquë shaꞌtohuatëra, co noyatërinhuëꞌ. Ina pochin cancantato noyá nohuitaꞌhuanquë huarëꞌ sano cancantarahuë.

Salmos 8:9

Quëmasáchin Sinioro huaꞌanëntërancoi. Yaꞌipi isoroꞌpaquë yaꞌhuërinsopita huaꞌanëntëran. “¡Ma noyanquëncha quëmasoꞌ ninan paya! Yaꞌipi inápaquë yaꞌhuërinsopita quëran, noya noyanquën quëmasoꞌ,” tënai.

Salmos 84:1

Sinioro quëmasoꞌ yaꞌipi nanitaparan. ¡Ma noyápiachincha quëma pëinënso paya!

Éxodo 15:11

Co insonta Sinioro quëma pochin nininhuëꞌ. Quëmasáchin noya noyanquën. Chini chiníquën nanantëran. Anaꞌintacaso marëꞌ paꞌpi huëhuëpiro nininsopita maꞌsha aꞌnoran. Napoaton yaꞌipiya quëran chinochinën.

Habacuc 3:3

Timan parti quëran Yosë huëꞌsarin. Inasoꞌ, noyasáchin nicaton Paran motopi quëran huëꞌsarin. Huënaratërinsoꞌ, yaꞌipi piꞌiroꞌtë aꞌpintërin. Yaꞌipi isoroꞌpaquëntaꞌ, inasáchin chinotapi.

Mateo 22:45

Shiaꞌhuain niponahuëꞌ, Cristo yonquiaton, “Sinioronëhuë,” tënin. ¿Onpoatontaꞌ naporin? itërin Quisosori.

Juan 20:28

—¡Quëma mini Sinioronëhuënquën! Natëranquën. Yosënëhuënquën niꞌton, chinotaranquën, itërin Tomasëri.

Efesios 4:10

Quisocristo chachin isoroꞌpaquë oꞌmarahuaton, inápaquë panantarin. Yosë yaꞌhuërinquë chachin panantarahuaton, huaꞌyanën chachin aꞌpatimarinpoaꞌ yaꞌcoancantinpoaso marëꞌ. Yaꞌipi parti yaꞌhuaton, yaꞌipi huaꞌanëntarin.

Filipenses 3:8

Ina naꞌcon naꞌcon nohuantato, inasáchin yonquirahuë. Iráca cotioroꞌsaꞌ noya niꞌninaco. Huaꞌanoꞌsaquë huarëꞌ noya niꞌpirinacohuëꞌ, Quisocristo imapatëra, aꞌporinaco. Noꞌhuipirinacohuëꞌ, co ina yonquirahuëꞌ. Iráca yonquirahuësoꞌ amoro pochin nicato, co piꞌpisha tërantaꞌ nohuantërahuëꞌ. Quisocristo nohuitaꞌhuasoráchin nohuantërahuë. Ina nohuitacasoꞌ noya noya, tënahuë. Inasáchin huaꞌanëntërinco.

Hebreos 7:26

Quisocristoíchin nanan anoyatërinpoaꞌ. Inasoꞌ corto huaꞌan chini chiníquën nanantërinso pochin nicaton, nóya ninin. Co piꞌpian tërantaꞌ oshahuaninhuëꞌ. Co nëꞌhuëtërinso pochin nininhuëꞌ. Co oshahuanoꞌsa pochin cancantërinhuëꞌ. Inápaquë panantahuachina, Yosëri chini chiníquën nanan quëtërin.

Apocalipsis 19:6

Ina quëran huaꞌhuayátërahuë piyapiꞌsaꞌ nonsapisoꞌ natanahuë. Panca soꞌpora pochin tënëëntarin. Chiníquën huira ahuëtërinso pochin natanahuë. “Ma noyacha Tata Yosëso paya. Chini chiníquën nanantaton, yaꞌipiya huaꞌanëntarin.