Salmos 73:1 - Chayahuita (Shahui)

¹ Yosësoꞌ, israiroꞌsanpoa paꞌpi nosororinpoaꞌ. Noyápiachin cancantohuatëhuaꞌ, nosororinpoaꞌ.

Salmos 73:1 ပူးပေါင်းရင်းမြစ်များ

Salmos 2:6

“Quirosarin ninanosoꞌ, cari huayonahuë. Inaquë huaꞌanëntacaso marëꞌ ¡nani copirno acorahuë!” itërin.

Salmos 42:11

Parisitapirahuëꞌ, ¡ama huachi sëchisohuëꞌ! ¡Ama huachi napoin ancanchisohuëꞌ! Sinioro catahuaantaponco. Ina nohuanton noya chinotaantapo. Inasáchin Yosënëhuë niꞌton, nichaꞌësarinco.

Salmos 51:10

Nasha cancan Sinioro quëtoco. Cancanëhuë anoyatohuatanco, noyápiachin cancantaantarahuë. Inapotohuatanco noyasáchin yonquiato, natëtochináchin cancantarahuë.

Salmos 73:18

Tëhuënchachin co natëpisopitahuëꞌ, co yaꞌhuëmiatapihuëꞌ. Aꞌnanaya toꞌcoitërëso pochin nipachinaꞌ, taꞌhuantaponaꞌ. Naporo huarëꞌ noꞌtëquën yonquiatona paꞌyanapona huachi.

Salmos 84:11

Siniorosoꞌ Yosë niꞌton, paꞌpoyarinpoaꞌ. Aꞌpintatë pochin catahuarinpoa noꞌtëquën yonquicasoꞌ. Noyasáchin nipatëhuaꞌ, nosororinpoaꞌ. Noya nicatonpoaꞌ, noya nininsoꞌ co apiratërinpoahuëꞌ.

Mateo 5:8

Yaꞌipi cancanëma quëran imapatamaꞌ, Yosë nohuitaramaꞌ. Naporahuaton, aꞌna tahuëri ina quënancontahuatamaꞌ, noyá nohuitaramaꞌ.

Lucas 12:32

Naquëranchin itaantarin: —Ama iyaroꞌsaꞌ paꞌyancosohuëꞌ. Ohuica pëꞌtahuanaꞌpi pochin nicato aꞌpaiaranquëmaꞌ. Caraichinquëmaꞌ nipomarahuëꞌ, Yosë noya niꞌninquëmaꞌ. Huaꞌanëntërinquë chachin ayaꞌconinquëmaꞌ.

Juan 1:47

Natanino yaꞌcarirahuasoꞌ, Quisosori quënanin. —Pasoꞌ quëmapi niꞌcoꞌ. Israiromia chachin inasoꞌ. Co piꞌpisha tërantaꞌ nonpininhuëꞌ, itërin Quisosori.

Romanos 4:16

Napoaton Apraaniso natëton: “Yosë noꞌtëquën nontërinco,” topachina, Yosëri itërin: “Oshahuanpiranhuëꞌ, caora nohuanto, nosoroatënquën catahuaranquën. Huiꞌnanpitantaꞌ catahuarahuë,” itërin Yosëri. Co cotioroꞌsaráchin nosororinhuëꞌ. Yaꞌipi Apraan pochin cancantopisopitantaꞌ nosororin. Ina huiꞌninpita pochin ninëhuaꞌ.

Tito 3:5

Co canpoara noya ninëhuaso marëꞌ nichaꞌërinpoahuëꞌ. Inaora nohuanton, Yosë nosoroatonpoaꞌ, nichaꞌërinpoaꞌ. Amatërëso pochin yaꞌipi oshanënpoaꞌ inquitërinpoaꞌ. Oshanënpoaꞌ inquitatonpoaꞌ, anasitaantarëso pochin nasha cancan quëtërinpoaꞌ. Ispirito Santo nohuanton, ina pochin cancantërëhuaꞌ.

Santiago 4:8

Nani tahuëri Yosë yonquihuatamaꞌ, inantaꞌ yonquiarinquëmaꞌ, naꞌcon catahuarinquëmaꞌ. Yaꞌipi co noyahuëꞌ yonquiramasopita naniantatomaꞌ, noya nicoꞌ. Ama huachi nisha nisha yonquicosohuëꞌ. Noyápiachin cancantocoꞌ.