Salmos 72:8 - Chayahuita (Shahui)

⁸ Aꞌna marë quëran, aꞌna marëꞌpaꞌ huaꞌanëntërinso noꞌpaꞌ naniin. Iopiratisiiꞌ quëran, isoroꞌpaꞌ nanirinquë huarëꞌ huaꞌanënchin.

Salmos 72:8 ပူးပေါင်းရင်းမြစ်များ

1 Reyes 5:1

Tiro copirno Iran itopisosoꞌ, Saromon paꞌpincorëꞌ noya nipayapi. Saromoni huachi paꞌpin yaꞌhuërëtaton, israiroꞌsa huaꞌanëntarinso natantërin. Ina natantaton, catahuacaso marëꞌ huaꞌanoꞌsa acorinsopita aꞌpatërin. Noya cancantërinso shaꞌhuitacaiso marëꞌ naporin.

Salmos 2:8

Nisha nisha nacionoꞌsaꞌ, huaꞌanëntaton camaiaran. Isoroꞌpaꞌ nanirinquë huarënta natanpatanco, yaꞌipi quëtaranquën huaꞌanëntaran.

Salmos 80:11

Piꞌi yaꞌconinso parti quëran, marë Pancaiquë huarëꞌ yaꞌhuëtërai. Pipirin quëraontaꞌ, Iopiratisëiquë huarëꞌ yaꞌhuërai.

Salmos 89:25

Chiníquën nanantaton huaꞌanëntapon. Marë Pancaiꞌ quëran Iopiratisëiquë huarëꞌ huaꞌanëntapon.

Salmos 89:36

Ina quëran pipipisopitarácin copirno yaꞌconpachinaꞌ, huaꞌanëntaponaꞌ. Piꞌi yaꞌhuëasoꞌ, co aꞌnapitari huaꞌanëntarinhuëꞌ.

Zacarías 9:10

Inari israiroꞌsa ahuëtacaiso marëꞌ toronanoꞌsa yaꞌhuëtopisoꞌ, ataꞌhuantarin. Cahuarioroꞌsanta ina marëꞌ Quirosarinquë yaꞌhuërinsoꞌ, ataꞌhuantarin. Pëꞌchinanoꞌsantaꞌ, opanaꞌpiapon. Yaꞌipi nacionquë yaꞌhuëpisopita camaiton: ‘Ama huachi aquëtë quira nicosohuëꞌ,’ itarin. Aꞌna marë quëran, aꞌna marëꞌpaꞌ huaꞌanëntarin. Iopiratisiiꞌ quëran, isoroꞌpaꞌ coꞌyontërinquëꞌpaꞌ huarëꞌ napoarin,” tënin.

Apocalipsis 11:15

Ina quëran yaꞌnatontarinsoꞌ anquënintaꞌ, pihuiantarin. Pihuihuachina, inápaquë chiníquën nonsapi, natanahuë. “Iráca quëra huarëꞌ naꞌa copirnoroꞌsaꞌ yaꞌhuëpirinahuëꞌ, iporasoꞌ Yosëri yaꞌipiya huaꞌanëntarin. Quisocristorë chachin huaꞌanëntomiatarin. Co onporontaꞌ pipiapihuëꞌ,” tosapi.