Salmos 72:2 - Chayahuita (Shahui)

² Quëma pochin cancantaton huaꞌanënchincoi. Quëma piyapinënpitacoi, noya camaiincoi. Saꞌahuaroꞌsantaꞌ, catahuain.

Salmos 72:2 ပူးပေါင်းရင်းမြစ်များ

2 Samuel 23:3

Israiroꞌsanpoa chinotërëhuasoꞌ, nontërinco. Yápaꞌpoyarinpoaso naporin: ‘Insosona copirno yaꞌconpachin, noyasáchin nicaton camaitapon. Ca tëꞌhuatatonco natëincoso yaꞌhuërin.

1 Reyes 10:9

Sinioroso Yosënën niꞌton, noya nicatënquën acorinquën israiroꞌsa huaꞌanëntamaso marëꞌ. Inasoꞌ, israiroꞌsa nosororinsoꞌ co onporonta nishatarinhuëꞌ. Napoaton, noꞌtëquën huaꞌanëntacaso marëꞌ acorinquën. ¡Ma noyacha Sinioroso paya!” itërin.

1 Reyes 3:28

Naporinso yaꞌipi israiroꞌsa natantopi. Ina natantatonaꞌ, paꞌyanpi huachi: “Tëhuënchachin Yosëri catahuarin. Napoaton yonquínahuan pochin noꞌtëquën shaꞌhuirin,” topi.

Isaías 32:1

Natanco aꞌna shaꞌhuitaantaꞌinquëmaꞌ: Aꞌnaraꞌ copirno yaꞌconaton, noyasáchin huaꞌanëntapon. Naporoꞌ huaꞌanoꞌsantaꞌ, noyasáchin nicatona huaꞌanëntaponaꞌ.

Isaías 32:17

Noyasáchin nicatonaꞌ, sano yaꞌhuëaponaꞌ. “Sinioro catahuarincoi,” tëcatonaꞌ, noya yaꞌhuëmiataponaꞌ.

Isaías 9:7

Tapi copirno iráca huaꞌanëntërinso shiraquë huënsëaton huaꞌanëntapon. Chiníquën nanantaton, yaꞌipi parti camaitapon. Ina huaꞌanëntarin niꞌton, sano yaꞌhuëmiatapi. Co onporonta huaꞌanëntërinso nitiquiaponhuëꞌ. Noꞌtëquënáchin yonquiaton, noyasáchin nicapon. Ipora quëran huarëꞌ naporinsoꞌ, co onporonta nishataponhuëꞌ. Siniorosoꞌ yaꞌipi nanitaparin. Nosoromiatatonpoa napoarin.

Apocalipsis 19:11

Ina quëran Yosë nohuanton, huaꞌnarëso pochin niantarahuë. Piꞌiroꞌtëꞌ niꞌsoatohuachina, huiri cahuario quënantarahuë. Ina aipi quëmapi huënsëarin. Noꞌtëquën nonaꞌpi itërëhuasoꞌ. Maꞌsona tërantaꞌ shaꞌhuitohuachinpoaꞌ, co onporontaꞌ nonpintarinpoahuëꞌ. Noꞌtëquën huaꞌanëntarin. Quira nicaton, inimicoroꞌsaꞌ minsëarin.