Salmos 72:17 - Chayahuita (Shahui)

¹⁷ Noya copirno niꞌton, yaꞌipi parti noya nahuiꞌin. Piꞌi yaꞌhuërárinso pochin inantaꞌ, yonquiraꞌinaꞌ. Insosona noya yaꞌhuëcaso marëꞌ yashaꞌhuihuachin iꞌna yonquiaton shaꞌhuiꞌin. Yaꞌipi nacionoꞌsaquë yaꞌhuëpisopitari ina paꞌyachinaꞌ.

Salmos 72:17 ပူးပေါင်းရင်းမြစ်များ

Génesis 12:3

Inpitasona noya nicatënën catahuahuachinën, carinta inapita inapotarahuë. Inpitasona co huachi noya yaꞌhuëcamaso marëhuëꞌ shaꞌhuitohuachinën, carinta inapita napotarahuë. Quëmá quëran, yaꞌipi piyapiꞌsa nisha nisha nipisopita catahuararahuë,” itërin.

Génesis 22:18

Quëma natëranco niꞌton, yaꞌipi isoroꞌpaquë nacionoꞌsa yaꞌhuërinsopita, shiparinpita quëran catahuararahuë,” itërin.

2 Samuel 7:13

Ina huachi pëinëhuë nitarinco. Ca nohuanto ina yaꞌconaton, huaꞌanëntomiatapon.

2 Samuel 7:16

Quëmá quëran pipipisopita cari aꞌpairápo. Napoaton inapitaráchin piyapinëhuëpita copirnonëna yaꞌconaponaꞌ. Ca nohuanto inapitaso copirno yaꞌconatonaꞌ, huaꞌanëntáponaꞌ. Co nisharoꞌsari huaꞌanëntarinhuëꞌ,” tënin,’ itëquëꞌ,” itërin.

Salmos 89:36

Ina quëran pipipisopitarácin copirno yaꞌconpachinaꞌ, huaꞌanëntaponaꞌ. Piꞌi yaꞌhuëasoꞌ, co aꞌnapitari huaꞌanëntarinhuëꞌ.

Isaías 7:14

Sinioro chachin napoahuarëꞌ maꞌsona aꞌnotarinquëma nitotamaso marëꞌ: Niꞌquëꞌ. Ca nohuanton nanon cayoapon. Inapoaton quëmapiaꞌhuaya huaipon. Inasoꞌ huaꞌhuin nohuitaton, Imanino itapon.

Mateo 1:21

Huaicasoꞌ nanihuachin, quëmapiaꞌhuaya nasitapon. Nasitohuachin, Quisoso itëquëꞌ. Piyapinënpita oshanënaꞌ inquitaton, nichaꞌësarin niꞌton, ina nininën acotëquëꞌ, itërin anquëniri. Itahuaton, panantarin huachi.

Mateo 1:23

“Aꞌna tahuëri nanon inaora cayoapon. Co quëmapiri sëꞌhuapirinhuëꞌ, napoapon. Quëmapiaꞌhuaya huaihuachin, Imanino itapi,” tënin. Yosë chachin oꞌmaton, yacaparinpoaꞌ, tapon naporin. Ina pochin nasitimahuachina, iráca ninopisoꞌ nanirin huachi.

Lucas 1:48

Topinan piyapico nipirahuëꞌ, yonquirinco. Ipora quëran huarëꞌ naꞌa piyapiꞌsaꞌ nohuitarinaco. ‘Ma noyacha Yosëri catahuarin paya,’ tosapi.

Hechos 3:16

‘Quisoso catahuarincoi,’ taꞌtoi, iso apia nohuitëramasoꞌ anoyatërai. Inantaꞌ: ‘Inasoꞌ, catahuarinco mini,’ taꞌton, noya paꞌsarin niꞌnamaꞌ canpitantaꞌ.

Gálatas 3:14

“Yosë noꞌtëquën nontërinco,” tënin Apraan. Ina tëninso marëꞌ Yosëri noya niꞌnin. Nisha piyapiroꞌsarintaꞌ imacaiso marëꞌ Quisocristo chiminin. Ina natëhuachinara, Yosëri noya niꞌnin. Yaꞌipinpoaꞌ Quisocristo imapatëhuaꞌ, Ispirito Santo yaꞌcoancantarinpoaꞌ. Iráca Yosë shaꞌhuirinso pochachin yaꞌcoancantarinpoaꞌ.

Efesios 1:3

Ma noyacha Tata Yosëso paya. Sinioro Quisocristo paꞌpin inasoꞌ. Inápa quëran noya noya yonquirinpoaꞌ. Quisocristo imarëhuaꞌ niꞌton, naꞌcon catahuarinpoaꞌ noya noya cancantacaso marëꞌ. Oshanënpoaꞌ inquitatonpoaꞌ, anoyacancantërinpoaꞌ. Ina quëran nani tahuëri catahuarinpoaꞌ nohuantërinso chachin nicacasoꞌ. Co inápaquë yaꞌhuëyatërarihuarahuëꞌ, inatohuaꞌ yaꞌhuëarëhuaso pochin Yosë nohuitërëhuaꞌ. Ina yonquiatëhuaꞌ, “Yosparinquën Sinioro,” itahuaꞌ.

Efesios 3:14

“Ma noyacha Yosë yonquirinpoa paya,” taꞌto, isonahuato, Tata Yosë nontërahuë.

Filipenses 2:10

Napoaton Quisocristo yonquiatonaꞌ, yaꞌipi piyapiꞌsari isonahuatonaꞌ chinochinaꞌ. Inápaquë yaꞌhuërinsopita, isoroꞌpaquë yaꞌhuërinsopita, noꞌpaanaquë yaꞌhuëpisopita, inapitarintaꞌ chinochinaꞌ.

Colosenses 1:3

Canpita yonquihuatëinquëmara, naꞌcon Yosë nontarai. Inasoꞌ Sinioro Quisocristo paꞌpin. Cancanëma quëran huarëꞌ ina natëramaꞌ. Yaꞌipi Yosë piyapinënpitantaꞌ nosororamaꞌ, natantërai. Ina natantatoi, noya cancantërai. “Noya imarinënquën niꞌton, ‘Yosparinquën Sinioro,’ ” itërai.

1 Pedro 1:3

Ma noyacha Tata Yosëso paya. Quisocristo paꞌpin inasoꞌ. Naꞌcon nosoroatonpoaꞌ, nasitantarëso pochin nasha cancan quëtërinpoaꞌ ina nohuitacaso marëꞌ. Quisocristo huaꞌanëntërinpoaꞌ. “Chiminaponahuëꞌ, nanpiantarin niꞌton, canpoantaꞌ nanpiantarihuaꞌ,” taꞌtëhuaꞌ, noya ninarëhuaꞌ. Natëtomiatërëhuaꞌ.

Apocalipsis 15:4

Yaꞌipiya Sinioro tëꞌhuachinënquën. Yaꞌipiya yonquiꞌinënquën. Quëmasáchin nóyanquën. Aꞌna tahuëri noꞌtëquën oshahuanoꞌsaꞌ anaꞌintaran niꞌton, nisha nisha piyapiꞌsaꞌ huëcatonaꞌ, chinotarinënquën,” topi cantatonaꞌ.